عان اقرر اخذ ولا ما اخذ لازم ادرس الخيارات كلها :
1. الدوام مثلا : لحد يقولي انقل من دوامك عشان المنطقه !! واذا ماينفع انقل من داومي عشان اسكن ولا عندي استعداد اضرب درب مدى الحياه واعاني عشان اسكن !! الحمدالله انا اخذ بدل اجار 150 واحط من جيبي 150 دينار =300 دينار واجرلي شقه حلوه اسكن فيها مرتاح بنص الديره
واللي يقولي ليش ادفع 300 دينار من جيبي !! انا اقوله لانه اذا استلمت البيت طبيعي راح يقصون بدل الاجار مني 150 + راح ادفع قسط البيت 100 دينار (قرض ال 70 ) وضيف عليهم البانزين مشاوير الدوام راح اقط على السياره بس بانزين ودهن وسيرفس للسياره لا يقل عن 70 الى 100 دينار .. ولو تحسبها حسبه بدو .. تطلع النتيجه اني اسكن فيه العاصمه او منطقتي اجار وانا مرتاح اوفر لي من اني اخذلي بيت في قلع المدى واعيش بمعاناه طول حياتي .
2. المراكز الطبيه : شي طبيعي بما انها منطقه جديده راح تكون المراكز الطبيه مو موجوده من مستشفيات عامه وتخصصيه وهذا بحد ذاته كارثه لو يصير شي طارئ لا سمح الله يبيلي اضرب درب لا يقل عن 30 كيلو عشان اتعالج ؟ انا راح اتعذب بالدرب اكثر من المرض نفسه .
3.بالنسبه للمراجعات : انا موكل يوم اجدد جواز او بطاقه مدنيه .. بس غالبا كل اسبوع او اسبوعين تطلعلي مراجعه من تحت الارض وهذا شي طبيعي عند كل الناس يعني هالشغله فيك فيك ولاحظ اني اخصص المراجعات حق كل الوزارات والمؤسسات الحكومه او حتى الشركات الخاصه وغيره وانت احسبها بنفسك خلال الشهر اللي فات .
4. اذا عندك اولاد طبعا يحتاجون توديهم مدارس وغيره شنو راح تسوي ؟ واذا المره موظفه وماتسوق ؟ يعني هذا بحد ذاتها مشكله عويصه ..
5.تخيل مثلا انك معزوم على مناسبه في منطقه داخليه او بنص الديره وكانت الساعه 7 واتصلت عليك المره وقالتلك ولدك مريض حيل تعال وده الطبيب شنو راح يكون شعورك وانت توك واص هالمناسبه ماصارلك خمس دقايق ؟!
ياجماعه الواحد لازم يحسبها بكل النواحي مو بس سكن وخلاص ؟! واللي يقول نصيحه اخذو ولا تفوتكم الفرصه شنو باعتقادك رااح تطلع منطقه اسوء من هالمنطقه ؟
عموما انا احترم كل هالاراء ولكن هذي وجهت نظري بكل مصداقيه .. والله يوفق الجميع يارب ..
