وجهة نظري في مدينة صباح الاحمد

[محمد الدوسري 22]

لو نحط لكم الشمس بيد والقمر بيد ما يرضيكم ولا يملا عيونكم شي

العمر راح وانتم تنطرون مناطق مفصله على مزاجكم

افضل رد شاهدته بحياتي
صح لسانك يالغالي ..

 

[مو طبيعي]

الله يعطيك العافيه اخوووي ماقصرت لبي قلبك

بس احنا نتكلم عن الكويت مانتكلم عن الخليج ولا عن دول العالم

مدينة صبااح الاحمد احلي شي فيهاااا 600 متر بس

اقرب منطقه لك تبعد حوالي 24 كيلو علي صباح الاحمد

وتبعد عن العاصمه 66 كيلو

ولا تنسا اني صاحب مزرعه بالوفره وكل يوم اروح للوفره

يعني منطقه صحرويه كلهاا دفان شوف خط الوفه شنو مكتوب فيه

علامات (( رمال متراكمه )) اخوي انا اطلع من بيتنا بالفحيحيل الجو

حلووو اوصل علي خط الوفره دفاااان وعجاج وغبااار حدث العاقل بما يعقل

صحيح بأن المنطقه راح تعمر بس متي 2030 صحيح راح تعمر احنا عيال

اليوم محد ضامن عمره لساعه نصيحتي الي يقدر يبتعد عنهااا يكون احسن

عندي الخيران ارح منهاااا علشان اذا ابي اروح للسوق عندي سوق الخفجي قريب

مني ههههه والحين البطاقه الذكيه شغاله بالمراكز

انا مابي احبط في اخواني بس هذي وجهة نظري بالمنطقه

والسلاام

هلا و غلا فيك يا الوسيم
شوف اخوي انت ساكن بافحيحيل و كل يوم تروح للوفرة صح 100%
يعني انت تقول ان المدينة بعيدة عن مدينة الكويت واجد اوكي شنو فرقها عنك تدري شنو الفرق مدينة صباح الاحمد المنطقة الي ورى منطقتك باواقع و انت تقول كل يوووم تروح للوفرة صح يعني المشوار ما عندك مشكلة فية ف من الطبيعي انك ما تروح لمدينة الكويت الديرة واجد الانك كل يوووم تروح للوفرة الزبدة انك ما تحتاج الديرة بشيئ ليش تحسبها انها بعيدة عن الديرة ونت من كلامك انك يوميا باوفرة يعني مالك شغل بابعد عن الديرة و هذا من واقع كلامك و انها 600 متر اكيد اغراء و حده بعد قولي اخر منطقة وزعوها 600 شنهو باكويت يعني ممكن ما تتكرة هذه المساحة الان الدعوه خصخصة الان لا تنسي هذا و تعمر الدية ب 2030 ليش عطني منطقة تعمر بعد عشرين سنة في العالم عشان نقيسها على مدينة صباح الاحمد ركز مدينة وليس منطقة و هناك فرق بينهم و الرمال المتراكمة انشاء الله بعد ما تثبت التربة نتيجة محمية ضلع القرين و بناء الناس للمنازل و الحزام الشجري راح تتغير المنطقة طبيعي جداا و قبل الجهراء كانت دفان و الان روح و شووفها ماكو احسن منها عادي ونت ما تتكلم عن الخليج تتكلم عن الكويت يني شنو الفرق باخليج في مناطق داخلية و مناطق خارجية ( هجرة ) او قرية نفس الشيئ و هذه طبيعة الدول في العالم

 

[q8_king1]

