شركة رابطة الكويت والخليج للنقل ش.م.ك.م ( الرابطة ) .. 3

[عقاب]

وينك ما ترد علينا بوخماط

انا ناطر وياك الى 1900

1,900

هذا حلم اليقظه

الله يكفينا شره

 

[ولد الدسمة]

بسم الله الرحمن الرحيم

الحمد لله على السلامة أخوي بو خماط .. و الله اشتقنا حق تفاءلك .. اللي من كثر ما يضحكني يبكيني بنفس الوقت

أنت ناطر 1.900 ..

أنا ناطر الدينار بس .. كافي مغثة مع هالسهم الغثيث

هالسهم كل ما أتفاءل فيه .. ينزل أكثر

تفاءلنا بتوزيعة أرباح محترمة العام الماضي .. وزعوا منحة .. و بط السهم

تفاءلنا بأرباح الربع الأول .. بط ثانية

تفاءلنا بأرباح الربع الثاني تتعدل .. بط ثالثة

على شنو نتفاءل رحم الله والديك

هالمرة ماني متفاءل .. يمكن يصعد

 

[بوسعود66666]

ياشباب تنصحونى ادخل على السهم بالسعر اللى موجود الحين ولا لا ياليت اللى عنده خبره كفايه بالسهم يفيدنا

 

[barbarian]

ياشباب تنصحونى ادخل على السهم بالسعر اللى موجود الحين ولا لا ياليت اللى عنده خبره كفايه بالسهم يفيدنا

والله التجميع على السهم واضح وصانع السوق لا بأس فيه داعم السهم بحيث ما ينزل عن الـ 620 فلس

اذا فيك شده تصبر طلبه باجر على الـ 620 فلس وان شاء الله يعطونك وصف معانا دور يمكن السنه القادمه يصعد

 

[بوسعود66666]

والله التجميع على السهم واضح وصانع السوق لا بأس فيه داعم السهم بحيث ما ينزل عن الـ 620 فلس

اذا فيك شده تصبر طلبه باجر على الـ 620 فلس وان شاء الله يعطونك وصف معانا دور يمكن السنه القادمه يصعد

خلاص راح اصف معاكم دور بس ابشرط اكون انا اول واحد بالدور

 

[barbarian]

بو خماط...شفت صانع السوق اليوم...زقرتي

حطلك طلب بسعر 630 فلس والكميه مليون...

بس بعدين صار مو تكانه وشال الطلب

 

[bo salem]

السلام عليكم وصبحكم الله بالخير
والله والله والله ان خبر واصلني من شخص يتداول حق شركة استثمارية معروفة بالسوق قالي ان السهم راح يدشون عليه وبيعلقونه اقصد عن امس وبعت جم سهم بخسارة وزدت الكمية الي عندي على حسب كلامه وهذا الشخص صديق مو بس معرفة .
ولما سألته ليش ما أرتفع امس ؟قال ان السوق ما كان مضبوط في البداية .
ملاحظة : قالي ان احتمال ما احصله من الصبح (اقصد امس) .​

 

[بوكجلة]

انا طارت النومة من عيني وراح ادعي لي الساعه 9 ان شاء الله

 

[bo salem]

العفو وتسلم يا بو خماط بس انا حبيت اوضح خبر صايدة وافيد الاخوان .
بس اهم شيئ اني ما اكون متهم بدعوة شراء او بيع .​

 

[bo salem]

الله يوفق الجميع انشاء الله
وبكل الاحوال الصبر زين​

 

[barbarian]

ما اعتقد السهم راح يعلق بالوقت الحالي

السهم ما نزل من 1200 الى 630 فلس عشان يجمعون فيه يومين أو ثلاثه بعدين يصعدونه

التجميع مازال في بدايته وأتوقع يستمر التجميع حتى اعلان الربع الثالث

 

[السراي]

أعلن نائب رئيس مجلس ادارة شركة «kgl» الدولية للموانئ فاضل البغلي ان الشركة تدرس حالياً عدة مشاريع للتوسع في عدة مناطق من العالم وخاصة في القارة الافريقية. وأضاف البغلي في تصريح خاص لـ «النهار» ان هذه المشاريع تأتي كجزء مهم من الخريطة الاستراتيجية للشركة في تنمية ادارة وتشغيل الموانئ في تلك المناطق من العالم وخاصة في افريقيا التي بدأت تستقطب اهتمام العديد من الجهات الاستثمارية وتعتبر من الاراضي «البكر» وتتمتع بنمو وتطور سريعين.

السبق في المشاريع
وأشار البغلي ان وجود شركة «kgl» هناك كمشغلين للموانئ سوف يعطيها السبق في المشاركة في هذا النمو والتطور بحكم وجودها لكيان عامل وفعال ولهذا فان الشركة تقوم حالياً بالمفاوضات مع دول مثل غانا وبنين حيث من المقرر بعد الانتهاء من المفاوضات سوف تقوم الشركة باعادة تأهيل الموانئ الحالية في هذه الدول وهي مهمة كبيرة وشاقة يتم خلالها نقل الحداثة الى هذه الموانئ باستخدام آخر ما توصلت اليه تكنولوجيا الموانئ في العالم.
وأوضح البغلي ان التحدي الذي تواجهه «kgl» ان هذه الموانئ تحتاج الى إعادة هندستها وتشكيلها وكذلك هيكلة ادارة الحاويات ورسم الموانئ الجافة في هذه الدول والمنافذ البحرية المرتبطة بها. أما عن آخر تطورات ميناء دمياط قال البغلي ان مرحلة البناء قد بدأت وتم زيادة رأسمال شركة دمياط للموانئ بعد دخول شركاء استراتيجيين فيها على ان يبدأ العمل الفعلي في هذا الميناء شهر أغسطس 2008.

