عاجل: كادر القطاع النفطى بأثر رجعى

[بانوراما]

لاقينه مقصه .... الكادر حق موظفي وزارة النفط مو الشركات

موظفيين الشركات زياده 10% على الاساسي و 10% على العلاوه الاجتماعيه

الي مشدق دينصووور اهو المستفيد اما الشباب ... ذبح رووحه 25 دينار

ويييني واحد مثل اخونا لضرغام يقولي محظوظين ...

يالحبيب دوام شفتات 2 صبح 2 عصر و 2 ليل تطلع اليوم آخر ليل تنام بالبيت تقووم العصر .. لازم تنام امبجر علشان تقووم الصبح ثاني يوم عشان عقب باجر تداوم (( الزبده عيشتك كلها تضبط حالك على الدوام )) وغير العيشه بين البايبات والريحه المعفنه ولا بعض الاماكن توصل درجة الحراره فيها 300 وفووق ... والشباب عايشيين داخل قنبله ... وهذا يقووول توهم معطينهم زياده ... هديه اساسي ونص ما طلعت الا لمن وصل سعر البرميل 50 دولار وفوق

خلها على الله

ولاا ازيدكم من الشعر بيت تذاكرنا على مصر مو لندن

فعلا الزياده حيل بسيطة لا تفرحون​

 

[بانوراما]

اي صح بسيطة

من 250 الى 900

لا بسيطة ..

طبعا الزنكلوني مو مصدق هالكلام ,,

عادي بسيطه

اخوي لا تعيش بوهم




الزياده 10% من الراتب الاساسي

و10% من الاجتماعية



يعني لو تجمعهم علي بعض حتي 100 دينار ما يطلعولك

مادري من وين يايب من 250 الي 900 الله يهداك ​

 

[ضرغام]

اخوي لا تعيش بوهم




الزياده 10% من الراتب الاساسي

و10% من الاجتماعية



يعني لو تجمعهم علي بعض حتي 100 دينار ما يطلعولك

مادري من وين يايب من 250 الي 900 الله يهداك ​

محظوظين

 

[al.jamly91]

يا جماعه ياواش ياواش

يا جماعه اى زياده الله يزيدكم من فضله
ابشركم
من عيون بعض الناس كل شى تأجل
لا زيادات ولا بطيخ
عاد الحين اذا زادو المعاشات كل واحد من الشباب بالمنتدى سندويش فلافل بطاط وبيبسى

قولو آميين

 

[ضرغام]

يا جماعه اى زياده الله يزيدكم من فضله
ابشركم
من عيون بعض الناس كل شى تأجل
لا زيادات ولا بطيخ
عاد الحين اذا زادو المعاشات كل واحد من الشباب بالمنتدى سندويش فلافل بطاط وبيبسى

قولو آميين

الحمدلله
انشاء الله مافي زيادة
علشان ياجماعة الزيادة راح ترهق ميزانية الدولة

حفظ الله الكويت من كل مكروه

 

[زلاتان]

مبروك لموظفى القطاع النفطى

أمر وزير النفط بتشكيل لجنة برئاسة سعد الشويب لمتابعة تنفيذ كادر الخدمة المدنية لموظفى القطاع النفطى و ذلك بأثر رجعى

هذه المسج وصلتنى بدون تفاصيل .

الله يبشرك بالخير ما تعرف كم راح يكون الكادر
وهل تختلف عن 10% عن الاساسي و10% عن العلاوه الاجتماعيه
يعني من غيرهم

 

[ahmad2]

الله يبشرك بالخير ما تعرف كم راح يكون الكادر
وهل تختلف عن 10% عن الاساسي و10% عن العلاوه الاجتماعيه
يعني من غيرهم

يالحبيب الكادر حق المهندسين بس اذا انت مهندس بالقطاع النفطى

مبروك عليك الكادر ، واذا لا تعوض الله .

 

[Winchester]

الحمدلله
انشاء الله مافي زيادة
علشان ياجماعة الزيادة راح ترهق ميزانية الدولة

حفظ الله الكويت من كل مكروه

اخي العزيز انت شنو مضايقك بالموضوع ؟؟؟

حب لاخيك ما تحبه لنفسك جزاك الله خير

 

[زلاتان]

يالحبيب الكادر حق المهندسين بس اذا انت مهندس بالقطاع النفطى
مبروك عليك الكادر ، واذا لا تعوض الله .[/


اخوي الكادر للفنيين بس يعني مهندسين وفنيين

 

[xnet226]

ما يشوفون الدكاتره بالتطبيقى والجامعه قاعدين على مكاتب و امجابلين الوجه الحسن جم معاشاتهم!؟ و احنا امجابلين الرمل والبانزين ربع معاشاتهم

 

[Ali Baba]

العاطي الله والحاسد بالارض

هذي حال الدنيا ...

بس كلام حلووو واحد يقولي 700 دينار زياده

والثاني يقول لاتشتغل ...

