شركة القرين لصناعة الكيماويات البترولية (القرين)

[ChanZeeN]

السلام عليكم

وين السيطره اذا انا شاري كميه من سوق الكسور !

 

[يقولون]

شي يحسب لمكتب الوسيط

والله يا أخوان أمس الاربعاء من الساعه 8.50 وانا مجابل الكمبيوتر يعني من بداية ادراج العروض ماشفت ولا عرض للقرين ، وبعد بداية التداول بربع ساعه تقريبا شفت عرض 7000 سهم لثوني وختفى والظاهر خلوه تمويه ، ولكن الملاحظ اني لما دشيت على العمليات المنفذة من خلال صفحة تداول الكسور شفت العمليات المنفذة كثيرة وهذا دليل انه فيه تلاعب بالكسور .

وبعدين بالنسبة للشركة اللي قالوا انها مطورة النظام اعتقد مافيه غير كيــفك اللي يمكن التداول من خلالها بالكسور وانا واحد من اللي يتداولون بكيــفك ومع ذلك ماقدرت اشوف المعروض وقمت بالاتصال فيهم والاستفسار لكن الرد انه الظاهر البايع والشاري من نفس المكتب يعني ما يمدي ينعرض بالسوق ، فالنتيجة والله اعلم انه اللي يبيع ويشتري نفس الشخص اللي شاري من سوق الجت .

بالبدايه اخوي ماكو شي اسمه بايع وشاري من نفس المكتب يعني تقدر تشتري لانه قبل فعلا ما تقدر لانه الصفقه اتم دقيقه بايع شاري بس غيروا القانون من فتره فا هذا عذر غير مقبول من قبل شركتك هذا شي والشي الاآخر يا جماعه اللي كانوا يصيدون الكسور اهم مكتب الوسيط وهذا شي يحسب لهم وحق عملاءهم وهذا عذر اي مكتب ما صاد كسور حق عملاءه يقول في هكر على الجهاز مركبه مكتب الوسيط وطبعا شي يضحك ومو آجل بثانيه وحده وثانيتين وانا عندي بون صايدين لي الوسيط آجل بثانيه وحده مع هذا اعرف مكتب غير الوسيط حصلوا حق جم عميل نسبه زينه بالكسور والله فا يا جماعه شدوا على مكاتبكم يطورون نفسهم بدال اتهام الغير بالهكر او صفقه من نفس المكتب الاعذار الغير مقبوله وانا بالنهايه عميل يهمني انه مكتبي يصيد لي كسور وللعلم تم التدقيق فعلا مع مكتب الوسيط ودخلوا عليهم وشافوا شلون يصيدون كسر القرين لقوا انه كل اثنين يقعدون على جهاز واحد وهذا انا شفته بعيني والله

 

[Bo_NaJeM]

انا وصل لي كلام من ناااااس

سقولوون انه اهم نفسهم اداره البورصه يعرفون منو اللي قاعد يشتري ابهالكميات واحد كبير وو بمساعده اداره البورصه و سمعت بعد و الكلام من بعض الاخوان على لسانه قال انه اداره البورصه تعرف سبب شراء اسهم الكسور بالسرعه هذي عن طريق جهاز خاص بالعمليه هذي يعني بالعربي الفصيح ( حاميها حراميها )


ودمتم سالمين

 

[mezkar]

ياجماعه هل البرنامج هذا مسموح به ومن يشتري هنا الكلام ومن هي شركه الوساطه هذه ولو تلاحظون هذا البرنامج سوف يقطع ارزاق أرزاق الكثير في السوق هذا البرنامج لايجوز التداول به اصلا كونه يشتري مع العرض مباشره وقد أستخدم هذا البرنامج أيضا في شراء أسهم مركز سلطان في سوق الكسور قبل أسبوع حيث مع أرتفاع السهم لم جميع المعروض في سوق الكسور في لمحه بصر دون حتي أن يسمح للكثير بتغيير السعر هذا البرنامج خبيث فعلا ولابد من وقفه من أداره السوق لأنه غير قانوني.

 

[يقولون]

بونجم المحترم

والله يا بونجم اعرف اكثر من عشر اشخاص صادوا كسور من هالمكتب واشخاص عاديين يعني واحد خذوله عشرة آلاف وواحد 100 الف واعف واحد خذوله 300 الف على حسب طلبه وامس واحد قالي انه مكتبه صاد له غير المكتب الوسيط يعني وين حاميها حرامي ووين النظام اللي مركبينه دام في مكاتب تصيد بس بنسبة قليله دام في ناس تصيد يعني الموضوع موضوع سرعه وتميز مكتب عن مكتب بس

 

[متداول_1]

نداء لاخوانا المشرفين

مو معقول ان يتم فتح 5 مواضيع لشركه القرين ويجب ان يتم دمج المواضيع الخمسه فى رابط واحد فقط حتى يتسنى متابعه جميع الاخبار بدلا من الوضع الحالى المزرى