 

[barbarian]

وبعدين...شنو هالسهم الدايخ اللي كل يوم ينزل 10 فلوس !!!

واللي باط جبدي ان مع صعدة السوق ما صعد بالعكس نزل...والحين المفروض يتماسك أو يبيضها ويحفظ ماء الوجه ويصعد لكن للأسف ماكو فايده...

ما أقول الا يا شماتة أبله زازا فيّا..الشرها عليي دخلت على السهم

 

[barbarian]

السلام عليكم

أولاً أحب أهني سعيد دشتي على أن قدر يثبت للجميع ان يقدر ينزل سهمه أكثر من الضعفين عن طريق التوزيعه المحترمه اللي وزعها آخر سنه

ثانياً أحب أهنيه ان قدر ينزل سعر الرابطه لأسعار أيام زمان أسعار سنة 2003 كما هو موضح بالشارت

ثالثاً أحب أهنيه ان سهمه مستحيل الواحد يعرف يحلله...سهم ما يتفاعل مع العقود أو الأرباح التشغيليه البحته السابقه...

رابعاً أحب أهنيه ان قدر ما يصعد السهم لمن صعد المؤشر الآلاف من النقاط ومعظم الأسهم ارتفعت بطريقه جنونيه...

أخيراً أحب أهنيه ان ليلحين قاعد يضغط على السهم والله العالم الى أي سعر ناوي ينزله...

على العموم حاولت أحلل السهم ما قدرت...لكن على قولة نانسي عجرم...شخبط شخابيط...شخبطت لكم يمكن بالشخابيط يضبط تحليل للرابطه

السهم متجه الى 530 - 540 فلس...لا تزعلون قلنا شخابيط...الترند النازل يقول جيذيه بالاضافه الى دعمه السابق التاريخي سنة 2003

النصيحه: الصمود ثم الصمود...واللي يبي يبرد على السهم ياخذه تحت الـ 550 فلس الله لا يقوله

 

[casablanca]

انا بعرف شي واحد بس

هالسهم الدايخ شني قوعته

 

[barbarian]

انا بعرف شي واحد بس

هالسهم الدايخ شني قوعته

الله يكون بعونا متجمده فلوسنا على الفاضي

 

[sarheed]

انا ابي اعرف منو اللي قاعد يشتري هالسهم الدايخ

السهم من اول السنه وهو بنزول مستمر

يعني اللي قاعد يشتري اليوم شنو متأمل

 

[barbarian]

العزوف عن شراء السهم على سعر 630 فلس واضح وضوح الشمس

واللي شراو اليوم على 620 فلس لا يستانسون ما راح يقدرون يبيعونه على 630 فلس

أحسن شي محد يطلب خل السهم ينزل حد ادنى 5 ايام مو مشكله على الاقل يصرفون على نفسهم

 

[basousi]

دشتي ماني مخليه يخسرني فليساتي
و عندي احساس ان الفرج قريب ان شالله، و سعر السهم راح يتحرك للاعلى
و ما راح ابيع الا بربح طيب

 

[أبـو شـهــد]

السلام عليكم

أولاً أحب أهني سعيد دشتي على أن قدر يثبت للجميع ان يقدر ينزل سهمه أكثر من الضعفين عن طريق التوزيعه المحترمه اللي وزعها آخر سنه

ثانياً أحب أهنيه ان قدر ينزل سعر الرابطه لأسعار أيام زمان أسعار سنة 2003 كما هو موضح بالشارت

ثالثاً أحب أهنيه ان سهمه مستحيل الواحد يعرف يحلله...سهم ما يتفاعل مع العقود أو الأرباح التشغيليه البحته السابقه...

رابعاً أحب أهنيه ان قدر ما يصعد السهم لمن صعد المؤشر الآلاف من النقاط ومعظم الأسهم ارتفعت بطريقه جنونيه...

أخيراً أحب أهنيه ان ليلحين قاعد يضغط على السهم والله العالم الى أي سعر ناوي ينزله...

على العموم حاولت أحلل السهم ما قدرت...لكن على قولة نانسي عجرم...شخبط شخابيط...شخبطت لكم يمكن بالشخابيط يضبط تحليل للرابطه

السهم متجه الى 530 - 540 فلس...لا تزعلون قلنا شخابيط...الترند النازل يقول جيذيه بالاضافه الى دعمه السابق التاريخي سنة 2003

النصيحه: الصمود ثم الصمود...واللي يبي يبرد على السهم ياخذه تحت الـ 550 فلس الله لا يقوله

الله يكون بعونا متجمده فلوسنا على الفاضي

العزوف عن شراء السهم على سعر 630 فلس واضح وضوح الشمس

واللي شراو اليوم على 620 فلس لا يستانسون ما راح يقدرون يبيعونه على 630 فلس

أحسن شي محد يطلب خل السهم ينزل حد ادنى 5 ايام مو مشكله على الاقل يصرفون على نفسهم

انت مو ملاحظ كل مشاركاتك سلبية
شسالفة مو عاجبك السهم اطلع منة ياأخي وخل العالم ترزق اللة
بس سالفة تكسر بمعنويات العالم هذا غلط وبعدين وين التحليل مالك ابو 530 و 540 ياأخي لاتصير مرجف الصراحة انا أتفائل اذا شفت مشاركاتك وكثرة تذمرك من السهم لاني علي يقين انة سوف يصعد السهم لانك بكل بساطة مرجف واللة اعلم لحساب من تعمل اتق اللة في نفسك وفي الاخرين والرجاء الكف عن المشاركات السلبية وشكراا​