رؤية لبعض الأسهم المرشحه للصعود

[Master-Leo]

تحياتى لك اخى العزيز كينك

ابى تحليلك لسهم اسماك بعد اقفال اليوم

ولك منى كل الشكر والتقدير

ممكن تشوفلنا مؤشرات سهم ( نور ) و ( الوطنية العقارية ) بعد تداول اليوم جزاك الله خير

يعطيك العافيه يالكنج عالمجهود ويخليك لنا ذخر
ماعليك امر يالحبيب تشوف م.الاوراق لو تكرمت

حاضر لكم بس بما ان عندنا ويك اند خلوها باجر لأن عيوني الحين

قفلت قمت اشوف رقم 2 و 3 مثل بعض هههه

 

[NBK]

هلا بالحبيب بنكي الوطني شلونك اخوي

مؤشرات سهم الفجيره تقولك ياطويل العمر

- الماكد لازال ايجابي فوق خط الصفر لكن منحدر قليلا عن

أعلى نقطه وصل لها بعد الكسر الايجابي للأعلى

- الستوكاستك : طافح شوي ويشير الى أخذ الحذر

من منطقة جني أرباح محتمله

- مؤشر القوه النسبية : نازل الى 50 نقطه حاليا

وشكله في نزول أكثر وهذا شي سلبي نوعا ما

الدعم 290 والمقاومه 300 والقرار لك بالتوفيق ان شاءالله

طال عمرك يالغالي

 

[مضارب عقاري]

هل مجموعة الصفوة مرشحه للصعود الاسبوع القادم مع التحليل اذا امكن؟

 

[sporty72]

ممكن تشوفلنا مؤشرات سهم ( نور ) و ( الوطنية العقارية ) بعد تداول اليوم جزاك الله خير

للرفع با استاذنا الغالي

 

[Master-Leo]

للرفع با استاذنا الغالي

هلا اخوي

نور : مؤشرات السهم سلبيه لاتوحي بصعود قريب

لكن السهم واقف عند الدعم 380 والمقاومه 390 و 400

والسهم شكله بأسس على أسعار 355- 380 حسب

موجة الصعود أو النزول في السوق بصفه عامه

استثماريا ان شاءالله السهم ما منه خوف لأن ارباحه زينه

وتابع مثل مانعرف الصناعات الوطنيه .

الوطنيه العقاريه : الدعم 690 والمقاومه 720

مؤشرات السهم شكلها بتعطي ايحاء بصعود قريب لكن

نتأكد من هالشي يوم السبت ان شاءالله لما تتأكد حركة الماكد

بالتوفيق ان شاءالله

 

[Master-Leo]

تحياتى لك اخى العزيز كينك

ابى تحليلك لسهم اسماك بعد اقفال اليوم

ولك منى كل الشكر والتقدير

هلا اخوي

الأسماك : دعم 380 ومقاومه 400

مؤشرات السهم في بداية اعطاء اشارات سلبية

فقد يهبط للدعم ولكن في حالة تأكيد خبر بيعة

الشركة لحصتها في سدافكو فأعتقد السهم بيكسر

كل هالتحاليل ويشلع للأعلى وبالتوفيق لك ان شاءالله

 

[بوجاسم2]

هلا اخوي

نور : مؤشرات السهم سلبيه لاتوحي بصعود قريب

لكن السهم واقف عند الدعم 380 والمقاومه 390 و 400

والسهم شكله بأسس على أسعار 355- 380 حسب

موجة الصعود أو النزول في السوق بصفه عامه

استثماريا ان شاءالله السهم ما منه خوف لأن ارباحه زينه

وتابع مثل مانعرف الصناعات الوطنيه .

