الاكتتاب في صندوق ايفا الاسلامي ( عسجد)

[Pivotrend]

يمكن مستحين من تقييم هالشهر

حطو بجريدة الوطن اليوم تقييم الصندوق الأستثماري
و ماكو أي طاري عن الصندوق الأسلامي

مع أن الأسهم الشرعية بالبورصة كلها أرتفعت و وزعت أرباح , التمويل , الأتصالات , بوبيان ... ألخ
شلون يخسر الصندوق !!!

 

[BigBasha]

توني داق عليهم

تقييم شهر فبراير 0.867

يعني خسران 13.3%

 

[محمد2000]

توني داق عليهم

تقييم شهر فبراير 0.867

يعني خسران 13.3%

اذا هذا تقيــم شهر فبراير ؟؟؟
اعتبر مدير الصندوق واحد من اثنين ؟؟؟؟
اما انة حرامي او غبي .....!
غير هالكلام ماعندي ؟؟؟

 

[Mohammadd]

اذا هذا تقيــم شهر فبراير ؟؟؟
اعتبر مدير الصندوق واحد من اثنين ؟؟؟؟
اما انة حرامي او غبي .....!
غير هالكلام ماعندي ؟؟؟

توقعاتي الثنتين مع بعض ... حسبي الله ونعم الوكيل فيهم كلهم .
من 19/04/2006 والفلوس مجمدة , لا وخسرانه بعد وتقولي بعد مو حراميه . ​

 

[Pivotrend]

توني داق عليهم

تقييم شهر فبراير 0.867

يعني خسران 13.3%

0.867 - 1.020 = - 0.153
0.153 - \ 1.020 = 0.15 -

هم يقولون أن نسبة الخسارة 13.3%

ولكنها بالحقيقة:-
نسبة الخسارة بالنسبة للمكتتبين بالصندوق هي : - 15%


لو أفترضنا أن المكتتب بهذا الصندوق حط فلوسه ببيت التمويل وديعة يومها كان أخذ نسبة ربح 8.6%
هذا الصندوق ما خسركم فقط
بل ضيع عليكم فرصة ربح


و أذا ربح هذا الصندوق نسبة 50% أن شاء الله
فأعرف أن أداء السوق فاق نسبة 75%
يعني أنت خسران بكلتا الحالتين
أو بتعبير أصح أنقص عليك

 

[AL_RAGI]

توني داق عليهم

تقييم شهر فبراير 0.867

يعني خسران 13.3%

تصحيح بسيط فقط تقييم الوحدة 0.876 والله يعوض علينا

 

[انفو]

حبيبى صندوق العسجد دايخ دايخ ................

واتوقع الصندوق راح يوصل 700 فلس

والله يعوض عليكم

وغنوا يليل ما اطولك

 

[انفو]

هههههههههههههههههه



ّ
مافى رد الكل منصدم من الصندوق ........ الدايخ

​

الله يعوض عليكم​

 

[wildibm]

ان شاء الله يوصل 500 فلس

الفلوس باذن الله ماراحت
مادري ليش زعلانين !!!!!!!!!

الصندوق لازم تخلي فيه فلوسك مدة طويلة
مو تتحسر كل شهر
ماقولكم انا فرحان بالعكس
انا زعلان والله

بس السبب هو السوق
السوق نازل = اغلب الصناديق نازلة

والصندوق اصلا يشتغل بالسوق
تبون الصندوق 5 دنانير ؟؟؟؟؟؟؟

اذا السوق مرتفع والصندوق نازل

فصح كلامكم الصندوق تعبان

بس السوق نازل وبالتالي الصندوق من الطبيعي انه ينزل

 

[AL_RAGI]

بغيت اذكركم بصندوق زاجل الشهر اللى فات ارتفع 17 % وصندوق الوسم ارتفع خلال الاسبوع الماضى فقط 25 % يعنى كل شى جايز وممكن الصندوق هالشهر يرتفع ان شاء الله بمستوى جيد والله كريم

 

[على حمد]

ابشروا بالخير يا جماعة ...

السوق بدا يتعدل ... والصندوق في طريقه الى الارتفاع ...

بس الصبر وترى من صبر نال ....

تحياتي

 

[Speed Racer]

سمعت ان الشركة بيسوون صندوق يديد مضمون راس ماله ! لا و بعد في اسواق العالمية يعني بره سوق الكويت وعوار راس سوق الكويت !