 

[nawaf52]

سوق الكسور بعد القرين

من خلال متابعتي لسوق الكسور بشكل دائم ولأني أحد المتداولين من خلاله ، أقترح الغاء سوق الكسور أو تعديل طريقة وضع الاوامر كما هو حاصل في السوق الرسمي كمثال في هذه الايام الكل يريد شراء سهم القرين ولايوجد معروض ولكن يوجد صفقات منفذة كيف تنفذت من غير عرض لا احد يعلم ، بهذه الحالة يتم القضاء على التلاعب الحاصل في الكسور كما هو حاصل بسهم القرين لأن التنفيذ للأوامر يتم بالتتابع وعلى حسب الكمية المطلوبة والمعروضة ولا يستطيع أي شخص التحكم بالاوامر كما هو حاصل الآن .

وبعد القرين أثبت الكسور فشله

 

[yoyo1983]

جزاك الله خير رأي سديد

 

[yoyo1983]

متداول_1

اوافقك الراي

 

[issa7952]

للقرين فوق الدينار تبونها؟

اخواني اذا تبون للقرين فوق الدينار اصبروا ولا تستعجلون في البيع وياريت كل واحد فيكم يوصي معارفه واصدقائه بعدم البيع السهم قاعد يصعد وراح يتعدى الدينار اذا انتوا دعمتوه بعدم البيع وعدم التفريط فيه تكفوووووون لاتبيعون اصبروا خلوا التجار يدفعون شوي طول عمرهم ياخذون ويربحون منه لانه فينا اعيلة وجهل بس بنك بوبيان والشراء الجنوني اللي صار فيه لين طار السهم فوق هذا اكبر دليل ان اللي يبي يصعد السهم اهوه انتوا بس بشرط لالالالا للبيع الا بعد الدينار ليش ترضون بفلس وفلسين خلوه يوصل دينار السهم ترى متربي علي الغالي ومدلل والتجار ميتين عليه والدليل اول ثلاث ايام تابعوا الجرايد وانتوا تقتنعون ان السهم عزيز ومرغوب عند كل التجار وبالنسبة لهم هل سهم صفقة العمر اللي راح يطلعون ذهب منها وانت براحتكم تبون دينار صبروا تبون افلاس بيعو واضن الكل يبي الدينار وفوق الدينار ترى كلها اسبوعين بس صبروا ومشكورين

 

[issa7952]

البحرين توها من شهر لغت سوق الكسور ما بقينا الا احنا لكن بصراحة ادارة البورصة ما اضن فيها خير لانه اللي ماسكها بصراحة مو فاهم شي مثل للركيبي الله يذكرها بالخير رغم الملاحظات اللي عليه الا انه هو الافضل

من خلال متابعتي لسوق الكسور بشكل دائم ولأني أحد المتداولين من خلاله ، أقترح الغاء سوق الكسور أو تعديل طريقة وضع الاوامر كما هو حاصل في السوق الرسمي كمثال في هذه الايام الكل يريد شراء سهم القرين ولايوجد معروض ولكن يوجد صفقات منفذة كيف تنفذت من غير عرض لا احد يعلم ، بهذه الحالة يتم القضاء على التلاعب الحاصل في الكسور كما هو حاصل بسهم القرين لأن التنفيذ للأوامر يتم بالتتابع وعلى حسب الكمية المطلوبة والمعروضة ولا يستطيع أي شخص التحكم بالاوامر كما هو حاصل الآن .

وبعد القرين أثبت الكسور فشله

 

[Bo_NaJeM]

هلا والله اخوي يقولون

انا قلت بكلامي اني سمعت من اشخاص وانا اللي اسمع اي معلوومه ايي واحطها اهني

بس على فكره لا تستبعدها من اداره البورصه انها لها ايد بالموضوع

 

[nawaf52]

من خلال متابعتي لسوق الكسور بشكل دائم ولأني أحد المتداولين من خلاله ، أقترح الغاء سوق الكسور أو تعديل طريقة وضع الاوامر كما هو حاصل في السوق الرسمي كمثال في هذه الايام الكل يريد شراء سهم القرين ولايوجد معروض ولكن يوجد صفقات منفذة كيف تنفذت من غير عرض لا احد يعلم ، بهذه الحالة يتم القضاء على التلاعب الحاصل في الكسور كما هو حاصل بسهم القرين لأن التنفيذ للأوامر يتم بالتتابع وعلى حسب الكمية المطلوبة والمعروضة ولا يستطيع أي شخص التحكم بالاوامر كما هو حاصل الآن .

وبعد القرين أثبت الكسور فشله

الموضوع غير مختص بالقرين حتى يدمج مع موضوع القرين الموضوع مختص بسوق الكسور وذلك للتنويه.



