بيت التمويل الخليجي (تمويل خليج)

[البورصه دمرتني]

خوي هذا مو اذى هذي تجاره والتجاره ربح وخساره ولازم الواحد يرضى بقدره .. انا لاحظت وايد ناس قاعدين يشترون ان شاء الله ارتداد قريب يعني المعروض بالحد الادنى كان 8 مليون الحين 4 مليون وهذا شي ايجابي نوعا ما عسى ربك ييسر

 

[الخليجي 1]

لاحول ولاقوة الا بالله

 

[سين من الناس 75]

يا غلام الزهراء مدري عبد الزهراء محد مجننى بالمنتدى الا انت ابي اسمك وعنوان بيتك علشان اذا طلع كلامك صح ودشت سيوله بعد بكره وارتفع السهم بعزمك على مفطح مهياوهـ وفوقها حبه خشم اما ان طلعت معلومه خرطى ذبحتك على ايدى والله يعين اعضاء المنتدى يقطون ويدفعون ديتك

 

[مستثمراستراتيجي]

لا بارك الله فيهم لعبوا في نفسيات الناس

 

[البورصه دمرتني]

الحركه اليوم ما تطمن يعني ليش رفعو السهم ودبسو الناس وردو نزلوه كانو قاعدين يصرفون ويضحكون علينا

 

[*الأستاذ*]

دين الاسلام الحنيف يمنع الأذى عن الحيوان فما بالك باللي يأذي مسلم اللهم اجعل كيدهم في نحورهم اللهم اني أسألك باسمك الأعظم أن تخسف بأموال من تسبب بذلك اللهم آمين .

آميــــــــــــــــــــــــــــــــــــــــــــــــــن

 

[البورصه دمرتني]

الشي القاعد افكر فيه ان المضارب اللي باع السهم بسعر 44 فلس اليوم اكيد يبي ينزل السهم ليجمع ويعوض خسارته والشركة الله اعلم وين توصل .. وهل من المعقول مضارب عنده كل هالاسهم وقاعد يبيعها بارخص الاسعار شنو هدفه ؟؟؟ والله شي يحير

 

[*الأستاذ*]

الشي القاعد افكر فيه ان المضارب اللي باع السهم بسعر 44 فلس اليوم اكيد يبي ينزل السهم ليجمع ويعوض خسارته والشركة الله اعلم وين توصل .. وهل من المعقول مضارب عنده كل هالاسهم وقاعد يبيعها بارخص الاسعار شنو هدفه ؟؟؟ والله شي يحير

قمت اشك ان الي قاعد يصير مضاربة

يا اخي الكميات هائلة





يا الله يا كريم
افرجها علينا

 

[Logiciel]

الله يكون في عونه
هذا السوق لازم تخسر عشان تربح
يعني مافي احد يربح و الا يكون خسران قبلها أو العكس
يعني تبونا نربح بس كان الاسهم الحين 1000 دينار اذا كل يوم ربح
بس في ناس متخاف الله تروج الافلاس عشان تجمع كميات وتروج العقود عشان تبيع
واحذرو منهم

تدري من متى انا اسمع ترويج الافلاس عشان التجميع من 100 فلس لي يومك اي تجميع اي بطييييييخ

انا كنت شاريه على 172 فلس تفصخ فيني وصل ليه 102 وبعت ابخساره قلت الله اعوض علي

المشكله بعض المتداولين او شريحه الاكبر معدوم عندهم شي اسمه وقف خسااااره هذا الي ادي الى الخساره الجايده

الله اكون ابعونكم وفرجها ان شاء الله

 

[ابو الوليد خالد]

لازم يغيرون اسمه من تمويل الخليج لي تمويل الحاره

لا ويبون الكويت مركز مالي يعني الي يشوف هالوضع وين يستثمر بالكويت

يعني اسمه تمويل خليجي على الاقل قدروا الاسم خليج

بس والله كسر خاطرى الي بجا بالبورصه

طيب هذا الي يبيع محد عاجبه تيد صرح وجناحي صرح والنصف صرح اظاهر مايجيب راسه الا اوباما لازم اوباما يصرح يقول البيت الابيض يدعم تمويل الخليج

ترا هذا على سبيل المزاح لحد يعصب ولحد يسبني بقلبه وفالكم التعليقه

 

[كش ملك]

مضاربة بلا رحمة ، أسأل الله العظيم رب العرش القدير أن ينتقم من هذا الجشع الطماع ،

من لا يرحم لا يرحم ،


ضاقت فلما استحكمت حلقاتها ** فرجت وكنت اظنها لا تفرج

 

[smsxxxsms]

بس للتوضيح يا اخوان:
سهم تمويل الخليج حدث له نزول صريح في الايام القليله والسبب انه توقف عن التداول في السوق البحريني في الاسبوع السابق في يوم الثلاثاء ولاسباب غير مبينه وتوقف على سعر مايقارب بعد التحويل للعمله الكويتيه 63 فلس كويتي

 

[محب التوحيد]

بسم الله الرحمن الرحيم

الأخوة الكرام/

السلام عليكم ورحمة الله وبركاته

الـرسـم الـبـيـانـي:




الـتـحـلـيـل الـتـقـنـي:

الـدعـــم :

42 فلس.