الوطنيه العقاريه : الدعم 690 والمقاومه 720

مؤشرات السهم شكلها بتعطي ايحاء بصعود قريب لكن

نتأكد من هالشي يوم السبت ان شاءالله لما تتأكد حركة الماكد

بالتوفيق ان شاءالله

السلام عليكم

عزيزي ليو، أعتقد من التداولات الأخيرة يوم الاربعاء الماضي، وايضا خبر الـ 1,5 مليار، راح يصعد السهم باجر السبت ان شاء الله تعالى، واحتمال انه يصعد لين المقاومة الأولى او يلامسه، طبعا اذا كان السوق جيد وأخضر باجر

حبيت اضيف هالاضافة يا الغالي، واسمحي

تحياتي

 

[Master-Leo]

يعطيك العافيه يالكنج عالمجهود ويخليك لنا ذخر
ماعليك امر يالحبيب تشوف م.الاوراق لو تكرمت

هلا اخوي الله يعافيك يا نجدي

م الأوراق : السهم أرباحه زينه للربع الأول وقاعدين

نسمع كلام ليما الحين عن بيع حصة بالبنك بالتجاري

وراح تكون لصالح مجموعة الأوراق فمتى ماتأكد هالخبر

السهم بيوصل مستويات قياسيه ان شاءالله

الدعم : 320 والمقاومه 345

مؤشرات السهم : الماكد لازال فوق الصفر لكنه أقل بقليل من خط التقاطع

الستوكاستك : بدأ بالتقاطع للاعلى ايجابيا

مؤشر القوسة النسبية : بدأ بالارتفاع للأعلى مره أخرى بعد الثبات في

الفتره القليله الماضيه وهذا شي ا يجابي

بالتوفيق لك ان شاءالله

 

[Master-Leo]

السلام عليكم

عزيزي ليو، أعتقد من التداولات الأخيرة يوم الاربعاء الماضي، وايضا خبر الـ 1,5 مليار، راح يصعد السهم باجر السبت ان شاء الله تعالى، واحتمال انه يصعد لين المقاومة الأولى او يلامسه، طبعا اذا كان السوق جيد وأخضر باجر

حبيت اضيف هالاضافة يا الغالي، واسمحي

تحياتي

ألف شكر للمداخله اخوي بوجاسم وهذا خبر للرابط للمهتمين بسهم نور

http://www.alwatan.com.kw/Default.aspx?MgDid=502411&pageId=39

 

[Master-Leo]

السلام عليكم

شركة المال للاستثمار ​

أدنى سعر خلال 30 يوم : 300

أعلى سعر خلال 30 يوم : 340

الدعم بسيط على 315 وأقوى على 300

المقاومه 320 ومن بعدها 340

مؤشرات السهم : الماكد سلبي تحت الصفر لكن بطريقه للتقاطع الايجابي

و مؤشر الستوكاستك يشير الى قرب التشبع بالبيع

أما مؤشر القوة النسبيه فيدل على التماسك والتجميع بهذه الأسعار

خطوط البولينجر ضاقت بين 305 الى 320

معدل التحرك للأيام الخمسه والعشره قد يبدأ بالتقاطع للأعلى ايجابيا من السبت

السهم خسران بالربع الأول بمقدار 6 فلس للسهم والشركة من شركات

الخرافي وحسب مانشوف بعض المرات تعلق بالحد الأعلى .

للمضاربين : أفضل أسعار للدخول 305-310 أسعار البيع : 315-320

أما أسعار للمستثمر قصير الأمد : 330-335

وقف الخساره عند كسر 300 بتداول كميات كبيره

قرار البيع والشراء شخصي وبالتوفيق للجميع ان شاءالله

 

[مسلم نت]

يعطيك العافيه اخوى ليو
ممكن تشوفلى دللاجاره والمركز المالى
ومشكور مقدما

 

[Master-Leo]

يعطيك العافيه اخوى ليو
ممكن تشوفلى دللاجاره والمركز المالى
ومشكور مقدما

هلا فيك اخوي الله يعافيك

المركز المالي : الدعم 310 المقاومه 320 بسيطه و 330 اقوى

مؤشر الماكد سلبي الى الآن لكن مؤشر الستوكاستك بدأ

بتكوين تقاطع ايجابي للأعلى وكذلك مؤشر القوة النسبية ايجابي

المركز أرباحه للربع الأول جيده جدا وبالربع الثاني راح تكون ممتازة

خصوصا في حال استمرار المشاريع والمخازن بالارتفاع ان شاءالله .

