شركة الإستشارات المالية الدولية ش.م.ك. مقفلة ....( إيفا )

[al7ar]

يجب علي هئية اسواق المال ووزارة التجارة عدم الموافقة علي اعادة تعين مجلس ادارة شركة ايڤا لانه هو السبب الرئيسي بتبديد اموال الشركة من خلال مشاريع فاشلة واذا صاحب الشركة طلال البحر عنده احساس بالمسؤلية واعادة سمعت والدة الي السوق يقوم بتنظيف الشركة من شلة ها الاعضاء الغير كفوئين بادارة الشركة يا طلال كن سبب بان الناس تعيد ان تترحم علي والدك اموالها راحت من ورا ابو غترة نشا لكن كل المسوؤلية تقع علي هيئة اسواق المال ووزارة التجارة بطرد مجلس ادارة ايڤا الحالي واحالتهم للنيابة بتهمة تبديد اموال المساهمين هذي شركة اعيان بعد الخسائر التي منيت بها استبدلت مجلس الادارة بمجلس جديد مو يرجعون حق اسهم المساهمين بحجة تخفيض راس المال
اعن ابوكم استحوا خسائر مدة 10 سنوات وتاليها تخفيض راس المال ونفس الشلة لكن رقابه مافيه من صادها عشي عياله انشاء ايتعشون السهم الهاري

السلام عليكم ... شلونك الاخ العبدالله شخبارك ...
اذا كنت تملك بالسهم .. روح الجمعيه العموميه للشركه بتاريخ 10/7 الاربعاء بمجمع الصالحيه الدور الخامس وخلك هناك قبل الساعه 10 الصبح موعد الاجتماع ... وداحرهم وقول وتكلم وناشبهم وقول اللي عندك كله ووو ... والكتابه بالمنتديات ما منها فايده ... وبالاخير بيقولون لك محد طقك عل ايدك وقالك اشتر السهم وكان جدامك فوق ال100 شركه وشركه وطب وتخير ؟؟ وكل واحد يتحمل اخطاءه بنفسه ...؟؟؟
والله يعوض كل خسران يارب ...والله المستعان..

 

[العبد لله]

السلام عليكم ... شلونك الاخ العبدالله شخبارك ...
اذا كنت تملك بالسهم .. روح الجمعيه العموميه للشركه بتاريخ 10/7 الاربعاء بمجمع الصالحيه الدور الخامس وخلك هناك قبل الساعه 10 الصبح موعد الاجتماع ... وداحرهم وقول وتكلم وناشبهم وقول اللي عندك كله ووو ... والكتابه بالمنتديات ما منها فايده ... وبالاخير بيقولون لك محد طقك عل ايدك وقالك اشتر السهم وكان جدامك فوق ال100 شركه وشركه وطب وتخير ؟؟ وكل واحد يتحمل اخطاءه بنفسه ...؟؟؟
والله يعوض كل خسران يارب ...والله المستعان..

الله يسامحك اي اخطآء نتحملها شرت الناس بناء علي التصريحات الممتازه التي كانت تطلقها الشركة وبعدين تصريحاتهم كلها تبخرت
بعدين اخوي انا طالع من السهم من زمان وبخسارة كبيرة ويعوضنا ربنا بالحلال ابرك من ايڤا وابرك من يدافع عن ايڤا

 

[al7ar]

الله يسامحك اي اخطآء نتحملها شرت الناس بناء علي التصريحات الممتازه التي كانت تطلقها الشركة وبعدين تصريحاتهم كلها تبخرت
بعدين اخوي انا طالع من السهم من زمان وبخسارة كبيرة ويعوضنا ربنا بالحلال ابرك من ايڤا وابرك من يدافع عن ايڤا

