الآن بوفطيرة والفنيطيس تنباع على 80 و 85 و 90 الف ( احصائية وزارة العدل 2-4 مارس)

[خسران جداً]

النصب كله عند اهل المكاتب (الشريطيه)

اللي عنده ارض ب80 خل يدزلي رساله خل نشوفها

 

[ezee]

اخوانى اللى عندة ارض على 80 يتصل على ولة الحلاوة

ت 99866276 اخوكم ابو فهد

 

[كش ملك]

الله يبشرك بالخير ، أقسم بالله كنت ناوي هاليومين ادفع عربون لأرض أعجبتني ، والآن بعد هالخبر المفرح اليوم يوم عيد ،

وداعا للمهايط والأسعار الخرافية ، يا جماعة في أغاني أمريكية كثيرة تغني عن المليون دولار هي الحلم الأمريكي لو حصل عليها الإنسان ايش راح يسوي فيها ،في عطر اسمه مليون دولار ، واحنا يالكويتيين نرمي ثلاث مية ألف دينار اللي تعادل مليون دولار كأنها شربة ماي ، والله العظيم جنون هذا اللي قاعد يصير ، المبلغ هذا يعتبر ثروة في ثقافات الدول الأخرى ،

حان الأوان لكي تعود المياه إلى مجاريها ، والركادة زينه ،

مع خالص التقدير والاحترام لناقل هذا الخبر

 

[BO NASER]

الكشف صحيح وسليم

والعقار بهبوط مستمر إن شاءالله

واستغرب من الاخ الذي يصر على ارتفاع العقار وان الكشف غير صحيح ولم يجده في الموقع

والمفروض تحترم جميع المشاركات وان لاتتجاوز أدب الحوار

​

 

[dollar9119]

الصفقات موجوده

شباب توني مجيك موقع وزارة العدل و الصفقات كلها موجود و الله يبشرك بالخير اخوي math-man و الله يوفق الجميع ان شاء الله

 

[فنان999]

هذه الأسعار صحيحة ولكن قبل 9 الي 12 شهر والله اعلم
اود ان اوضح ان تسجيل القسائم تم مؤخرا والشراء كان قبل فتره لأن ادارة التسجيل تاخذ على العقود المبدأيه وهي عقود الدلالين
الي يبي يعرف اسعار الحين يقرأ جريده الهدف أوالوسيط ويعرف الأسعار
او يخطف رجله ويروح سوق العقار ويسأل هناك
بلا مزايدات
ودمتم

 

[المنظور الشامل]

صاحب الموضوع العزيز تأكدنا من الاسعار بالكشف حيث بالسبق لم يكن موجود والله يعطيك العافيه وأن شاء الله تكون الاسعار أقل من 50 الف .

وأنا بأنتظار الكشف إلى بعده للمناقشه وأن شاء الله يكون نزول ساحق

لكن خلنا نحط بأعتبارنا أن البيعات حسب ظروفها تسييل يعني وقتي لفك دين مما يتم بيع موجودات الشخص عن طريق بنوك يعني بيع قهري .

على العموم بأنتظار أخر المستجدات

 

[cawcaw]

يارب تسهلها علينا وعلى كل الي يبون اراضي وتوفقنا وياهم ونشتري الارض الي نحلم فيها بالسعر المعقول ونستقر والله تعبنا.. ياجماعه الي يحصل ارض (بوفطيره او الفنيطيس) ب 80 الف عفيه يبلغني بالخاص او على 67072277 بوعلي

 

[الأبطح]

والله صار لي اسبوع وانا اسأل الدلالين ويقولون من 105 الى 110 شارع واحد بابوفطيرة

على العموم اللي عنده ارض ب 80 خل يراسلني عندي شراي

 

[المنظور الشامل]

والله صار لي اسبوع وانا اسأل الدلالين ويقولون من 105 الى 110 شارع واحد بابوفطيرة

على العموم اللي عنده ارض ب 80 خل يراسلني عندي شراي

والله يا خوي شفت الوسيط و 808080 والصدى ومواقع الأنترنت العقارية وكل الدلالين المعرفه ما عنده هذا السعر اقل من 110 الف شارع واحد ما تحصل بصراحه استانست مع خبر موقع وزارة العدل لكن الصدمه كانت بعد التحري

الله يرزقنا وياك

 

[kappa]

يجماعه كل بيعه لها ظروفها ..

انا اخوي شرى من ولد عمي بيت بسعر 260 الف

علشان يوفر مبلغ بسيط النص بالمية للبلدية وعمولة المكتب واحد بالمية

وسجلوها ب 100 الف ..

المهم

علشان لا يطول الحجي

اللي عنده ارض ب 90 الف له مني 5 الاف دينار غير عمولة المكتب ..

