للكبار فقط .. مواليد الستينات والسبعينات وأوائل الثمانينات

[rashed 22]

ماشاء الله ... إبداع ياأختي الكريمه

والله كأنه شريط ذكرياتي ... تكتبينه بعفويه وبدقه مو طبيعيه

شكرا جدا .. على تذكيرنا بتلك الفترات الجميله

 

[نوكيا]

خلنا نتعلم من اخوانا الكبار وخصوصا اللي ملحقين على البيبسي
لما كان سعره 20 فلس ايام ما كان يقعد على صندوق البيبسي
عند البقاله وإيده كلها سيور النباطه

صندوق البيبسى ايام اول مصنوع من الخشب
وراعى البقاله ما يعطيك بطل بيبسى بدون تامين
اما بالنسبه الى سيور النباطه فكانت لزوم صيد طير نسميه (( الزعاره ))
وكنا نشترى فخ ابو لون خضر وننخش فى ملعب المدرسه عند الشجر

اعتقد بو عبدالله انت ملحق على هالسوالف

 

[InUrEyEs]

صندوق البيبسى ايام اول مصنوع من الخشب
وراعى البقاله ما يعطيك بطل بيبسى بدون تامين
اما بالنسبه الى سيور النباطه فكانت لزوم صيد طير نسميه (( الزعاره ))
وكنا نشترى فخ ابو لون خضر وننخش فى ملعب المدرسه عند الشجر

اعتقد بو عبدالله انت ملحق على هالسوالف

انا اخوى مواليد الثمانينات ملحق على الفخ الاخضر والبراحه الى جبال البيت فيها سدره احبل تحتها

لوعت الجبد اذا فج البالوعه ودور هل الزهيويه ويمعهم ابطل بيبسى وسده بكلينكس احنا البنات ماتشوف الا غبرتنا اذا طاح القطه ومشى الزهيوى مأسات

بس ياحلوها من ايام

 

[الزايرالفيلكاوي]

حطيت ايدك على الجرح يا خوي
والله ذكريات حلوه ... راحت ايامها
وماراح ترجع للابد .... اليوم زمن البلي ستيشن
ذكرتني بالاتاري ام مضرب اسود وفيها دقمه حمره
او برتقاليه والله ناسي ... وهات شريط الطيارات
وكمبيوتر صخر اول ماطلع وشريط رامبو ... لا وفي شريط
مايشتغل الا على كمبيوتر صخر الاسود
اييييييييييييييييه ايام يامعود خنقتني العبره .
لعب القدم مايبيله مكسر وفنيله بيضاء ولا ملونه
طبعا حافي ورجلك مقشره من وراء .


تحياتي : الـــــزايــــــــــــــــــــر .
.​

 

[بوكر]

اييييييييييييييييييييييي ياحزم الضامي


والله ذكرتنا بشغلات اصرعتني من الضحك

تذكرون ببسي صباح

وتذكرون كتكات ابو قصدير

كان الببسي ب20 فلس

قبل كان يعطونا قميص وبنطرون ماكنه نشتري الوزاره هم الي يعطونا ملابس مدرسه اههههههههههههههههه

قبل الواحد يطلع من البقاله بعد مايشتري اهو وربعه يقول محد نصي اله بطني يعني ماعطي احد نص اكلي الي شريته من البقاله الى بطني

كنا مشافيح

وذا لقيت شي طايح اقول لقيته بارض الله معطيه خلق الله

لووووووووووووووووووووول ايام الله يذكر ربعنا بالخير

الحين وعوذو بالله كثر الحسد وكثرت الامراض والعياذ بالله الله يستر على الجميع ​

 

[kooonan2002]

اهداء لاخ كاتب الموضوع..

رابط لأعنية فيلم الكارتون من قصص الشعوب.

http://www.youtube.com/watch?v=d0C8IGpvC9c

 

[InUrEyEs]

اهداء لاخ كاتب الموضوع..

رابط لأعنية فيلم الكارتون من قصص الشعوب.

http://www.youtube.com/watch?v=d0C8IGpvC9c

ههههههههههههه

عجيييييييييييييبه والله ونستنى فيها الله يونسك بالعافيه

 

[S500]

الله يذكر المطعم الهندي اللي بسوق السالميه القديم بالزاويه اللي فيها فيديو اليوم ومحل الالعاب الوالد الله يرحمه كان اللي يقعد للمدرسه اول واحد ياخذه معاه للمطعم ويجيب بربع جباتي يكفينا كلنا ويزيد

اذكر كان يسميه ابو جام لان فيه جامه كبييييير هاهاهاهاهاها

ايام ما تنسي

 

[ياقوت]

ايام روعه


​

 

[قلم حر]

صندوق البيبسى ايام اول مصنوع من الخشب
وراعى البقاله ما يعطيك بطل بيبسى بدون تامين
اما بالنسبه الى سيور النباطه فكانت لزوم صيد طير نسميه (( الزعاره ))
وكنا نشترى فخ ابو لون خضر وننخش فى ملعب المدرسه عند الشجر

اعتقد بو عبدالله انت ملحق على هالسوالف

مو باقي الا تقول اني ملحق على الدرباحه او الدربيحه
واللي ناقص بعد تقول اني من اللي يحفرون تحت سور البيت
ادور القبي العتل او المسيويج

 

[بو راس يابس]