هلا هلا بالعبدالله ... اها انت بايع من زمااان وبخساره كبيره اوك اوك والله يعوضك ويعوض كل خسران ياااارب ... وانت الحين قاعد تنصح اللي بالسهم انهم يبيعون اسهم هالشركات التعبانه والخسرانه ما شاء الله شي طيب وجزاك الله خير وبارك الله فيك وباختيارك الاسهم الشرعيه والاسلاميه ؟؟

 

[العبد لله]

اخوي انا مانصحت احد يبيع اويشتري وكلامي واضح بأن مجلس الاداره تجب محاسبته واحالته للقضاء لتبديد اموال المساهمين هذا كل الكلام ولا تقولني شي ماقلته

 

[troy1]

اخوي انا مانصحت احد يبيع اويشتري وكلامي واضح بأن مجلس الاداره تجب محاسبته واحالته للقضاء لتبديد اموال المساهمين هذا كل الكلام ولا تقولني شي ماقلته

لا تتعب نفسك وياه ، بنظر الاخ كل الشركات تعبانه واي احد يتكلم بصفحة شركه لازم يعرف هو يملك فيها او لأ ولو بيده صكر صفحات المنتدى للشركات اللي ماتعجبه .. ومن كلامه كأنه يشكك باللي يشترون او يبيعون او يتكلمون بالمنتدى عباله المحافظ والشركات هادين شغلهم ويتابعوننا او الاعضاء يرفعون لأسهمهم ويورطون الناس فيها ،
هذا سوق بيع ومشترى ومحد مسؤول عن احد والتحليل اللي يعجبك اخذه واللي مايعجبك هده .. والسوق مضاربه اكثر من كونه استثمار ..
الله يرزقنا وياه ويعوضه ويعوضنا اللي خسرناه ويبارك لنا وله باللي كسبناه ..

 

[اشحفان]

اعتقد اليوم اجتماعهم

 

[al7ar]

لا تتعب نفسك وياه ، بنظر الاخ كل الشركات تعبانه واي احد يتكلم بصفحة شركه لازم يعرف هو يملك فيها او لأ ولو بيده صكر صفحات المنتدى للشركات اللي ماتعجبه .. ومن كلامه كأنه يشكك باللي يشترون او يبيعون او يتكلمون بالمنتدى عباله المحافظ والشركات هادين شغلهم ويتابعوننا او الاعضاء يرفعون لأسهمهم ويورطون الناس فيها ،
هذا سوق بيع ومشترى ومحد مسؤول عن احد والتحليل اللي يعجبك اخذه واللي مايعجبك هده .. والسوق مضاربه اكثر من كونه استثمار ..
الله يرزقنا وياه ويعوضه ويعوضنا اللي خسرناه ويبارك لنا وله باللي كسبناه ..

هلا هلا بالتراي شلونك... الاسهم التعبانه واللي بياناتها الماليه مو زينه وممكن يصير عليها تخفيض او من هالاامور واضحه ادخل على اي شركه تشتري فيها وشوف جم خسايرهم وبسسس ...؟؟؟ وبعدين انت عندك اسهم بايفا ومصيود وحاشك تخفيض راس المال ؟؟ والله المستعان؟

 

[al7ar]

اعتقد اليوم اجتماعهم

اهلين مرحباااا ... زين زين اول مره يعلنون عن موعد اجتماعهم للربع الثاني والنصف الاول من السنه مبرووووووووك مبجر هالمره يمكن عندهم ارباح والا شي ..؟؟ ننتظر ونشوف نتايجهم ؟؟ والله الموفق ...

