شركة الاتصالات المتنقلة - ش.م.ك (زين) ...2

[Blue_Z_zz]

تمهيد :-

راس المال 63 مليار ريال
عدد الاسهم المصدرة 6.3 مليار سهم
عدد الاسهم التي طرحت للاكتتاب العام 323 مليون سهم ما نسبته 5.127 % من اجمالي الاسهم المصدرة
مجموع عدد المؤسس و اعضاء مجلس الادارة 9 اشخاص
نسبة تملك اعضاء مجلس الادارة من الاسهم غير معروفة

فمن المعروف بان الشركة قوية من جميع النواحي وجاهزة لجني الارباح من اول يوم اكتتاب نتوقع ربحية السهم في السنوات الثلاث القادمة كالآتي :-

السنة 2007
2.5 ريال ( نصف سنة فقط ) ونتوقع سعر السهم نهاية هذا العام 31 ريال

السنة 2008
الربع الاول مبلغ 3 ريال
الربع الثاني مبلغ 3.5 ريال
الربع الثالث مبلغ 4 ريال
الربع الرابع 4.5 ريال
اجمالي ربح السهم بعام 2008 مبلغ 15 ريال ونتوقع سعر السهم السوقي يرتفع الى 187 ريال

السنة 2009
الربع الاول مبلغ 4.5 ريال
الربع الثاني مبلغ 5 ريال
الربع الثالث 5.5 ريال
الربع الرابع 6 ريال
اجمالي ربح السهم بعام 2009 مبلغ 21 ريال ونتوقع سعر السهم بالسوق يرتفع الى 262 ريال

السنة 2010
الربع الاول ربح السهم 6.5 ريال
الربع الثاني ربح السهم 7.5 ريال
الربع الثالث ربح السهم 8 ريال
الربع الرابع ربح السهم 9 ريال
اجمالي ربح السهم بالعام 2010 مبلغ 31 ريال ونتوقع سعر السهم بالسوق يرتفع الى 387 ريال

يعني بامر الله يجني الواحد من سهم الاكتتاب 50 ضعف

صدقوني ​

هذا تحليل للمحلل العبقري هزيم ان المملكه القابضه تساوي 31 ريال في نهايه 2007 و 387 ريال في 2010 مشاء الله عليه اقول خلك في السوق السعودي احسن لك (للعلم ياخوي ترى الشركات القابضه ما يحللونها بهذا الشكل يعني مكرر الربحيه بل تحلل على القيمه السوقيه للملكياتها)

 

[Q8 Stock]

ولا غريب ولا حاجة رسمتها لكم كما يجب على مدار الشهرين نزلتها من 4.5 الى 3.9 ورجعت رقيتها لمكانها 4.5 ولا زادت او نقصت فلس واحد ، وراسمها وانا بالرياض ، وانتو بالكويت جنب الحلوة الامورة منتو دارين عن شيء

لكن السؤال اللي يسدح نفسه وينهي رايحة الحاجيّة ؟

والله عارف وينهي رايحة بس ماني بقايلكم لو تحبون الثريا !!

شوف ردودك
دامك تعرف وين رايح وما تبي تكتب
لاتفرض رأيك على احد ولا بالموضوع
ولا تطلب النقاش

هذا اسلوب واحد يقدر يتناقش عليه


اللي وضحه لك
انه عندنا من نعتمد عليهم باخذ المشوره
ولا منت احد

 

[هزيم]

المشاركة بتاريخ 26-8-2007
السهم كان يتداول عند 4380 - 4400

السهم كما توقعت نزل ... وارتد

علشان الاخ هزيم لا يقول ان مافي حد قال ان السهم راح ينزل


Your Turn Now

هذا الشغل المضبوط اللي الواحد كان وده يشوفه قبل شهرين عشان ياخذ ويعطي معاه .. لكن للاسف ما طلع الا متاخر ..

مو يجي واحد بمعرف يقول فوق فوق يهواتف .. ويرجع بمعرفات ثانية ويشيلها شيلة .. كيف تبيني ارد على مثل هالعيّنة من المحللين ..

والادهى ان الاخ Q8 Stock مأيدهم ويعتبرهم محللين فلتة !! الله يخلف

عطنا تحليل فني .. تحليل اساسي .. تحليل واقعي مو تطبيل

 

[Q8 Stock]

هذا الشغل المضبوط اللي الواحد كان وده يشوفه قبل شهرين عشان ياخذ ويعطي معاه .. لكن للاسف ما طلع الا متاخر ..

مو يجي واحد بمعرف يقول فوق فوق يهواتف .. ويرجع بمعرفات ثانية ويشيلها شيلة .. كيف تبيني ارد على مثل هالعيّنة من المحللين ..