السلام عليكم اخواني انا بقول وجة نظري بالمدينة طبعا بعد ماشفتها امس ومريت عليها مرور وهذي اول مرة امر عليها الصراحة المنطقة اكبر عيب فيها هو البعد مالة حل مسافة طويلة حييل حتي اهل القرين بعيدة عليهم وحتي ام الهيمان صارت منطقة داخلية بالنسبة لها ودي اعرف اشلون تم اختيار الموقع من الاسكان في اراضي فضاء اقرب منها قرب اسطبلات الاحمدي ليش البعد كل هذي المسافة وجهة نظري حتي لو المساحة 1000 متر صعب اسكن في منطقة معزولة حتحتاج لايقل عن 10 سنوات واكثر حتي تكتمل خدماتها وفي عيب ثاني لاحظة وهو الشارع فقط حارتين وفية شاحنات كثيرة تمشي علية هذة غير السيارات المسرعة كلامي يمكن يزعل بعض الاعضاء لاكن تبقي وجة نظر والي مقتنع بالمدينة الله يوفقة

 

[Balloons Shop]

اللي نعرفه أن المنطقة كانت نظيفة قبل الغزو
مو سالفة 600 وبُعد
الله المستعان !

 

[مو طبيعي]

الظاهر اخونا الوسيم من النوع الي يقول لا تاخذون واهو مخصص فيها ويدور شركه زينه يتقاول معاها

حبيبي ماكو شي بالكويت يبور
واذا القدم ماخذوها الجدد بياخذون

واذكركم فيها

للعلم انا ما ابيها بسبب البعد فقط ولا غير جذي والله الذي لا اله الا هو ماعندي مشاكل
وبالنسبة للنفايات الي يقول مصيبة اقوله منت اذكى من الحكومه
لانها حددت كيلو 30 بس ما قالو بيخلون النفايات عالشارع

كيلو 30 صح ولكن ممكن تكون خلف المنطقة ""بمعنى اصح"" داخل البر 20 او 30 كيلو

والله يوفقنا ويوفقكم لما يحبه ويرضاه

شكراا لك اخوى و كل شيئ جايز
و احنا ذكرنا ان البعد موجود و ماكو حل له ما انكرنا هذا
و هذه وجهة نظر مو فرض عليكم تقتنعون ولا لا
هناك ناس تدش و تقول لا تحلون المنطقة و هي تعبانة
ارد و اقولهم مثل انت ما رديت ( انا ماني ماخذ الانها بعيدة ) هذه وجهة نظرك و انا اكتب الي اشوفة ون وجهة نظري و نتناقش بامنتدى و الي كاتبة الله بيصير

 

[مو طبيعي]

كلامك صحيح أخوي الوسيم بس من كثر أحباط الناس الي ناطره بيت العمر قاموا ينسون أو يتناسون بعد المنطقه وتلوثها والتربه المتهلهله أي نسمه هوا صار غبار وأنتوا عارفين الغبار ومشاكله علي الصحه خاصه لصغار السن للأسف أهم شئ صار عندنا أن الواحد يستلم قسيمه بس أي مكان مايهم
والله يكون في العون
​

هلا وغلا فيم يا المطبة و اقولك كلامك صحيح و في نقطة نظام لو تكرمة و هي ان الحين التلوث او الغبار موجود بكل مكان يعني بام الهيمان تلوث من الغازات و الفحيحيل كذالك و اهل الفروانية و اشبيليا تلوث من الضوضاء الطائرات و مشرف من ريحة المجاري طافحة صارها سنتين و اهل هدية اذا جتهم ريحة مصلخ الظهر تلوع الكبد من المصارين و و و و
اذا تبينا لين الصبح اطلعلك عيوووب بامناطق كلها
الزبدة لكل مدينة عيب و الكمال لله سبحانة فقط
و حنا منحدين علية صحيح بيت بلاش وحنا صغار باعمر و هي قسيمة مو بيت حكوومة و هذه كلها وجهة نظر مو اجباري و شكراا على تجاوبك معانا باموضوع طال عمر

 

[مو طبيعي]

