حملة نبي نسكن ياحكومه

[K.KHALED]

السلام عليكم ورحمة الله وبركاته
اعضاء المنتدي الكرام

خير الكلام ما قل ودل

شرايكم نخصص يوم نعتصم فيه بساحة الاراده نطالب فيه بحقنا السكني

والكل يحضر ويساهم ويطالب بحقه ؟ شرايكم يا شباب ؟

تكفون طالبكم

والله مايجيبها الا رجالها

خلو صوتنا يوصل فوق تكفووووووووون

 

[Toofi-q8]

خوش اقتراح بس منو يقدر ينفذ؟

 

[اسامي]

اعتمد دخنا

يخصصون للجواخير 1250 متر والبشر 400 متر

 

[q8aty]

اخوي الحين مع واحد من الشباب قاعد انسوي خطه للمطالبه بحقوق السكن
السالفه اذا مافيها تحرك شعبي ما راح نسكن الا وعمارنا فوق 50
اللي قاعد يصير قمه المصخره
والسبب الحكومه
الحمله مدروسه ووقعيه

 

[اسامي]

جاهزين

 

[بس999]

شي يبط الجبد
عيالنا كبروا
سنة ايجارات والحين طلعت ابي شقه اكبر مافيه مؤجر يستقبلنا واحد عفن
يقول مابي اكثر من  اطفال
المؤجرين بفلوسنا يذلونا

 

[K.KHALED]

كفو والله يا شباب هذي الهقوه

 

[K.KHALED]

خوش اقتراح بس منو يقدر ينفذ؟

احنا بنفذ انشالله ونبيك ويانا

ومانيل المطالبي بالتمني

ولكن تاخذ الدنيا غلابي

 

[K.KHALED]

جاهزين

كفو والله خلك ويانا عالخط ايد وحده

 

[K.KHALED]

اخوي الحين مع واحد من الشباب قاعد انسوي خطه للمطالبه بحقوق السكن
السالفه اذا مافيها تحرك شعبي ما راح نسكن الا وعمارنا فوق 50
اللي قاعد يصير قمه المصخره
والسبب الحكومه
الحمله مدروسه ووقعيه

صدقت انها مصخره ومهزله ..

قاعدين يبوقون وينهبون ويراضون قله قليله واحنا متحسرين

اخوي احنا ايد وحده واهم شي ننشر الحمله نبي الفزعه نبي نحطهم تحت الامر الواقع مانبي ابر بنج ملين ومتنا من التصريحات

 

[Toofi-q8]

كل واحد ياخذ معاه عياله يمكن العدد يزيد ويلتفتون لمطالبنا

 

[بــوعبدالله]

أنا وياكم
حددوا اليوم وبتلاقوني أول واحد

 

[صريح12]

المفروض نناشد اعضاء مجلس الامة اللي مصوتين لهم
المثلث المعروف هو الصحة والتعليم والاسكان
الله يوفق الجميع وياريت يوصل الصوت
المشكلة في البطئ في اعمال البنية التحتية والتخطيط والتصميم ..... الخ
واتخاذ القرار في الاسكان يومهم عن سنة

 

[بدون مجامله]

لسان حال الحكومه تقول لكم احمدوا ربكم وزعنا لكم اراضي على المخططات وبعضها مساحته 600 متر وراح نسوي لكم حكومة مول وجامعات ومعاهد وانفاق صج ان مواقعها على الحدود لكن احمدوا ربكم لو بديره ثانيه كان مافيه سكن الا بحر مالك ؟؟؟؟؟؟؟؟

 

[Bo ayed]

معاكم
حملة تستحق التأيييد

 

[ليث متواضع]

لسان حال الحكومه تقول لكم احمدوا ربكم وزعنا لكم اراضي على المخططات وبعضها مساحته 600 متر وراح نسوي لكم حكومة مول وجامعات ومعاهد وانفاق صج ان مواقعها على الحدود لكن احمدوا ربكم لو بديره ثانيه كان مافيه سكن الا بحر مالك ؟؟؟؟؟؟؟؟