من خلة حالة سبوت العبت فيه الدياي

 

[يقولون]

الله يجزاك خير بونجم بس اللي اعرفهم مالهم علاقه بادارة البورصه وهم خذوا لهم وشكرا

 

[Sniper Stock]

يا اخوان..اولا كميات الكسور والوحدات اللي انباعت..ماتعتبر كميات..

اولا انا عن نفسي..شريت بالوحدات..

وكانت عندي كسور وكملتها بشراء من سوق الكسور عن طريق الدلال..واثتين من الربع هم شرو كسوور وفيه ناس باعو الكسور واعرفهم..

مو هذا الكلام..الكلام اللي يطيب الخاطر ان الكميات اللي انباعت سواء بالكسور او غيره...كميات جدا ضعيفه وهذا من صالح ملاك الاسهم..

وخلو عنكم اللي يقول لعبة تجار يبون يشغلون الناس عن الكسور واللم عن طريقه...واللي همه الكرسي لو يقعد يلم بالكسور على كميات اللي فاتت يبيله شهرين اقل شئ عشان يوصل للنسبة اللي تأهله على مجلس الادارة..




سهم استثماري ونصيحه اللي عنده كسور يكملهم وحده والوعد يوم السبت.....



ودمتم بود

 

[بورصة نت]

لو سمحتوا الاخوه المتابعين

طلبي غريب اشوي وحاولت ادور عالاجابه وما قدرت اطلع بنتيجه ممكن احد يعرف كميه التداول عالشركه (القرين) بسوق الكسور (مجموع كميه التداول)

 

[ندور العيشه]

تداول الكسور

منقول عن العضو خالد العتيبي
مجموع التداول لحد الآن 57,735,784 سهم
وهذا يتضمن ما بيع بالكسور والوحدات
وقد وضع لنا بو سليمان الجدول أمس بأحد مشاركاته

 

[شجاعي]

معنى هالكلام أن هذه الكمية ليست بيد شخص واحد وهي بالمجموع لم تصل الى عشرة بالمية من راس مال الشركه اللي هو مليار وامية مليون

 

[baselko]

شاهد الكل ما يتعرض له سهم القرين في سوق الكسور لعملية سيطرة من قبل احد المحافظ الاستثمارية عن طريق تحديث برنامج جديد يسمح لها بالاستحواذ على كل سهم يعرض ومهما كان عدد الأسهم بطريقة سريعة جدا ومتجددة كالوميض فمجرد ظهور العدد يختفي بسرعة البرق
لذلك لابد من وقفة جادة من قبل ادارة البورصة للحد من هذه العملية الشيطانية فنحن نعتبر من افضل اسواق المنطقة فلماذا هذا الفساد الاداري والفني في انظمة برامج البورصة

لذلك نما لعلم البورصة ما يحدث فسارعت بالنفي كالعادة بدون أي نية للتحقيق في هذا الموضوع
فأين الشفافية وأين الموضوعية وأين حماية صغار المستثمرين
فحسبي الله عليهم ونعمة الوكيل
وإليكم أعزائي الرد البارد والمستعجل بدون دراسة من ادارة البورصة وبدون ذكر اسمه كأنه يبوق !!!..​

[/RIGHT][/SIZE][/COLOR]

خبر جديد ..

اي والله كلامك عدل اخوي تصدق انا ياي البورصة مبجر كل وضع الاوامر الموظف يقولي اخوي مافي تبي تبيع انا حاضر تبي تشتري مافي بس اللي لفت انتباهي ان يتكلم بنفس خايسة كلتله شفيك اليوم مو عادتك العادة تبتسم رد وقال اي اذيتونا تبون تشترون القرين غصب قلت له اخوي انت موظف اهنيه في خدمتي وفي خدمة غيري وهل نفس الخايسة مالها داعي ومشيت عنه بس تدري احساسي شنو يقول انه هل احمار موصينه معازيبه للكبار يسوي جذيه وطبعا العمولة جاهزة علي قولة المثل لايخدم بخيل والله قبل لايحط الامر بالشراء يقولي مافي صج وانا ياي من ثمان ونص ​

ههههههههههههههههههههههههههههههههه قويه قاعد اتخيلك وانت تقولها ​

 

[bo3ali]

انا من اول يوم اببي اصيد السهم حد اعلى وماحصلته لابالوحدات ولا في الكسور وعلى فكره اللي شريتو بالكسور عليكم بالعافيه ان شاء الله بس اشلون حصلتوا السهم لأني ادش ماحصل شي يعني الأمر اقل من الثانيه رايح مايمديك اتشوفه وقولون ان في شركه امدخله نظام من ينزل اسم القرين في السستم ياخذونه على طول هل في احد منكم سمع هالكلام؟ اذا كان الكلام هذا مضبوط وعدل يعني سلملي على اطبيشي اذا حصلناه وسلملي على اللي صاد السهم من الناس العاديه وقولهم عليكم بالعافيه بس قولولي اشلون صدتوه ؟
ومشكورين