اخوى الله يخليك خلك واقعى شوى
ابى اسألك شفت المدينة
قبل الرد الله يخليك تكفى روح شوفها بصراحه
اتوقع والله أعلم سوف تكتمل المدينه بعد 2050 ويمكن أكثر
شوف جسر جابر مسافتـه 10 كيلوا وصارله يمكن 6 سنوات وماخلص بعد
تبى تسوى مدينه كامله بعشر سنوات
شوف طريق الغزالى صارله 3 سنوات وبعد ماخلص مسافته 2 كيلوا
وتبى لسته بعد اقولك
أسمحلى بدون زعل انت تبى تحاول تقنع نفسك وتقنعا بس مو عارف

برد عليك باختصار ....
انا واقعي عشان كذا اخذت باموجود اما لو اني غير واقعي لا ارضي باموجود و اتخيل شيئ بحياتي .... نعم شفت المدينة ...و المدينة راح تكتمل باذن الله و الله قادر على كل شيئ بعد النوزيع ممكن سنوات بسيطة لا تتعدى 5 سنوات لكامل الخدمات و هاذا الواقعية بعينها ... جسر جابر 31-35 كيلو له طريقين و ممكن طريق واحد حسب تخطيط المهندسين الي ممكن يغيرونة و ليس 6 كيلو ... ولم يتم انشائه او البدا فيه حتى الان ... نعم ممكن تكون هناك مدينة ب عشر سنوات هل انت تعلم الغيب ... طريق الغزالي موجود من اول ما عرفت الدنية و اذا قصدك بصيانتة فهم حلو مشكلة النفق ماله .... ماني زعلان و انا شخصيااا مقتنع بس ما افرض وجهة نظري على الناس بس بكتب والي يبي ياخذ بيت ترى الحكومة توزع بلاش مو بفلووووس

 

[مو طبيعي]

اللى يبى ياخذ الله يوفقه والله ما يبى ايضا الله يوفقه ..

لكن الواقع يقول ان المنطقه بعيده ..

انت يا صاحب الموضوع بما انك تفكر بغرف عيالك ما فكرت بدراستهم بعد سنوات ..

يعنى اذا لك بنت تبى الكليه مثلا التربيه الاساسيه كم الساعه تطلع من البيت ..؟؟

اذا الحين بنات صباح السالم يطلعون 6 وربع يمرهم الباص ..اللى بصباح الاحمد متى يمرهم الساعه 4 ونص مثلا ..؟؟

ومتى ترد البيت ..اذا البنت عندها محاضرات 4 العصر مثلا وتخلص 5 متى توصل البيت ..؟؟

مهما حاول البعض يمدح المنطقه تبقى منطقه غير مناسبه فى الوقت الحالى اقل شى ..

اذا فعلا الحكومه جاده خلها تسوى الخدمات من كليات وطرق مختصره وراح تشوف الاقبال عليها ..

اما الكلام الفاضى ماخوذ خيره ..

انت قلت وجهة نظرك وحنا قلنا وجهة نظرنا ..