والادهى ان الاخ Q8 Stock مأيدهم ويعتبرهم محللين فلتة !! الله يخلف

عطنا تحليل فني .. تحليل اساسي .. تحليل واقعي مو تطبيل

تطبيل,,!!
استغفر الله واتوب اليه

اقرا ردي عدل
ما ايدت احد ولا خالفت احد

انا مخالفك بسبب اسلوبك و ردك

نتمنى تحسين اسلوبك اكثر
وعدم رمي الاتهامات
من غير دليل


!!!... قال سبق للموقع قال ...!!!

 

[هزيم]

انا مخالفك بسبب اسلوبك و ردك

نتمنى تحسين اسلوبك اكثر

خلاص بحسن اسلوبي .. بس لا تجي بعدين وتقول ما حسنت اسلوبي !!

OK ؟

نبدأ من المشاركة الجاية

 

[rahaly]

الاخ هزيم ...
ياخوي انت داخل تفيد وتستفيد والا تناجر وتتطنز على الناس !!!!

تقول محلل ؟؟
خليك واثق من نفسك وقول هذا تحليلي للسهم وللاعضاء حرية التصديق من عدمه

اما تحبون الثريا ........!!
ماله داعي يا بو ثريا

 

[hhh_hhh]

هاهاهاهاها ماشاء الله تعلم الغيب سبحان الله

عموما ماراح نحب الثريا وانت محتفظ بمعلوماتك وانا احتفظ بعد

بس سبحان الله مو قلت خلاص راح تودع ال4 دنانير شلون الحين غيرت رايك مشاركاتك كنت تقول 4400 الحين صارت 4500 ماني عارف شقاعد تقول

احنا بالكويت وانت بالسعوديه مافي فرق والمسأله متابعه للشارت وتحليل إلا اذا كان الامر شي ثاني ؟؟

اتمنى تكون تحليلاتك اوكي بالسوق السعودي ونشوفه 9000

عموما اذا كنت واثق وتعرف وين رايح نورنا الحين وين رايح السهم ؟؟

وخلنا نعرف شلون نتناقش معاك علميا

والله يا خوي بوعيد ... صراحه آنا مستغرب من كلام أخونا الهزيم .. كلام غريب وغير دقيق
مره يقول: تروح لين 4.4 من غير لافلس زايد ولا ناقص ومره يقول 4.5 واليوم هم ارتفعت حبتين زياده ..

ومره يقول : اشوف المتنقلة لها عشرة ايام مثولثة عند 4.4 عارفين وين رايحة الان ؟؟

ومرة يقول : وبعدين من انت او من انتم عشان تطلب تناقش هزيم !!
ومرة يقول : والله عارف وينهي رايحة بس ماني بقايلكم لو تحبون الثريا !!

بالله يا اخوي هالمشاركات شنو فيها فايده وبالعكس فيها لخبطه وغير دقيقه ..وبالنهاية يحلف بالله انه يعرف وين راحه وماني قايلكم.

ياليت يكون النقد في مكانه وعن علم ودليل وبعيد عن بعض العبارات اللي خلت بعض الشباب يستثيرون ويرودون

وراح نتابع مسلسل التصريحات والكلام هذا ... شي عجيب والله

واعذرني أخوي الهزيم ماوجهت الكلام لك مباشره لأني ما ابي أناقشك .. لأني قبل هالمره ناقشتك وما استفدت كلش ومره على قولة اخوانا السعوديين .

والله يوفقكم يارب للصواب وللحوار الهادف

 

[bo-3boud]

يا اخوان والله انتووو غلطانين اترودوون عليه خلووووه على كيفه تكلم ولا احد يرد عليه لا تعطووونه اكبر من حجمه وثاني شي اذا اسوي روحه فهيم خله يحطلنا جارت او تحليل اساسي ولا حقروووه عشان امبين انه انسان فاضي وده يضيع وقت .

 

[رومنسيات]

فوووق يالهواتف فوق
وتحت يهزيم تحت
----------------------
طبعا الكل ملاحظ مشاركات هزيم واللى وصلت الى الحد بالأستهزاء بالأخوان المشاركين
بالمنتدى وتعدى كل حدود الأدب واللباقة يوم وصف الكويتيتن بأنهم مايعرفون شى
انا سبق وجهت نداء للمشرفين على انهم يحطون حد لمشاركات هزيم ويعملون كابح
على كل مشاركاته...انا من اول ماشفت مشاركته وانا احس انه فيه شى مو طبيعى
علشان جذى قمت ارد عليه كل مرة لكن الأخ المشرف حط تنبيه وانا التزمت فيه
وهزيم قال انا ماراح اشارك بعد لين المشرف يشيل التنبيه اللى حطه والتنبيه مازال موجود
ولكن هزيم طلع مو قد كلامه ورجع مرة ثانية للأسائة للشركة وملاك السهم
عموما اتمنى من المشرفين وضع حد للمهازل اللى قاعد يقولها بالمنتدى
========================================
هزيم انا ماراح احلل السهم ولكن بقعد احلل شخصيتك وابتدى
بالنك هزيم:نك بلا مضمون ولا يحمل اى معنى وكل الشكر للأخ ستوك اللى عرفنا
معنى هزيم وصج ضحكت لين قلت بس يوم عرفت منو هزيم
السلوك:عدوانى يحب المشاكل واثارة الفتن والبلبلة
العقل:حسبالك انت نيوتن ولا انيشتاين اصحى يبابا وعرف حجمك عدل
الشخصية:يعانى من جنون العظمة ويدعى معرفة الغيب بطريقة غير مباشرة
الهوايات:يحب مشاهدة قناة كنوز وشهرزاد ويمكن يطلع فى احدى القنوات الملعونة
هذى ويعطى تحليلات عن السوق
راح اكتفى بهذا القدر
=======================
وفوووووووووق يالهواتف فووووووووق بأذن الله

