حياتو الفصعه .. راس مال 9 مليون وكسور .. يعتبر بسيط .. بموجودات 17.5 تقريبا منها 15 مليون موجودات متداوله وهذا امر جيد .. المطلوبات 7.5 منها 5 مليون مطلوبات متداوله وهذا امر سئ .. فاما التسييل او الجدوله .. وفي كل الحالتين الموضوع ليس خطر على الشركه بوجهة نظري المتواضعه .. وخاصه مع وجود موجودات متداوله بقيمة 15 مليون كما ذكرت سابقا ..
الشركه عندها خساير مرحله بقيمة 1 مليون دينار تقريبا .. واحتياطات 1.3 .. والارباح اللي قاعد تحققها سنويا قاعد تنقص من الخساير المرحله .. ولو اني افضل لو انه الشركه تطفي خسايرها المرحله من حساب الاحتياطي وتستخدم الارباح السنويه للتوزيعات النقديه .. لكن انسى هالشي يطلع من تجارنا شي :>
القيمه الدفتريه صعدت بقيمه اربع فلوس عن السنه اللي طافت 2013 .. فكانت 99 فلس تقريبا واصبحت 104 تقريبا في نهاية 2014 وهذا ايضا مؤشر ايجابي ..
هناك علامة استفهام كبيره واحتاج الى بوخالد او بوعبدالله الهدف البعيد لفك اللغز .. فالشركه ايرداتها التشغيلية 15 مليون .. حققت منها اصافي مجمل ربح 2.6 مليون .. ولكن في نهاية السنه صافي الربح 81 ألف دينار فقط ! الفرق بين الصافي والمجمل اكثر من 2.5 مليون دينار !
بوجهة نظري المتواضعه الشركه تشغيلية جيده .. مقارنه باداءها التشغيلي وموجوداتها ومطلوباتها وراس المال .. ولا تستحق السعر المتداول .. وانني ارجع ال 47 كقاع للسهم .. والله تعالى اعلم ..