هلا والله فيك و الله يسلمك من الشر
بما ان الواقع يقول انها بعيدة اذا فهية بعيدة و هذا انا قايلة فوووق و ما انكر هذا البعد ابدااا ( الان اوضح من عين الشمس )نعم افكر بغرف لعيالي و هذه سنة الحياه و افكر بدراستهم شنو المشكلة او المانع و اذا على البعد هناك ناس في ام الهيمان يا خوي شنو الفرق بيا و بينهم و الجامة الجديدة في الشادية راح يكون لها طريق غرب مدينة صباح الاحمد الي كبد و الطريق من شهر فبراير الماضي في مراحل التنفيذ ( يعني 2012 خالص)
و تقول الساعة 6 و ربع نفس الشيئ يا طيب هناك باصات لمنطقة الصباحية و باصات ل ام الهيمان و باصات للجهرء و لكل باص على حدى و هذه الية التوصيل و معروفة يعني اذا انت عندك طلبين مطعم و و تبي توصل طلب و ما عندك الا سيارة اشلون مستحيل راح توصلم اكيد راح تستعين بسيارة اخرى لمصلحة العمل نفس الشيئ بااصات و بعدين ممكن البنات او الاولاد ما يفلحون بدراستهم ف مالها داعي هذه السالفة او الموضة الحالية ممكن تدزهم خارج الكويت مثل ما هو حاصل شنو انت مو باديرة او جامعات خاصة في المهبولة هناك 3 كليات و الحكومة مستحيل تحط خدمات قبل الناس ما صارت قبل كذا باسكن الخاص من قبل الاسكان او التجار و عطني مثل اذا تعرف يعني احط خدمات و بعدين اقول للناس اخذووو مستحيلة تصير و انا سمعت وجهة نظرك و رديت عليها
و الكلام الماخوذ خيرة ماله داعي الكلمة ونا اخوك تراني باخذ من حال الناس الي تبي تاخذ بامدينة ونت اقعد بيت ابوك او اجارك او حمل نفسك ديون لشراء ونت وراحتك

 

[مو طبيعي]

كلامى حاد وموزون وتمنى احترام وجهة النظر,,,
جالس تمدح المنطقة ياخوى كانك تاجر عقار تملكها,,,,
هناك شى اسمة العقل والمنطق
بعلق على كلامك
1- ياسفنى انك قارنت بمناطق دول الخليج والبعد بين المناطق وهذى طامة كبرى
انك لاتعرف ماذا كنت تكتب
اذا تكلمت عن الخليج نقول السعودية مثلا الدمام فيها مراكز تسوق ومطار مثل اسواق بن خلدون ومطار ومستشفى مغربى وبنوك وغيرة اى مدينة بمثال دولة كاملة والرياض مثلها من المستشفيات والمطار والخدمات والاسواق واذا رحت جدة نفس الكلام
ووووووووووووووووووو لو رحنا الامارات ايضا دبى مطار وسواق ومستشفيات وغيرة وابوظبى نفس الشي اى مدن متكاملة....
بمقارنتك خطا فى خطا!!!!!!
مدينة عريفجان تعتبر بعزلة تامة كيف تقنعنا فيها
بتقولى مستشفا ووووو ههههههههههههههههههههه نظحك على بعضنا ههههههههههههههه
مبارك الكبير لها اكثر من ربع قرن مابنولهم مستشفى ولا جامعة
وام الهيمان طامة كبرى معزولة ولا مستشفى ولا غيرة للحين فى عزلة من عشر سنين
وتقنعنا بعريفجان وتقولنا يمكن بيبنون جامعة ههههههههه ماعندنى الا جامعة وحدة لها نص قرن
والشدادية انطررنى لكملة
ياعمى خلك واقعى بتسكنا بالوفرى لاخدمات ولا كليات وجامعة ولا اسواق ولا مستشفى
باللة عليك
لصرت تراجع مستشفى لمريض من العيال لاسمح اللة متى بتروح وبترد
وكيف تودى عيالك وبناتك الجامعة وكيف تنسق طلباتك لسوق ومسؤلياتك
يبيلك هلكبتر عشان تتنقل
هدى شوى
......................
قول منطقة حلوة ومساحتها 600 متر اقولك اوكى بس معزولة
لو فى وعد رسمى بالخدمات وبنوها مع بناء المنطقة
فنحنو مرحبين اما بيوت فى عزلة
كانت شارى جاخور بالبر مثل جواخير القرين مايعدون عن بعض الفرق 8 كيلو
تقدر تسميها الجواخير قطعة خمسة بدل عريفجان