وتحت يهزيم تحتتتتتتتتتتتتت

 

[aliii]

الساعة 10:00 صباحا

السهم رايح يريح شوي ... الى اشعار أخر

اليوم راح يكمل نزول


أتوقع

 

[rahaly]

بالعكس متماسك فوق 500 .... حلو

 

[زمان اقتصادي]

السلام عليكم

إرتفاع ملكية شركة الخير الوطنية للاسهم والعقارات في الهواتف

الملكية القديمة : 9.085%
الملكية الجديدة : 9.213%

 

[خسران ولكن]

اي والله فوووووووووووووووووووووووووووووووووووووووووق يالهواتف فووووووووووووووووووووووووووووووق واللي مايبي يستريييييييييييييييييييييييييييييييييييييييييييييييييييييييييييييييييييييييييييييييييييييييييييح

 

[المحمدي11]

تذكرت و انا أقرأ بعض مشاركات الغير المثل اللي يقول : لو فيه خير ما عافه الطير ... غريب هالمثل كما أنه قريب ...

 

[ذو الفقار]

تذكرت و انا أقرأ بعض مشاركات الغير المثل اللي يقول : لو فيه خير ما عافه الطير ... غريب هالمثل كما أنه قريب ...

ما غريب ألا ((صاحبنا..!!))

والمثل عيييييين الصواب..

 

[rahaly]

يا جماعة ... بصراحة انا شاك ان ورا تداول الايام اللي فاتت شئ طيب ان شاء الله


وكلمة البراك انهم ما يتوقعون ارباح وما يهمهم سعر السهم وماراح يوزعون ارباح لانهم بيطورون محطاتهم الجديدة السعودية والعراق ويحتاجون تمويل

................. الاخ كأنه يقول بيعوا سهمكم !!!

لا يكون العم ناصر الخرافي موصيه يقول جذي عشان نقط اسهمنا ؟
:d


ما راح نقط طبعا

 

[Q8_Navy]

حركه هواتف وايد ممتازه ولها صعده انشالله وموفق للجميع

 

[حمدان]

لندن (رويترز) - قالت مصادر مصرفية يوم الخميس ان شركة الاتصالات المتنقلة (ام.تي.سي) الكويتية وقعت على قرضين اسلاميين مجمعين قيمتهما الاجمالية 7.39 مليار دولار في عملية رتبتها بنوك بي.ان.بي باريبا وكاليون وسيتي جروب ومجموعة سامبا المالية.

ووقعت ام.تي.سي على تسهيل مرابحة لاجل عامين بقيمة 18.328 مليار ريال (4.89 مليار دولار) لتمويل الرخصة التي فازت بها لتشغيل ثالث شبكة لاتصالات الهاتف المحمول في السعودية.

كما أبرمت قرض مرابحة لاجل عامين بقيمة 2.5 مليار دولار يستخدم لاعادة تمويل تسهيل مرابحة سابق بقيمة 1.2 مليار دولار وقعته الشركة في ديسمبر كانون الاول 2006 الى جانب أغراض التمويل العامة للشركة.

وبموجب عقد المرابحة يشتري المقرض سلعة ويبيعها الى عميل بسعر أعلى ليحقق ربحا دون مخالفة تحريم الاسلام للاقراض بفائدة.

وكانت ام.تي.سي التي تبدأ العمل تحت العلامة التجارية "زين" اعتبارا من يوم الاحد قد اتفقت على دفع نحو 6.11 مليار دولار لاقامة شبكة المحمول الثالثة في السعودية.

(الدولار يساوي 3.750 ريال سعودي)

 

[rahaly]

قروض ضخمة ... فعلا مو معقولة هواتف توزع ارباح نقدية لانها راح تحتاج سيولة لسداد القروض وفوائدها !!!

 

[المؤشراتي2]

قروض ضخمة ... فعلا مو معقولة هواتف توزع ارباح نقدية لانها راح تحتاج سيولة لسداد القروض وفوائدها !!!

السلام اخي رحالي /وجهة نظري ان السهم متضخم بسبب الديون الضخمه وفي علم المحاسبه الدين يثقل الشركه ويقيدها والحل الامثل ؛عدم صرف الارباح وهذا ما يؤكده /البراك ونتمنى لشركاتنا المحليه التوفيق والاداره الحكيمه