 

[المقرود]

بعد ارتفاع أسهم مجموعة المخازن والهواتف يفترض أن الصندوق قد حقق أرباح قوية جدا خلال هذا الشهر

بصراحة إذا ما أعلنوا عن ارتفاع بسعر الوحدة فمعناته إن الصندوق وإدراته نصابين بالدرجة الأولى ويستحقون إن المساهمين يقاضونهم عشان يستردون حقوقهم

 

[بلاحدود]

بعد ارتفاع أسهم مجموعة المخازن والهواتف يفترض أن الصندوق قد حقق أرباح قوية جدا خلال هذا الشهر

بصراحة إذا ما أعلنوا عن ارتفاع بسعر الوحدة فمعناته إن الصندوق وإدراته نصابين بالدرجة الأولى ويستحقون إن المساهمين يقاضونهم عشان يستردون حقوقهم

هلا المقرود!
شخبارك؟

أنا بطلع من هالصندوق التعبان.. بس أبي أعرف خطوات التخارج من الصندوق ومتي يمكن التخارج.. هالشهر طاالع طاااالع.. والله يعوض

 

[نسنـاس]

هلا المقرود!
شخبارك؟

أنا بطلع من هالصندوق التعبان.. بس أبي أعرف خطوات التخارج من الصندوق ومتي يمكن التخارج.. هالشهر طاالع طاااالع.. والله يعوض

ودي اطلع من الصندوق
متى اطلع
وعلى اي سعر اطلع
فلنفترض ان التقييم اخر شهر 3 هو 900 فلس
هل اروح لهم و يعطوني 900 فلس لكل سهم بعد التقييم
ولا لازم الشهر الي وراه
او لازم القى شراي

؟
علمونا الطريقة قبل لا ينهبونها كلها


اهل هالملايين ما يشبعون نهب بهالفقارا
الله يسلط عليهم الي اقوى منهم ان شاء الله و يفكنا من شرهم


علمونا الطريقة قبل نهاية شهر 3 يالربع

 

[Mohammadd]

بعض المشاركات مشبوهه بصراحه ؟!؟!؟!؟!

كأن الهدف منها تخريع الناس , والله أعلم شنو هدفهم من ورا هالتفاهات .

الشركه أرقام تلفوناتها معلنه للكل ومو سريه اللي عنده إستفسارات يدق عليهم ويستفسر ويريح باله من إجابات وإستشارات حق ناس أساسا ما يعرفهم ولا يدري شلون صايرين !!!!

السوق بدأ يتحسن وإيفا ما عندهم أي عذر وتقييم هالشهر لازم يطلع فوق الدينار وإذا ما طلع السالفه وقتها تصير صج سالفة حراميه .

لكن فلنتفائل بالخير وسنجده إنشاءالله ....الصندوق ما دار عليه الحول يعني ما كمل سنه من بدايته والله يعوض صبرنا بخير إنشاءالله .

كل هالكلام ترى مو معناته إن السلمي والخزام ما يستاهلون الطق بل عكس ذلك تماما طقتهم حلال وإذا صار فيه طق صج يا ليت تحطون صورهم بالمنتدى قبل وبعد الدبغه.

 

[نسنـاس]

هالكلام ترى مو معناته إن السلمي والخزام ما يستاهلون الطق بل عكس ذلك تماما طقتهم حلال وإذا صار فيه طق صج يا ليت تحطون صورهم بالمنتدى قبل وبعد الدبغه.

بعض المشاركات مشبوهه بصراحه !!!!
والله أعلم شنو هدفهم من ورا هالتفاهات

شلون تطقهم و تحط صورهم

وين قاعدين

 

[malek]

صندوق ايفا الأستثماري كان أداءه من بداية تداوله خلال عام كان محقق ارباح قوية وتم توزيع ارباح على المساهمين بوحدات الصندوق 100 % .
وعندما تم الأعلان عن صندوق العسجد رحنا ركضنا على الأكتتاب فيه واشتغل الصندوق وقت نزول السوق بشكل عام .
المهم ان مدير الصندوق هو نفس مدير الصندوق الأستثماري واللي تسبب بنزول الصندوق هو نزول السوق ، لكن الأن مع حجم التداول اتوقع صعود قيمة الوحدة .
وان شاء الله يصعد ونعوض خسارتنا .

 

[ياقوت]

ان شاء الله


​

 

[مستثمروون]

انا بالبداية كنت راح أدخل على هالصندوق خصوصا انه بدأ الأكتتاب فيه
بعد دعاية توزيع صندوق ايفا أرباح 100 %
لكن في آخر لحظة بديت أتردد ..... تدرون ليش
لأن بصراحة الدعاية اللي صاحبت صندوق ايفا كانت مبالغ فيها جدا
في كل جرايد الكويت وهذا من حقهم ... لكنها صارت شبه يومية
الى أن أعلنوا انشاء صندوق ايفا الاسلامي واستغلوا الدعاية السابقة

وبصراحة تفاجأت بأنه لم يحقق أرباح ... صحيح بأني لم أكتتب فيه لكني كنت متابع لهالصندوق الاسلامي ....
على العموم يا اخوان لا تستعجلون الأرباح .... في أي صندوق كان
على الأقل خل يمر على سنه وقدر أرباحه ... دائما أول سنه فيها الربح قليل ....
لكن ان شاء يتحسن الصندوق للأحسن والله كريم
ويعوض عليكم خير
تمنياتي لكم بالرزق الوفير ان شاء الله