هلا فيك اخوي العمر فرصة ,,,,
و فعلا العمر فرصة على النك نيم مالك
انا محترم وجهة نظرك ... لوني تاجر على تشبيهك البليغ هذا كان ما مريت على جوها اصلا .... و نشوف العقل و المنطق .... انا شبهتهم و اعرف ما ذا اكتب طال عمرك .... الدمام مثل نعم فيها كل شيئ و مطار و مستشفي و اسواق و سكن خاص و خلافة فعلا موجود و ابو ضبي مثل حلووو كلام جميل جدااا و منسق و سهل ....
السؤل وحدة وحدة الدمام اول ما انشأت يعني قبل 40 الي 50 سنة قبل هل كان هناك فيها مطار رسمي او مستشفى مغربي او بنوك او اشياء او كثافة سكانية اذا كنا راح نقارن المدينتين منذو النشأة صح ولا لا ... سؤل يسدح نفسة ليش ما صارت الرياض ولا الدمام ولا جدة قبل موقعهم ب 100 كيلو مثلا يعني يكون موقع الدمام بمكان هجرة من الهجر انا اجاوبك بكل بساطة الان الناس عمروووها فعلا اسكنو فيها و اجتهدو و كل واحد اشتغل فيها و استقر و كون اسرة وتوظف فيها مثل التدريس و الشرطة و الطبيب استقرو فيها و عمروها و بعد ذالك الدولة رات ان هذه القطعة من الارض الناس فيها و طوروها و انعشو اقتصادقا و سوي البنية التحتيه و العمرانية فيها و بعد سنوات لبعدها او الاهميتها حطو فيها مطارات مثل الدمام و الحفر ....
ام الهيمان منطقة و صباح الاحمد مدينة داخلها 5 مناطق غير الاستثماري و الشقق 900 شقة ... مبارك الكبير توها صارة محافظة ولا قبل منطقة القرين و و تبي جامعة لها والله راهي انت 4 مناطق اجل اهل الجهراء يبون جامعة و جامعة الشدادية يوم توقع العقد قالهم المقاول بعد عشر سنوات ابنيها و وافقت الحكووومة و هذه سياستهم انت ما تسمع بامتنفذين ترى ناس واجد ما تعرف شنو معني المتنفذين الي فوق مستوى الحكومة ... الوفرة بعيدة اشوي عن المنطقة لكنها الاقرب بانسبة لباقي مناطق الكويت و اعتبرة ميزة لقربك منه ... و نا اخوك سالفة المريض سالفة اجل لو كذا شيابنا ما جابونا اسكنوووو بابران و الحمد لله عاشو و ربونا .... هههههه حلوه الجواخير قطعة خمسة يا خيى اعتبرة منتزه لك و لعيالك و اشتر جاخووور ليش لا
اتمنى اني رديت عليك بصدر رحب

 

[مو طبيعي]

مساكم الله بالخير
والله مادري شقول
لاكن عندي تعليق بسيط

انا عن نفسي طلبي 98 وللامانه استلمت كرت القرعه اول دفعه كانت قطاع سي
ولاكن
تخوفت وربي تمر علي احلام وكوابيس
الين ما ربي وفقني وقدرت اتخلص من هالكرت بطريقه او باخري

المهم
اني تخلصت من الدخول في قرعة صباح الاحمد

لاكن

كل يوم افكر واقول
وين بروح وانا طلبي 98 ووووووووووين
هل صحيح بيبنون منطقه على الدائري السابع طبعا كلام دواوووين
والكل يعرف ان احنا مااااااشين على البركه وعلى كلام دوااوووووووووووين
ولو صرح مسؤول تلاقيه مو قد تصريحه والدليل
سالفة الرواتب الي قبل رمضان
لمن قالوا بيصرفون رواتب ودش رمضان وصار اسبوع ونزلت الرواتب بموعدها الطبيعي يعني لافيه تقديم ولا شي
والمصيبه ان التصريح طلع من شخص كبيرررررررررر حيل ومهم جدا لاكن تصريحه فاشل

المهم

يقولون عصفور بالايد ولا عشششششره على الشجره عدل

الحين نقعد نفكر وين بنرووح محد داري وين راح يروح بالنسبه للطلب الاسكاني ماله
والتخوف تارس عقول الكل