 

[F.B.I]

الشركات مادام يمسكها طلال بحر وصالح سلمي
لا تترجى منهم خير
صالح سلمي مسك ايفا 10 سنوات شنو عطاكم
وطلال بحر نفس الشي وشنو عطاكم
شنو عطوكم هالثنائي الفقر غير الجذب
مادام هالراسين لا زالوا ماسكين لا تنطر الخير من وراهم
وانصحكم خلوا فليساتكم بأرصدتكم ولا تعيشون الاحلام والاوهام مع بورصه لا تحاسب المسؤول ولا ضمانات للمستثمر المسكين والتاجر عنده حصانه ولا اطول شارب يقدر يكلمه وقانون البورصه مفصل تماماااا على مقاساتهم اللي يبونها وخلوا فلوسكم برصيدكم بالبنك تنفعكم وتنفع عيالكم واللي بخاطره كلش كلش لا يستثمر ابداااا ويضارب بنفس اليوم ربحان والا خسران يبيييع ويسلم على حلاله

 

[al7ar]

الشركات مادام يمسكها طلال بحر وصالح سلمي
لا تترجى منهم خير
صالح سلمي مسك ايفا 10 سنوات شنو عطاكم
وطلال بحر نفس الشي وشنو عطاكم
شنو عطوكم هالثنائي الفقر غير الجذب
مادام هالراسين لا زالوا ماسكين لا تنطر الخير من وراهم
وانصحكم خلوا فليساتكم بأرصدتكم ولا تعيشون الاحلام والاوهام مع بورصه لا تحاسب المسؤول ولا ضمانات للمستثمر المسكين والتاجر عنده حصانه ولا اطول شارب يقدر يكلمه وقانون البورصه مفصل تماماااا على مقاساتهم اللي يبونها وخلوا فلوسكم برصيدكم بالبنك تنفعكم وتنفع عيالكم واللي بخاطره كلش كلش لا يستثمر ابداااا ويضارب بنفس اليوم ربحان والا خسران يبيييع ويسلم على حلاله

اهلين مرحبااااا f d i ,,, شلونك ... انت الحين قاعد تقول لحد يشترى في اسهم البحر لانها منتهيه وما منها فايره دام هالراسين بمجلس الاداره ... اوك تمام حلوووو ... واذا بعد تخفيض راس المال ايفا واسهمه شلع فووووق وراح الى اسعار عاليه واللي شرااا معاهم ربح ربح طيب شنو بيقول تتوقع ؟؟؟ هذا سوق وانت صاحب القرار لا تقولي مجلس اداره وهالخرابيط والبيانات الماليه جدامك واضحه ما خشوها عن الناس والمفروض الكل يعرف عنها وخصوصا القدامى والناس الخبره .... وبعدين هالراسين ما قالوا للمتداولين تعالوا اشتروا اسهمنا ...؟؟ قرار الشراء والبيع بايد صاحب القرار وهو يتحمل قراره .. وسلامتك ...والله المستعان..

 

[troy1]

هلا هلا بالتراي شلونك... الاسهم التعبانه واللي بياناتها الماليه مو زينه وممكن يصير عليها تخفيض او من هالاامور واضحه ادخل على اي شركه تشتري فيها وشوف جم خسايرهم وبسسس ...؟؟؟ وبعدين انت عندك اسهم بايفا ومصيود وحاشك تخفيض راس المال ؟؟ والله المستعان؟

هههههههه عندي كل اسهم البورصه ويارب ارزقني وارزق عبادك من فضلك
ياخوي ترى هذا سوق ربح وخساره .. قبل اسبوع تقريبا من غير تحليل ولابيانات تقول شلكم بالمشتركه شركه تعبانه والسهم عطى تقريبا 40 فلس بهالمده .. وعربيه عقارية وارزان وغيرهم كلها اسهم بإذن الله فيها خير وامورها الماليه زينه وفيهم مكسب للمضارب ..

