!!! الحذر من فاتوره زين لهذا الشهر !!!

[طبيبQ8ty]

وين محامي زين ما بين ؟

محامي زين خالد عبدالجليل

 

[acton]

موغريبه على حرمنتهم
كنت في بريطانيا وماستعملت تلفوني اكثر من سنه فقط افتحه اذا فيه مسجات ومارد عليهم الا على الخط البريطاني وتفاجأت ان علي 88 دقيت عليهم قالو تعال الكويت وقدم شكوى طبعا المبلغ انسحب غصب عني

 

[weld.q8]

الحذر من التجوال ياجماعه ابوووو النهب دربالكم

 

[جمبازي]

زين عالم جميل وياجبل مايهزك ريييييييييييييييييييييييييييييييييييييييييييييييييييييييييييييييييح

اكيد عالم جميل ..............خدمات رائعه ...مالها مثيل .....دائما تحويل

للدعم الفنى (واقبض من دبش )



اكيد جبل مايهزه ريح .........محد يقدر يتكلم ..تدفع وانت ساكت ..

تدفع دبلات ؟؟؟ وهم وانت ساكت

 

[الراقي]

ياشباب ابي اشتكي على فيفا فاتورتي اكيد فيها خطأ يمكن معطيني فاتورة واحد اطرم تقول الموظفة عليك من اول الشهر بس
3دنانير​

 

[almared]

لا شكر علي واجب ..

التنبيه ضروري لمصلحة الجميع

والله عيب علي هالشركة هالتصرفات يعني كم واحد دفع الفاتوره من غير لا يتأكد ..

عذر شبعنا منه أنهم يتأكدون ويلغون الخدمة بالتدريج خط بعد خط ...

يعني يضيفون الخدمة علي عدد من الخطوط وأغلب الناس ما تدري ومنهم اللي يدفع !! واللي يدق عليهم يقولون راح يتصل عليك الدعم الفني !!!

والمشكلة الكبري أنك ما أشتركت بالخدمة !! وللعلم ما أستلمنا منهم ولا رسالة من رسائل الوطن



اذا الشركة جااااااااااادة في هذا الموضوع تعتذر بالصحف عن الوضع اللي صار وحتي تؤكد ثقة بين الشركة ومشتركيها ..

 

[almared]

أخوي الراقي ..

يا حبك للشكاوي عندي لك حل :

يسلفونك الشباب من الرصيد اللي عليهم من فواتير زين

 

[ابن عمير]

انا اذكى منكم كلكم اول ماشفت هالسوالف من سنه قطعت خطي على طول ... الوطنيه ممتازه الى اليوم معاي...

 

[ahmed7667]

لا شكر علي واجب ..

التنبيه ضروري لمصلحة الجميع

والله عيب علي هالشركة هالتصرفات يعني كم واحد دفع الفاتوره من غير لا يتأكد ..

عذر شبعنا منه أنهم يتأكدون ويلغون الخدمة بالتدريج خط بعد خط ...

يعني يضيفون الخدمة علي عدد من الخطوط وأغلب الناس ما تدري ومنهم اللي يدفع !! واللي يدق عليهم يقولون راح يتصل عليك الدعم الفني !!!

والمشكلة الكبري أنك ما أشتركت بالخدمة !! وللعلم ما أستلمنا منهم ولا رسالة من رسائل الوطن



اذا الشركة جااااااااااادة في هذا الموضوع تعتذر بالصحف عن الوضع اللي صار وحتي تؤكد ثقة بين الشركة ومشتركيها ..

مشكور اخوي المارد علي الموضوع
انا حصل معاي نفس الشي ( لان دائماً ادفع عن طريق النت وفيه فواتير مفصلة )قبل يومين ودقيت عليهم وقالي الموظف هذا خدمة الوطن نيوز وراح يدقون عليك الدعم الفني ويردولك الزايد
مع العلم هذا ثاني مره تحصل معاي
الله يعين اللي مايشك علي الفاتورة

 

[حبيب]

انا تونى لقيت اشتراك مسجات الوطن المجانية
انا خطى ايزى والله ثم والله العظيم ان كان رصيدى امس 3.500 ماتكلمت

والحين 2.200

وعلى فكرة انى اشتركة فى الخدمة من يومين قالو مجانية لشعار اخر

حسبيى الله ونعم الوكيل

لالغاء الخدمة مسج تكتب فى yw على 90909

 

[تيتانيوم]