الله كريم

صج في ناس

 

[خبير النفط]

اذا الزياده رفع سقف الراتب الاساسى والعلاوه الاجتماعيه 10% مقبول لاكن زياده 10% ماتسوى لانها تقدم الى راح تاخذه وتوصل اعلى المربوط وتوقف الزيادات يعنى بدال ماتوصل اعلى المربوط فى 5 سنوات مثلا راح توصل خلال 4 سنوات بعدين توقف

 

[hassankoc]

شكرا على الملفات يا اخ kandaaa ونتمنى المزيد من المتابعه وارسال الملفات

والله لو يعلم الناس والمسؤولين الي قاعدين يفترون على كراسيهم تحت البراد بالصيف والدفايه بالشتاء حجم المعاناه الي يعانيها العامل الكويتي والله لعطونا كنوز الدنيا ماتسوى علينا صحتنا والله يوميا تلوث طريق برقان روائح كريهه روح مستشفى الأحمدي واترك الحكم لكم الي ربو والي حكه ولا كحه ولاحساسيه ولاجلديه ولاقل سمعه ولا قل نظره ولي ديسك ولا اصابته عاه غير اصابات العمل ولي ولي ولي ولي ............الخ
اجارنا الله واياكم شر الأمراض لا فوق هذا التأمين يذلك بالتعويض لازم تموت ولا تتكسر عشان يعوضونك من اصابة عمل ولا فوق هذا التقرير السنوي خاسفين فيه المسؤولين الكبار مافي ثقه بمسؤولينا اقترح على المسؤولين الكبار يداومون معانا 12ساعه مناوبه معانا عشان يقيمونا تاركين بيوتنا واهلنا والله مايقعدون والله انا نقعد مع البيبات اكثر من نقعد مع اعيالنا واهلنا يبونه نصنع صواريخ عشان يعطونا امتياز الحمدلله القرارات الحساسه بيد حكومتنا الرشيده والله لو كانت القرارت بيدهم بعض المسؤولين حتى الهواء يمكن يمنعونه عنك الله المستعان

ومنا الى وزير النفط

 

[م. سعد]

السلام عليكم،،

السالفة باختصار انه فيه قانونين منفصلين يجب اقرار الاثنين مع بعض .. زيادة عامة في رواتب موظفين النفط و اقرار الكوادر المهنية.

اللي قاعد يعتمده الوزير الحين هو الكوادر المهنية (المهندسين و المحاسبين و المحامين و غيره). و هذه الكوادر تم اقرارها مسبقا من الديوان و انتهى امر دراستها و اقرارها و ما بقى الا التطبيق.

و لكن ادارة المؤسسة ترفض التطبيق و هذا مخالف للقانون و لسياسة دولة المؤسسات. يعني تعطيل ماله داعي و ظلم.

اما الزيادة العامة للرواتب في النفط فهذه تم الاتفاق على ان يتم اعادة النظر فيها كل 3 سنوات. و لكن للاسف صلاحيات ادارة المؤسسة محصورة بزيادة 5 % على الراتب الاساسي. يعني تقريبا متوسط الزيادة للموظفين تطلع 25 دينار. و اذا كانوا بيزيدون اكثر فلازم يسوون دراسة و يعرضونها على المجلس الاعلى للبترول. يعني بحاجة الى دراسة و تتطلب موافقة. عشان جذي لازم هالزيادة تنطر شوي و تاخذ وقتها للاسف.

و الزيادة العامة عكس الكوادر المهنية، فالكوادر يجب ان تطبق فورا و بدون مراوغة لانها لا تخضع لاي دراسة او موافقة. و هنيه مكمن الظلم من ادارة المؤسسة.

اما بخصوص ان رواتب و مميزات موظفين النفط و هل هي عالية او لا .. فالتسرب الوظيفي بشركات النفط شغال بشكل يهدد بانهيار الشركات و السبب واضح جدا..

يعني باختصار لازم الشركة تطبق الكوادر اولا لانها متعطلة، ثانيا يجب ان تسارع و تدرس و تقر زيادة عامة بالرواتب عشان توصل بالموظفين من غير الكوادر و غير المواطنين الى درجة رضاء وظيفي و تشجعهم على الاستمرار بالعمل.

 

[شرياص العديلية]

اخوي لا تعيش بوهم




الزياده 10% من الراتب الاساسي

و10% من الاجتماعية



يعني لو تجمعهم علي بعض حتي 100 دينار ما يطلعولك

مادري من وين يايب من 250 الي 900 الله يهداك ​

هذي زيادة القطاع النفطي كله ياحبيبي ...

آنا أتكلم عن الكاااااااااااااااااادر ( المهندسين والمحاسبييييين )
قرار 27 على 2006

اسأل أي واحد بالقطاع النفطي عن قرار ال27

بعدين تعال كلمني بالثقة الزايدة مالتك ​

 

[kandaaa]

الكادر

الكادر

 

[hassankoc]

الكادر

تشكر

 

[hassankoc]

اخر الأخبار ملينا من كثر مانسمع احنا الخمسين الأخيره ماحاشتنا وين العدل بين المواطنين

 

[الله يخارجنا]

؟؟؟؟؟؟؟؟؟؟؟؟؟؟؟؟؟؟؟؟؟

 

[hassankoc]

مو بالكلام هههههههههههه