قدمو طلبات لغاية 2002 طبعا اصحاب هالطلبات صارلهم من تزوجو تقريبا 8 سنوات او 9 يعني اكبر واحد من عيالهم باول ابتدائي اذا مو بثاني ابتداءي

اما يكون بيت ابوه او بشقه اجارها تقريبا 300 دينار بحد اقصي والحمد لله مرتاح لاكن يقول ويفكر اذا طلبات 96 لحد الحين متوهقين مو عارفين وين بيروحون
خلوني امسك على الاقل قسيمه دام اني شباب توني وعيالي صغار وراتبي قوي وافتك من الاجار
صحيح كلامك فعلا افتك ممن الاجاار واسكن قسيمه جديده وفالك طيب
لان فعلا كل شخص ياجل من الطلبات القديمه مو من مصلحتك لانك راح تكون متعلق لازم ياخذون وعقب انت تقدر تاخذ
يعني بتصير مثل طلبات 98 مايقدرون ياخذوف في مدينة جابر ولا سعد الا لمن يخلصون طلبات 96 و 97 عدل ؟

انا للامانه وبكل صدق
شجعة واحد من اخواني طلبه 2002 والحمد لله خصص بالمنطقه وراح يدش القرعه بحيل الله

لعدة اسباب
ابرزها انه يمسك له قسيمه تنفعه وتنفع اخوانه لمن توهقنا المؤسسه بقراراتها المخربطه

والكل يعرف ان الحمد لله سياراتنا جديده ومكيفه والتعب على السياره الكويت كلها 100 كيلو تفرها من اولها لاخرها
واذا على الجامعات شدعوه كل اهل الكويت جامعيين ؟ لا طبعاا
مو كل اهل الشاميه دكاتره عدل ولا كل اهل الخالديه جامعين والجامعه قدام بيوتهم
عدل

انزين نروح الحين حق سالفة تكملة المدينه
الي قال بعشر سنوات احتمال تكتمل
فعلا خلها عشر سنوات على ماتكتمل
شنو نبي من المنطقه غير المستوصف لعلاج بعض الحالات
والكل يدري وانا اعتقد بان لو كل شخص سال نفسه متى اخر مره رحت للمستوصف الي عند بيتكم راح يقول تقريبا من شهر الا عاد هالجو الحالي يمكن يكون توه زاير المركز
يعني مو كل يوم تكون بالمستوصف عدل ؟

ادرات الدوله

الي يسمعنا الحين يقول كل يوم تجدد الجواز ولا البطاقه ولا ...........؟
الحمد لله
النت تسوي فيه كل شي ولاتحتاج تروح لاي وزاره وان رحت تروح لها بالسنه مرررررره
وزين بعد
مستشفيات هم بعد نفس الطريقه مو كل يوم بروح عدل؟ الله يكفينا الشر يارب
اما بالنسبه للتواصل الاجتماعي وهالجزئيه مهمه جداا
يعني

انا ساكن بصباح الاحمد واهي مثل بالقرين ودوانيتنا بمشرف مثلا طبعا
صحيح راح اتعب شوي
لاكن هم بعد لازم اشوف حالي واقعد مع عيالي واهلي مو كل يوم بكون بالقرين ومخلي ام العيال وعيالي بصباح بروحهم عدل
هني
عاد
نقول عندك عذر مو كل يوم بتكون لابمشرف ولا بالقرين للدوانيه عدل
يستانسون الحريم ههههههههه
المهم

التسوق
الفحيحيل قريبه يعني 30 كم
اهل الصباحيه او الرقه لو بغوا يروحون لاي سوق غير الفحيحيل يبيلهم تقريبا 30 كم
سواء الفروانيه او السالميه عدل ؟
طول عمرهم يتسوقون من الفروانيه او السالميه ولا قالو بعيده لانه بيكون على سياره مكيفه واخر موديل ماراح يروح مشي ولا على ناقه عدل ؟
انزين
نروح من ناحيه صحيه