الـمـقـاومــة:

49 فلس.

الـقـنـاة الـهـابـطـة :

نشاهد في الرسم قناتين هابطتين كلاهما يتنتهي عند سعر 42 فلس والي يمثل خط الدعم .

الـفـجـوة:

في حال الارتداد فإنه يتوقع للسهم إغلاق الفجوة عند سعر 49 فلس وهي تمثل خط المقاومة.

كـمـيـة الـتـداول:

نشاهد أرتفاع في كمية التداول من 34.760 مليون سهم إلى 38.400 مليون سهم بإرتفاع قدره 3.640 مليون سهم.

الـتـوقـعـات لـتـداولات الـغـد 24 -5- 2010 -والله أعلم -:

1- يتوقع أن يستمر الهبوط إلى سعر 42 فلس.

2- يتوقع أن تكون نهاية التصحيح وبداية الارتداد عند سعر 42 فلس.


والله تعالى أعلم

هذه المشاركة ليست دعوة للبيع ولا للشراء ولا للتمسك بالسهم وإنماتحليل تقني قابل للصواب وقابل للخطأ .

وجزاكم الله خيرا

والسلام عليكم ورحمة الله وبركاته

 

[بو ضاري 2005]

الله يكون بعونكم

 

[كش ملك]

بارك الله فيك أخي الكريم محب التوحيد على هالمجهود ،

 

[كش ملك]

عايد العنزي ذكر ان احد المتداولين ( بكى ) في قاعة التدوال بسبب انهيار سهم بيت التمويل الخليجي .. حلاله وحلال عياله راح .
مسكين ما قدر يمسك نفسه بين الناس ..
يجيب الله خير .. تضيق وباذن الله تفرج .. وحسبي الله هو نعم الوكيل .

تذكرت كلمة قالها أغنى رجل في العالم اليهودي( وورن بافت )

يقول : كنت أدخل عندما يبكي الناس وأخرج عندما يضحك الناس،

لعل الإرتداد اقترب والله أعلم

 

[سلطان502]

بسم الله الرحمن الرحيم

الأخوة الكرام/

السلام عليكم ورحمة الله وبركاته

الـدعـــم :

42 فلس.

الـمـقـاومــة:

49 فلس.

الـقـنـاة الـهـابـطـة :



الـتـوقـعـات لـتـداولات الـغـد 24 -5- 2010 -والله أعلم -:

1- يتوقع أن يستمر الهبوط إلى سعر 42 فلس.

2- يتوقع أن تكون نهاية التصحيح وبداية الارتداد عند سعر 42 فلس.


والله تعالى أعلم

هذه المشاركة ليست دعوة للبيع ولا للشراء ولا للتمسك بالسهم وإنماتحليل تقني قابل للصواب وقابل للخطأ .

وجزاكم الله خيرا

والسلام عليكم ورحمة الله وبركاته

اميل الى تحليلك
لكن نزوله العنيف يخوف

 

[محترف الاسهم]

يا خال يا بو ثنتين

الليله ان شاء الله بحط امر شراء 800 الف على ال 42 فلس والله كريم

بدش الجرجور مانى خايف يفلس او ينزل الى ال 30 فلس مو مهم عندى

حسب قرائتى للميزانيه الامور طيبه ان شاء الله واكاد اجزم بتحقيق الربحيه فى الربع الثانى

 

[بو ضاري 2005]

يا خال يا بو ثنتين

الليله ان شاء الله بحط امر شراء 800 الف على ال 42 فلس والله كريم

بدش الجرجور مانى خايف يفلس او ينزل الى ال 30 فلس مو مهم عندى

حسب قرائتى للميزانيه الامور طيبه ان شاء الله واكاد اجزم بتحقيق الربحيه فى الربع الثانى

الركاده زينه

 

[البورصه دمرتني]

السهم اتوقع يشهد ارتدادات وهميه والله اعلم يعني ممكن يرتف يوم لحتى الناس تشتري ولكن يرد ينزل طبعا في حال السهم ضعيف او عندهم اخبار سلبيه اما ان كانت اخبارهم زين ان شاء الله ارتداد قريبا