إي والله ياجماعه لو انتم في دوله ثانيه مالكم الا بحر مالك لكن احمدوا ربكم على النعمه وشوفوا ظروف الدول الاخرى تبوسون ايدكم مقلوبه الدوله وفرت اراضي مساحتها 600 متر وجميع المرافق الحكوميه فيها من مستشفيات كبيره على مستوى راقى وجامعات من افضل الجامعات في الشرق الاوسط واستاد رياضي كبير ومعاهد وترفيه وجسر عالمي ومترو أنفاق حتى القسيمه تسكنها وتؤجر نصفها وتسافر كل صيف وسياره اخر موديل وامور كثيره لكن لا اريد الاطاله لو انتم بحكم بشار كان تتمنون شقه نظيفه علشان تعيشون بسلام اللهم احفظ لنا اميرنا وحكومتنا

 

[abo riann]

تكفون ياجماعة اهل العقارات ملينو على ظهورنا ذبحونا بالاجارات المرتفعة اكلو معاشاتنا غير مذلة اجيك المؤجر يقول مابي ازعاج شنو اربط عيالنا شنو يعني عياله الي مالهم صيحه لاخر الشارع لا يقول ابي معاريس او طفل واحد شنو يعني انتبرا من عيالنا ولا انسلمهم الاحداث عشان اسكنونهم عنهم ااااه يالقهر لاكن الشرها على الي يسكت انا معاكم ترى انا ماادل ساحة الارادة لكن مني ورايح ابي ادق خيمه فيها

 

[Alroomi]

إي والله ياجماعه لو انتم في دوله ثانيه مالكم الا بحر مالك لكن احمدوا ربكم على النعمه وشوفوا ظروف الدول الاخرى تبوسون ايدكم مقلوبه الدوله وفرت اراضي مساحتها 600 متر وجميع المرافق الحكوميه فيها من مستشفيات كبيره على مستوى راقى وجامعات من افضل الجامعات في الشرق الاوسط واستاد رياضي كبير ومعاهد وترفيه وجسر عالمي ومترو أنفاق حتى القسيمه تسكنها وتؤجر نصفها وتسافر كل صيف وسياره اخر موديل وامور كثيره لكن لا اريد الاطاله لو انتم بحكم بشار كان تتمنون شقه نظيفه علشان تعيشون بسلام اللهم احفظ لنا اميرنا وحكومتنا

الله يحفظ الكويت وأميرها انشالله ولا يغير علينا بس ياخوي الكويت فيها خير والحمدالله لو انه الحكومه والنواب يشتغلون عدل ويهتمون بأمور الدوله تصير الديره احسن من جذي شوف الديره كلها بر والحمدالله الخير واجد ليش المواطن ينطر 15 سنه عشان يسكن هذا دليل على تخاذل الحكومه وازمه السكن كل مالها وتتفاقم واقول الحمدالله مره ثانيه بس نقدر نصير احسن من جذي ليش ما نطالب بهشي *

 

[abo riann]

الواحد عسى ماتكلم بشي قالوا احمد ربك انت بالكويت ندري حنا بالكويت وترى ماطوف ساعة الا ذكرين الله سبحانه فيها لكن حنا تعبنا من الغلا وبهذلة الاجارات تعبت نفسيتنا وصحتنا لازم الحكومة اشوف لنا حل مومعقول احنا نفتر بالشوارع اندور شقق والحكومة مطنشتنا لا فوق هذا تعطي الي عندهم بيوت قرض ترميم ادري تبي تقولون حسود اذا الحسد بحل مشكلتي عادي اتهموني بالحسد ياشباب نبي نسكن خلاص ملينا كافي كافي حرام

 

[مقام العز]

شباب اشرايكم اول مايسمحون بتخييم نطق مخيم علي الدائري السابع وندق علي كل القنوات تجي تصور الشعب المنكوب اجيل بدون مسكن نطالب فيه الحكومة برفع يدها عن عشرة كيلو متر فقط من اللي تحت يدها من الاراضي. العقار بيد صاحب القرار واذا تم الوضع علي ماهو عليه انسوا النزول