وهني عاد انا مادري الله اعلم
لاكن
يقال ان المنطقه متروسه يورانيوم
لاكن هل الحكومه تكون غبيه لهدرجه وتبي تكرر سيناروا ام الهيمان بالنسبه للمصانع ؟
لا مستحيل او ربما


عموما ياشباب
الظاهر اني طولت
لاكن بكل اختصار
الدنيا فرص لحد يضيعها
تاكدو اني شخصيا راااااااااااااااافض المنطقه لسبب ان طلبي زززززين والله اعلم

بوراشد

ابو راشد كلامك موزون 100% و وجهة نظرك احترمها و
حسافة انك ما راح تشرفنا بصباح الاحمد و شكراا لك

 

[Singel]

الي الاخ الذي يحاول يقنع الناس هل انت مقتنع اخذ فيها

1 الامر يبيد الحكومه خلها تخلص البنيه التحيته نفس الخيران وتخلص المشتشفيات والمستوصفات
والمدارس والخدمات والمرافق وتسوي الطريق هاي واي وتحط مخفررررررررررر وتبني جامعه وكليات

وبعدين يوزعون فيها لان الحكومه ماتبي تكون صادقه وتبيعلك الوهم السياسي

علي العموم
راح نسوي استبيان في المنطقه وراح نثبت الموضوع

 

[مو طبيعي]

الله يعين ... من خذا فيها ... لسبب واحد فقط لاغير ... وهي اصلا منطقه جميله ... ولكن البعد البعد .. البعد .... وما ادراك مالبعد.... كارثه ... وخاصه انك في الكويت ... ومشاء الله ... بتشوف الخدمات قبل البيت ... بس بشرط ... نبي صرااااخ ... حتى نعمل .... عموما بالتوفيق للجميع

شكرااا لك و فعلا الله يعينا على البعد

 

[بومحمد63]

شكرا مو طبيعي على تنوير اخوانك باسلوب طيب تعودناه منك

 

[مو طبيعي]

السسلام عليكم ورحمة الله وبركاته

كلامكم ميه ميه وعين العقل

وجهة نظري الشخصية

بالاول نقول الله يوفق كل من طلعت له ارض بمدينة صباح الاحمد

وثاني شيء يا جماعة مانبي نمدح المدينة وكانها مدينة الاحلام يكفي بعيده لا تقولون 600 متر احنا نبي مدينة متكاملة وكل شيء فيها عالاقل المواطن لا سكن يقدر يعيش فيها مو المؤسسة تعطيني بيت 600 متر ولا مستشفي ولا مستوصف ولا مدارس ولا غيره يعني خدمات صفر ... وباخر الكويت وتبيني اسكن انا وعيالي !!

يفترض بالمؤسسة لترغيب المواطن ان تبني الخدمات بالاول وتالي لا صارت علي ارض الواقع وقدر المواطن يشوفها ذيج الساعه يقبل بالمنطقه واهوا مرتاح ومقتنع ...

وبعدين الكل يدري وعارف بان سياسة المؤسسة معروفه منذ الازل تبدا بتوزيع المناطق البعيده وتالي توزع القريبه بدليل غرب هدية الوضع نايم ليما يتم توزيع مدينة صباح الاحمد

باختصار ../ مسآلة 600 متر ماتطمس عيوب المنطقه وتبقي مدينة تحتاج للنظر والتعديل والتبديل والانجازات شارعين بنوهم وارضين وزعوهم وبيتين حكومه بنوهم مايرضي طموح مواطن له دهر ينطر !!

