دورة المؤشرنت للتحليل الفني
50 دينار كويتي
يا جماعة أنصح الكل بالإبتعاد عن بيتك للتداول على الأقل لمدة سنه من اليوم.
1- آخر مشاكلي معاهم حولت كاش من محفظتي عندهم إلى حسابي في بيت التمويل من يوم الأربعاء اللي طاف واليوم الأحد ولحد الآن ما دخلت في حسابي . الكاش كان موجودة بالمحفظة من فترة ومو كاش صفقة !!! وعند سؤالهم عن سبب التاخير لم يعرف أحد الإجابة .
2- عدد الموظفين في قسم التداول قليل ومشاكل الرد على التلفون تزداد سوءا يوم بعد يوم .
3- بدالة تلفونهم تقطع و خربانة تكلمهم يستغربون من الشكوى و مو راضين يعترفون بأنه فيه مشكلة بالبدالة
4- ما عندهم إلا رقم واحد للإتصال عليه
5- برنامجهم دائما يعلق و مو مضبوط .
6- إذا عندك مراجعة بمكاتبهم إنسى تلقالك موقف قريب للسيارة و الوصول لهم بالدور ال14 معناته نطرة الأصنصيل يصعد وينزل مرتين من كثر الناس اللي واقفين بالدور.
بصراحة هالمشاكل مو موجودة عند كميفك .
انشالله اتكون الخدمه متميزه
وانا مشترك بالخدمه بس الخدمه الهاتفيه حدها تعبانه والموظف اللي بكيفان غير متواجد والحجه مشغول او نقص موظفين
ومفروض الواحد يشوف ويتعلم طريقه البيع والشراء من الموظف قبل الاشتراك
ونتمنى اتكون الخدمه مجانيه لانا سمعنا ان بتكون عليها رسوم كافي الرسوم البيع والتحويل
واذ تقدر تحط لنا طريقه البيع والشراء والتحويل بين الحسابات بالصور للفائده
ومشكور علي حرصك بالرد علينا
الخليج للتداول شركة تعبانة ويقال انه لا توجد سرية عندهم وصديق لى فتح حساب وبعدها بفترة قصيرة اغلق حسابه لانه لم يتداول
يعنى يا تتداول يا برة مطرود .....
انا طلبت منهم تشيك وقالو تعال يوم الاثنين ورحت يوم الاثنين قالو انت حسابك مدور ليش ما علمتنا !! وقالو تعال يوم الخميس ورحت يوم الخميس وما لقيت التشيك وقالو تعال يوم الاحد التشيك صرفوه لك بس ما في احد يجيبه اليوم وقال لي الموظف واسمه جمال اذا تروح الرئيسي يعطونك التشيك الحين !! وقلت له لا انطر الى يوم الاحد ويوم الاحد ان شاء الله اعطيكم خبر شنو راح يصير معاي .. يعني الزبدة الخليج مو ثقة وحجي فاضي والله اعلم
على فكرة انا اتكلم عن شركة الخليج اللي بالفحيحيل وعندهم واحد يمني اسمه فرج عمري ما شفته الا وهو ماسك الموبايل وما ادري على شنو شايف نفسه
واللهم اغفر لنا ذنوبنا وان شاء الله ما اكون ظلمت احد
دورة المؤشرنت للتحليل الفني
50 دينار كويتي