د للاجارة : سهم طيب لكن طبعه استثماري بحت فماقدر افيدك

فيه كثير والسهم توه متفسخ ويحتاج وقت للربح فيه بالنسبه

للمستثمرين والله أعلم لكن اسأل فيها اهل الخبره لهذا السهم

بالتوفيق ان شاءالله

 

[شبروح]

حبيب وغالى يا الكنك مشكور وماتقصر

 

[مسلم نت]

يطولى عمرك ماقصرت

 

[BO-MUBARAK]

اخوي كنج بارك الله فيك

ولا عليك امر ممكن سهم الاهلية حق باجر لان صرنا دبس فيه يوم تدبسنا فيه
والثاني سهم المدينة يخليك ربي

 

[ابوفيصل77]

اضم صوتي لصوت سيرج الاهليه تسوا هالسعر 270 والا صادونا

 

[Master-Leo]

اخوي كنج بارك الله فيك

ولا عليك امر ممكن سهم الاهلية حق باجر لان صرنا دبس فيه يوم تدبسنا فيه
والثاني سهم المدينة يخليك ربي

اضم صوتي لصوت سيرج الاهليه تسوا هالسعر 270 والا صادونا

هلا سيرش وبوفيصل

سهم الأهليه مؤشراته جيده جدا ان شاءالله ما منه خوف

مؤشر الماكد في طريقه لتكوين اختراق ايجابي ومؤشر

الستوكاستك أيضا جيد وتقاطع متوسط الحركه ايجابي للأعلى

يعني ان شاءالله ما فيه تدبيسه مسكوه شوي وان شاءالله فيه خير

 

[Master-Leo]

شركة عقارات الكويت ​

سهم من أسهم شركات البحر طبعا انا ماحبهم لكن وين

مافي ربح أحنا وراه مانهدى لازم نتحدى

فنيا السهم جيد جدا فمؤشر القوة النسبيه يدل على

التماسك ومؤشر الستوكاستك يشير الى تشبع في

البيع على السهم ومؤشر الماكد في طريقه لاختراق

ايجابي لأعلى خط الصفر اللهم اذا البحر ماشتهى هذا شي ثاني

الدعم : 160 والمقاومه : 166

أدنى وأعلى سعر للسهم خلال 30 يوم : 160-182

أفضل أسعار شراء للمضارب اليومي : 160-162 وسعر البيع 164

أفضل أسعار للمضارب قصير المدى : 160-164 وسعر البيع 170-180

ملاحظة أخيره : السهم حقق أرباح في الربع الأول مقدارها مليون و 800

ألف بمعدل 2 فلس تقريبا للسهم الواحد مقارنه بخساره في الربع الأول

للعام الماضي ولاننسى أسهم البحر أسهم مضاربيه وليست استثماريه

فأخذ رزقك واطلع والتوفيق من الله .

 

[MaLoOoK]

مرحبا ليو..........................

اشرايك ابتداول القيوين و اقفالها ؟

مشكور مقدما

 

[Master-Leo]

هلا فيك MaLoOoK

أم القيوين سهم مؤشراته الفنيه جيده

شكله ان شاءالله فيه صعده

الماكد ايجابي والستوكاستك كذلك

وحتى مؤشر القوة النسبيه وفوق كل

هذا التداول نسبيا يعتبر زين بالنسبه

لسهم خليجي لأن الأسهم الخليجيه

العادة تداولها قليل

السهم أسس و شكل دعم على 168 وقبله 164

مقاومته الحاليه 174 اذا تجاوزها ان شاءالله المقاومه القادمه 180