وللعلم وربي يعلم اني من الناس اللي طلبوني لها ولا رحت لو بروح بظلم نفسي وعيالي اسكنهم ببر بعد ماكان براحه وكل شيء يبونه حواليهم


شكرا

شكراا لك يا بو على على مشاركتك اللطيفة و يبقى كلامي و كلامك وجهة نظر و على الشخص ان يقرا وجهات النظر و يختار احد منها بناءاا على الكلام المكتوووب و الي كاتبة الله بيصير
و انا من الناس المؤيدين لها و انت من المعارضين ما يمنع ان كل واحد يطرح وجهة نظرة باسلوووب شخصي له يعبر عن رأيه

 

[مو طبيعي]

لو نحط لكم الشمس بيد والقمر بيد ما يرضيكم ولا يملا عيونكم شي

العمر راح وانتم تنطرون مناطق مفصله على مزاجكم

اي والله انك صاج
و انا باقرعة الناس ضغط على المنطقة
لا تخاف في ناس تبي و ناس ما تبي المنطقة ما راح تبووور

 

[مو طبيعي]

بو محمد,, مساك الله بالخير,,

ياروحى يا قطاع b.

هلا فيك فهد و ياروحي بي و اقطع بعد

 

[مو طبيعي]

افضل رد شاهدته بحياتي
صح لسانك يالغالي ..

شكراا لك يا الدوسري على المروور

 

[مو طبيعي]

السلام عليكم اخواني انا بقول وجة نظري بالمدينة طبعا بعد ماشفتها امس ومريت عليها مرور وهذي اول مرة امر عليها الصراحة المنطقة اكبر عيب فيها هو البعد مالة حل مسافة طويلة حييل حتي اهل القرين بعيدة عليهم وحتي ام الهيمان صارت منطقة داخلية بالنسبة لها ودي اعرف اشلون تم اختيار الموقع من الاسكان في اراضي فضاء اقرب منها قرب اسطبلات الاحمدي ليش البعد كل هذي المسافة وجهة نظري حتي لو المساحة 1000 متر صعب اسكن في منطقة معزولة حتحتاج لايقل عن 10 سنوات واكثر حتي تكتمل خدماتها وفي عيب ثاني لاحظة وهو الشارع فقط حارتين وفية شاحنات كثيرة تمشي علية هذة غير السيارات المسرعة كلامي يمكن يزعل بعض الاعضاء لاكن تبقي وجة نظر والي مقتنع بالمدينة الله يوفقة

هلا والله فيك طال عمرك و وجهة نظرك
انا اقول فعلا البعد مشكلة و ماله حل لا انكر ذالك و الاختيار الموقع من الحكومة شوووف منو المهندس الي اشار الي هذا المكان و شنو وجهة نظرة فية و انا 600 جابتني اشلون لو 1000 و المنطقة اتوقع يبيلها من 3-6 سنوات للسكن فيها و اكتمال الخدمات ما عدا الجامعة و التطبيقي الي اتوقع يمغطون فية الا اذا حلوة باتعليم عبر النت نفس دول العالم الاخرى المتطورة و الشارع راح يضبطونة لا تحاتي بعد سكن اهل المنطقة فية و تاخذ بيت ولا تقعد محشووور بالاجار او عند بيت اهلك و تضايق اخوانك بابيت اما الي قاعد و راسة و راس الوالد او واحد من خوانة باكثير هذا على راحتة لا يستعجل بامدينة ينطر

 

[اللمبى]

ياشباب اللى يبى مدينه صباح فقط طلبات 2000 وفوق لانه بعده صغير وخله ينطر الخدمات

ولكن طلبات 96 الى 99 حرام ياخذ فيها يمكن فى مناطق جديده تطلع والكويت

كلها بر بس المشكله النفط

 

[مو طبيعي]

اللي نعرفه أن المنطقة كانت نظيفة قبل الغزو
مو سالفة 600 وبُعد
الله المستعان !

البعد موجود و 600 موجودة و الغزووو راح بلا ردة
والله المستعان طال عمرك