بدون تعليق على الموضوع وهو من الذكريات

مكتوب للكبار فقط .. مواليد الستينات والسبعينات وأوائل الثمانينات ؟؟؟

صج وين مواليد الخمسينات ؟؟؟ ومواليد الثمانينات ... أو أوائل الثمانينات !! أكثرهم ما يذكرون أشياء عن الأزمه ؟!! إشلون تبيهم يذكرون قبل الأزمه بسنيين ؟؟!! يعني بالأزمه كلهم كانوا بالإبتدائي

على العموم مجرد مداخله والله يطول بعمر الكل على الخير والعمل الصالح وتصير هل السنه بالمستقبل مثل الستينات

عفوا اخوي الكبير ،، انا من مواليد اوائل الثمانينات ،، وللامانة ترى 3 ارباع السوالف اللي قالها اذكرها وكنا نسويها ،، واغلب اللي اذكره الاخ كان موجود لي الغزو وبعدها تغيرت الديرة 180 درجة ،، والناس صاروا ماديين وتغيرت نظرتهم للحياة ( مو الكل طبعا ) ،،

 

[azzd]

ابصراحة ذكرتنا بمسلسل يحطونه يوم السبت ولا الاحد
الساعة 8 ولا 9 وتعال صحصح علشان تشوفه ومن التعب وأنت ناطر المسلسل إلا شايف نص المسلسل ولا ربع بس
وتعال بعدين انطر الاسبوع الياي ( طبعا قبل 8 ..9 نوووووووووم )
طبعا أسم المسلسل
كان فو
صج مسلسل

ولا ننسى يوم الاثنين الساعة 10 برنامج نادي السينما تدوخ على ما الاخ عبدالعزيز .... مقدم البرنامج يخلص المقدم ( نبذه عن الفلم ) يعني ؟؟؟

صج أيام حلو

 

[قلم حر]

الواحد لما يقرأ الردود واللي كان يحصل قبل يحس ان الجميع
كانوا عايشين بفريج او بيت واحد .
والحين كل شئ تغير .


نرجع لموضوعنا

تذكرون ملاهي الزهره والانوار لما نروح لها بالعيد كاشخين
الواحد لابس دشداشة العيد البيضاء وتحتها لابس
فانيله حمرا عليها رقم 6 ، ليش 6 مادري

 

[شاطر]

 

[InUrEyEs]

الواحد لما يقرأ الردود واللي كان يحصل قبل يحس ان الجميع
كانوا عايشين بفريج او بيت واحد .
والحين كل شئ تغير .


نرجع لموضوعنا

تذكرون ملاهي الزهره والانوار لما نروح لها بالعيد كاشخين
الواحد لابس دشداشة العيد البيضاء وتحتها لابس
فانيله حمرا عليها رقم 6 ، ليش 6 مادري

على طارى هدوم العيد ليش اول اذا كانت ليله العيد مانام ونشترى كل شى جديد ونالعلق الملابس بالكبت بس مو داخله لا على مسكه الباب مال الكبت ونضل انخز فيهم ونطالعهم ليمه انام شنو الحكمه مادرى

 

[يا باغي الخير]

لووووووووووووووووووول


والله ايام

انا لحقت على بعض الشغلات

 

[ALMUTAIRI]

 

[طير شلوة]

أتذكر أيام الترفيهيه قبل الشباب يصفون دور علي ألالعاب ولما يوصل دورهم ما يلعبون .. بعدين عرفت السبب

لوووووووووووووووول بس مو قادر اكمل .

 

[العراب 2006]

الله يادنيا كنت نسيها وتوه ذكرت .

.. تذكرون المحباله الخضره والغبي الي تحت الشينكو والنباطه لي صتفيها دهنت الرقه بالدم الطير .

...... تذكرون الفلم الكرتوني ببيرو ( النسر الذهبي ) وسندباد وياسمينه ولقطة الحوريه ام صدر الي تحب سندباد

..... تذكرون المدرسه يوم الخميس وانشوده وقف الاسير مقيا بين ... والعداء

... تذكرون عصير السانكست وحطته على التاير الخلفي بالقاري Pmx24 وصوت الازعاج .

...... تذكرون الحليب الي امك تدفيه بالطاسه وانت راسك يدور معاه ليم يجيك افا وتقوم بسرعه تلبس .

.... تذكرون اذا الوالده تبي تولد وراحت المستشفى على طول تاخذ فرشك انت وخوانك وبيت جيرانكم .( هذي الي انعدمت صج )

......تذكرون القلب الخضر الي كل يوم يحب .

...... تذكرون جريده السياسه وصور الملونه .

..... تذكرون بهبت الخدم والالبوم عند الوالده اتنقي الصوره احنا متجمعين حولها لا لا لا هذي لاهذي لا هذي احلى واخرتها اسحت خدامه جايبه .

...... تذكرون الفلوس الي بشيلت الوالده ولافتهم عدل .

...... تذكرون المحكر والبرج والحمام ( وامش اوريك طيري المقنزع وهو يدق طار فوق السطح ) استغفر الله .:d

ايام لاتنسى ولا يمكن تعود .

 

[I T C]

انا اكمل عنك ..

تذكرون السيارة العجيبه..تذكرون سنان المسلسل الكرتونى..تذكرون برنامج امثال غطاوى..تذكرون مسلسل مدينة الرياح ..والله عندى اشياء واجد لكن الحين موذاكر .

على العموم الله يعطيك العافية فعلا نشطت الذاكرة

الف رحمة تنزل على والدى وقائدى وسيدى بابا جابر.