بيت التمويل الخليجي (تمويل خليج)

[بروفو]

دكتور مشكووور على النصيحه...بس للعلم انا كنت كاشف عبدالزهره وما كتبت وين عبد الزهره الا لاني متيقن ان امثاله ما يطعون الا لاسباب انت عارفها....

 

[البورصه دمرتني]

شنو هالكلام وللورثه وما ادري شنو قاعدين تحبطونا بهالكلام احكو شي مفيد عسى يرتد السهم قريبا ويعوض علينا الله

 

[MECH-ENG]

الله يعوضنا خير.. مشكور اخوي الاستاذ

 

[الشــلاحي]

شوفو والله علي حسب خبرتي اسهم العين عليه يبي يقفز
بس متي الله اعلم بس الي ملاحظه انه يبي محد يشتري
يحاول يعرض اكبر كميه عشان الناس تخاف لو يبي يصرف كان
عرض مليون بس وينطر لين ينطلب بنفس السعر يوهم الناس
بصعود ويقط علي طلباتهم والله العين علي السهم التاجر
والمضارب و المستثمر كلهم ينطرون نهايه النزول وحتي الخسران
الله يكون بعونه يفكر يبرد علي السهم بس ينطر انه يستقر علي سعر معين
ولا شتقولون
بلنسبه مفتاح افضل فرصه للمضاربه نحن نعرفها في الوقت الحالي هي تمويل خليج شراء عند نهاية النزول وبيع فوري علي اي ارتفاع من الي يبي يبرد علي السهم شي طبيعي ناس شاريه علي اسعار عاليه خسرانه 90 و 80 و 70 و60 بي % شي طبيعي يبي يبرد و يخفظ الخساره
ويعدل مركزه يعني بدال ميكون سعر الشراء 300 فلس بعد التبريد يكون سعر التكلفه 80 و 60 فلس طبعن يحتاج سيوله

 

[مليونير بعد سنه]

لحد يشتري حتى لو يطلع حد اعلى لازم تتيقن من الامور قبل لاتستغل رخص السهم

وجهة نظري + الشارت تقول السهم يوصل بداية الثلاثينات ولله اعلم

مو تحبيط لكن احرص اخوي الكريم وتيقن تيقن تيقن

 

[الغرقان]

هذا وبعد التصريحات ايجابيه وفى اخبار ممتازه خلال اسبوع القادم
وهذا وضع السهم من اسوء الى اسوء

 

[trader_1]

دكتور مشكووور على النصيحه...بس للعلم انا كنت كاشف عبدالزهره وما كتبت وين عبد الزهره الا لاني متيقن ان امثاله ما يطعون الا لاسباب انت عارفها....

عاد ما لقى نك إلا عبدالزهرة يعني لو حاط ديوان جبلة اذا تذكرون هالنك قبل الاكتتاب وبعدين اختفى كلش مو مدزوز أنا في رأيى مايدري شطبخه والله العالم .

 

[مليونير بعد سنه]

صراحة خوش مضارب على السهم مايبي يربح بس يمشي ويقد بالادنى

من الخمسينات لي 44 على منو تمشي مضارب

احلى صيدة

 

[Trillion]

الظاهر نزول سهم وعرضه بالحد الادنى بينزوله حق 10 فلوس الانه في فجوه حق 11 فلس لازم

يسكرها !!!!!!!!!!! ( من القهر والله )

مصخره لي قاعد اصير بالسهم .......وعلى الله من ثم على الوفد لي راح ايروح البحرين الاثنين

هذا ويا جماعه لي للحين ما يعرف شسالفه خل يراسل اخونا متداول صغير وهو راح يقوله بكل شي

الانه الوضع جد مو طبيعي نائب الرئيس يطلع ويصرح ورئيس تنفيدي يصرح وكلهم ايجابي ويتكلم

عن تحقيق ارباح في القريب العاجل وممكن في الربع الثاني وبالكثير الثالث وفوق هذا الارقام

الأيجابيه لي شفنها في الربع الأول

ولكن سعر سهم وحركه تداوله والاشاعات لي نسمعها بالبورصه تقول غير جذي كلــــــــــــش

منو انصدق !؟ !؟​

 

[بروفو]

اي فجوه كل كلام تخدير....لكن مالنا الا رحمة الله

 

[بروفو]

الحمدلله على كل حاااال وانا لله وانا اليه راجعون اللهم اجرنا في مصيبتنا واخلف لنا خيرا منها....

 

[مليونير بعد سنه]

حسبي لله على من كان السبب

خلو الرجال يبجي بقاعة التداول

يالله انك تعوضة خيرررررررررررر

 

[معشي الجن]

حسبي لله على من كان السبب

خلو الرجال يبجي بقاعة التداول

يالله انك تعوضة خيرررررررررررر

لا حول ولا قوة الا بالله العلي العظيم

(غلبة الرجال)

 

[trader_1]

أهل مكة أدرى بشعابها سعره في البحرين اليوم 63 بدون تداول يعني لو في خبر إفلاس أو مصيبه مالية أو حتى عدم القدرة على الالتزام بسداد الديون كان عرفو في البحرين قبل الكويت ونزل سعره هناك .

 

[انت عمري]

لاحوله ولا قوه الا بالله
عسا ان تكرهوا شي وهوه خيرا لكم

 

[misho200]

عايد العنزي ذكر ان احد المتداولين ( بكى ) في قاعة التدوال بسبب انهيار سهم بيت التمويل الخليجي .. حلاله وحلال عياله راح .
مسكين ما قدر يمسك نفسه بين الناس ..
يجيب الله خير .. تضيق وباذن الله تفرج .. وحسبي الله هو نعم الوكيل .

 

[majrooh]

اداره البورصه متفرجه والشركه ساكته والمستثمرين لا حوله ولا قوى من هو المسئول القادر لحل هذه الازمه

 

[الشــلاحي]

الله يكون في عونه
هذا السوق لازم تخسر عشان تربح
يعني مافي احد يربح و الا يكون خسران قبلها أو العكس
يعني تبونا نربح بس كان الاسهم الحين 1000 دينار اذا كل يوم ربح
بس في ناس متخاف الله تروج الافلاس عشان تجمع كميات وتروج العقود عشان تبيع
واحذرو منهم

 

[trader_1]

عايد العنزي ذكر ان احد المتداولين ( بكى ) في قاعة التدوال بسبب انهيار سهم بيت التمويل الخليجي .. حلاله وحلال عياله راح .
مسكين ما قدر يمسك نفسه بين الناس ..
يجيب الله خير .. تضيق وباذن الله تفرج .. وحسبي الله هو نعم الوكيل .

دين الاسلام الحنيف يمنع الأذى عن الحيوان فما بالك باللي يأذي مسلم اللهم اجعل كيدهم في نحورهم اللهم اني أسألك باسمك الأعظم أن تخسف بأموال من تسبب بذلك اللهم آمين .

 

[majrooh]

ألاعيب الحد الادنى تعودنا عليها بحد اقصى ثلاث أيام اذا غدا لم يرتفع ويعلق لجنى الارباح يعنى السهم مقبل على الافلاس وكلام الشركه غير صادق بسبب البيع بكميات مهوله و بأسعار متدنيه