 

[كش ملك]

اللي أنا اعرفه ومتأكد منه ان هناك خبراء في الوزارة لمنع التلاعب بالأسعار ، هذا أخوي باع بيته في جنوب السرة والبيت جابله 300000 ألف ، وانتم عارفين البيت اللي ينباع أكثر من ثلاث مئة ألف يحرم صاحبه من قرض التسليف السبعين ألف بحيث لو أراد أن يشتري بيت ثاني لا تعطى له السعين ،

باختصار أخوي ظبط السعر على 190000 ولكن خبير الوزارة قاله يا حبيبي إلعب غيرها هذي الأسعار ليست الأسعار المتعارف عليها في جنوب السرة ، فرفض قبول المعاملة ،

وهذا الأمر معروف اسألو أهل المكاتب عن خبراء التقيم ،

تحياتي

 

[المطبه]

مبروكين ياشباب فعلا بدت الاسعار بالنزول
وأنشاءالله أنشوف أقل من 80 ألف لأن لالحين الاسعار نار
​

 

[خسران جداً]

ياجماعه اللي يشتري بيت بسعر ويسجله بسعر اخر فهذا غش و الله ما يبارك للانسان اللي غش.....اتمنى نزول الاسعار اكثر

 

[s3ood-78]

مع الأسف بعض موظفين الدوله والي بيدهم الصلاحيات قامو يتلاعبون بالقوانين على حساب أهلهم اعيال الكويت

وحسبي الله ونعم الوكيل فيهم

عساها زقووم بكل من يتلاعب بالقوانين لمصلحة الشخيصة أولكسب المال بطرق غير شرعية

 

[كنز المعرفه]

يجماعه كل بيعه لها ظروفها ..

انا اخوي شرى من ولد عمي بيت بسعر 260 الف

علشان يوفر مبلغ بسيط النص بالمية للبلدية وعمولة المكتب واحد بالمية

وسجلوها ب 100 الف ..

المهم

علشان لا يطول الحجي

اللي عنده ارض ب 90 الف له مني 5 الاف دينار غير عمولة المكتب ..

يعني كل البيعات اللي تكلم عنها الشباب كانت بين أبناء عمومه !! خوش منطق

صحابك خايف من بنك التسليف ما يعطيه قرض الشراء مره ثانية لكن بشره الشيح أحمد لغى هالقرار ورفع لسقف من 200 لـ 300 ألف .

 

[dr.moon77]

يجماعه كل بيعه لها ظروفها ..

انا اخوي شرى من ولد عمي بيت بسعر 260 الف

علشان يوفر مبلغ بسيط النص بالمية للبلدية وعمولة المكتب واحد بالمية

وسجلوها ب 100 الف ..

المهم

علشان لا يطول الحجي

اللي عنده ارض ب 90 الف له مني 5 الاف دينار غير عمولة المكتب ..

خرابيط
اذا باع البيت ب 100 الف يعني اخوك يقدر يطالب ولد عمك بعد البيع بالفرق عن طريق المحكمه 260 - 100= يعني لازم يردله 160 الف
الدنيا ما فيها امنان

 

[Del Piero]

مبروك يا اخوان نزول الاسعار

واضح من ردود البعض ان النزول مو في صالحهم ولذلك صراخهم على قدر الوجع وما الومهم لان المال عديل الروح
انصحهم بالدعاء والاستغفار والله يرزقهم ويوفقهمان شاء الله

 

[zaid__77]

السلام عليكم .....

يا أخوان أكثر الملاك في هذة المناطق هم من الشركات والتجار وهم من يستهدفهم القانون ومن الطبيعي سيصرفون الأراضي ، فلماذا نبحث عن الأعذار لهذا النزول المتوقع ، فهذا النزول لم يأتي من فراغ ، هذة حقيقة وواقع وأنشاء الله الأيام القادمة سيكون النزول حاد لقرب أنتهاء مهلة القانون ، وبإذن الله سيكسر حاجز الـ 80 ألف.

مبروك مبروك النزول

 

[كنز المعرفه]

السلام عليكم .....

يا أخوان أكثر الملاك في هذة المناطق هم من الشركات والتجار وهم من يستهدفهم القانون ومن الطبيعي سيصرفون الأراضي ، فلماذا نبحث عن الأعذار لهذا النزول المتوقع ، فهذا النزول لم يأتي من فراغ ، هذة حقيقة وواقع وأنشاء الله الأيام القادمة سيكون النزول حاد لقرب أنتهاء مهلة القانون ، وبإذن الله سيكسر حاجز الـ 80 ألف.

مبروك مبروك النزول

نعم هالشركات ضاربت بفلوسنا ورفعت العقار علينا وبالأخير هالشركات مفلسه ومتورطه وأسهمنا صارت أقل من قيمتها الأسمية !

ومن هالشركات شركة " أصول " تمتلك بلوكات كثيره بشرق القرين ومتورطه فيها الآن