 

[F.B.I]

اهلين مرحبااااا f d i ,,, شلونك ... انت الحين قاعد تقول لحد يشترى في اسهم البحر لانها منتهيه وما منها فايره دام هالراسين بمجلس الاداره ... اوك تمام حلوووو ... واذا بعد تخفيض راس المال ايفا واسهمه شلع فووووق وراح الى اسعار عاليه واللي شرااا معاهم ربح ربح طيب شنو بيقول تتوقع ؟؟؟ هذا سوق وانت صاحب القرار لا تقولي مجلس اداره وهالخرابيط والبيانات الماليه جدامك واضحه ما خشوها عن الناس والمفروض الكل يعرف عنها وخصوصا القدامى والناس الخبره .... وبعدين هالراسين ما قالوا للمتداولين تعالوا اشتروا اسهمنا ...؟؟ قرار الشراء والبيع بايد صاحب القرار وهو يتحمل قراره .. وسلامتك ...والله المستعان..

يا هلا فيك اخوي انا بخير وعساك انت وجميع الاعضاء بخير ان شاءالله واما بالنسبه لهالراسين اخذها نصيحه من اخوك لفهم بجيس اسود وقطهم بحر وانا اخوك 10 سنين وصالح سلمي وطلال بحر يقولون استبشروا خير ويرافسون ويزاقطووون عشان الناس تشتري معنى كلامهم هذا شنو بالله اسبشروا والمجموعه قادره والمجموعه عندها وافعالها ومشاريعنا واحتياطياتنا ياااخي على تصريحاتهم هذي تدري لو بالسعوديه او اي دوله غير الكويت والله يتلونهم تل من عتراهم وبالسجن على وجيههم وانا اقولها لك وتأكد هني بالكويت ولا اكبر شارب يقدر يحاسب حرامية البورصه وانا انصح اخواني واخواتي عدم الجري وراء التطبيل وانصحكم لا ترهنون بيوتكم وحلالكم عشان البورصه ولا تاخذون قروض واحفظوا حلااالكم انتم واولادكم اولى بأموالكم
(( احفظ حلالك اللي عن الناس يغنيك اللي لا بان الخلا فيك يرفاك))

 

[sami112]

اليوم اجتماعهم ولا انا غلطان؟
مافي خبر شصار علي الجمعيه العمومية

 

[Q8 Stock]

اليوم اجتماعهم ولا انا غلطان؟
مافي خبر شصار علي الجمعيه العمومية

تم الموافقه على خفض راس المال

تقريبا 64%
والعوده الى الادراج حسب تصريح السلمي
نصف شهر اغسطس القادم ان شاء الله

 

[العبد لله]

إن الله لك بالمراصاد يالسلمي وياخذ حقنا منك في الدنيا قبل الاخره

انت هلحين طلعت انسان فاشل بمتياز ترأست الشركة عدة سنوات ولم تحقق اي انجاز للشركة عدا الوعود الكاذبه أما آن الاوان وان تخجل من نفسك وتترك المكان لمن هو أكفأ منك

 

[mrshed]

تم الموافقه على خفض راس المال

تقريبا 64%
والعوده الى الادراج حسب تصريح السلمي
نصف شهر اغسطس القادم ان شاء الله

مشاهدة المرفق 300450

سعر السهم عند الأدراج سوف يكون عند أخر سعر أقفال ؟

 

[اشحفان]

سعر السهم عند الأدراج سوف يكون عند أخر سعر أقفال ؟

غير صحيح راح يرتفع سعره

 

[سناعيس]

غير صحيح راح يرتفع سعره

بالضبط
راح يكون مرتفع بنفس نسبة التخفيض
بحيث يعادل سعر الاقفال القديم
فمثلا لو كان اغفاله ٢٠ فلس ونسبة التخفيض ٥٠%
راح يكون سعر الاساس ٣٠ فلس

 

[Q8 Stock]

سعر السهم عند الأدراج سوف يكون عند أخر سعر أقفال ؟

لا
بكون احلى بس الكمية اقل
حسب النسبه

مثال
تملك 100 الف سهم
نسبة الخفض 65%

ملكيتك للاسهم تصير 35 الف سهم
ويرجعون لك فلوس بالاسهم المخصومه بس مو عارف حسبتهم عدل

 

[mrshed]

مشكورين علي ردكم والله يعطيكم العافيه