الحذر من التجوال ياجماعه ابوووو النهب دربالكم

صااج ياخوي اليوم واااصل الكويت وانصدمت من الفاتوره

معنى كل اللى تكلمته اقل من الساعتين بعد شكله مكالمات امس لي الحين مو محسوبه


مانقدر انسوي شي الخط من 94 عندي يعني انسى نغيره

 

[معاي الحق]

الكلام مضبوط 100%

وانا بعد ضايفين الحرامية المبلغ على الحساب بدون استئذان

 

[ameer]

فاتورتى بعد مجانية المكالمات الارضية زادت يعنى عكس مع انى قليل الاستعمال للموبايل واكثر الوارد من المكالمات ارضية يجب ارسل لاتكلفة المكالمات مباشرة بعد انتهاء المكالمة منعا للتلاعب

 

[معاي الحق]

انا سويت شكوى وما قدروا يفسروا سبب زيادة الفاتورة
بس وعدوني يردولي 47 دينار يوم الاحد بسبب خطأ في البرنامج!!!

ماقصرت ومشكور اخونا المراقب
وللعلم اثنان من المعارف الحين اكتشفوا نفس الموضوع بعد التنبيه
وموظف زين يقول ان الموضوع صار مع ناس وايد فالرجاء الانتباه يا اخوان لان المبالغ مختلفة من شخص الى آخر واول شيء يقولون هذه خدمة الوطن وبعدين تصير خطأ في البرنامج والدعم الفني بيتصل يوم الاحد!

 

[Q8.79]

كانت زين ولا الوطنية ولا فيفا

كل وحده ارده من الثانية

مابيدنا شي

 

[AboNader]

مع الاسف ان يتمادى أهل ( ملاك ) زين بهذا الشكل من ( البوق ) والسرقه العلنيه قلنا انتهاز خدمه مطلوبه ومهمه ولابد منها بس عاد مو بهالطريقه يابيت الخررررررررررررررررررررررررررررررافي

 

[q8-te]

انا بعد توني جيكت بس انا مشترك باخبار الراي والخدمه على كلامهم مجانيه دقيت اليوم ولا علي 60 دينار فاتوره اضافيه وقالولي بيشيلونها يوم الاحد ..

 

[CENTRALBANK]

انا بعد توني جيكت بس انا مشترك باخبار الراي والخدمه على كلامهم مجانيه دقيت اليوم ولا علي 60 دينار فاتوره اضافيه وقالولي بيشيلونها يوم الاحد ..

نفس الشي صار معاي ونفس المبلغ..طبعا 60 دينار خلال 24 ساعه كلها محسوبه رسائل sms

 

[علي علي]

السلام عليكم

اولا انا بصراحة استغرب من اغلب الاخوان مشتركي زين وللعلم

هذي الشكاوى من سنين وموضوع الفواتير الشهرية المبالغ فيها

وبعض النهب من طرف شركة زين .. استغرب صراحة من عدم انسحاب

كل من يعاني من نصب ونهب من خلال الابتزاز المتواصل من الشركة

كما ذكر بعض الاخوان ان كثير من العملاء لا يراقبون فواتيرهم ويدفعون

مرغمين بدون عوار راس .

يشهد الله ان ليس لي اي مصلحة من خلال طرح رايي الشخصي

والمتمثل بترك هذه الشركة ما دام الخيارت موجودة .

انا شخصيا من عملاء الوطنية وفاتورتي قبل تشغيل فيفا كانت بحدود

30 دينار شهريا والان بحدود 15 ولم الحظ اي مبالغة بسعر الفاتورة الا ما

ندر طبعا لا تخلو من بعض محاولات الابتزاز اللي تمارسها زين كما ذكرت

ولكن بعد ان اتصل بهم واستفسر عن بعض المبالغات بالفاتورة ترجع

الامور كما كانت بمعدلها الشهري ( يعني يستحون على وجيههم وعندهم

دم ) مو عمك اصمخ مثل زين .

نصيحتي من قلبي وما دفعني للكتابة وما يعانيه اغلب الاخوة عملاء زين

هو بكل بساطه التوجه للخياران الآخران وتجربتهم بدل الاستمرار على

مضض مع خدمتهم الممتازة ( ما تكمل 4 دقايق الا فاصل الخط )

أحترامي لجميع الآراء وتعاطفي مع كل من يعاني تعاسة الخدمة زائد

الابتزاز الراقي من زين .

تحياتي للجميع ​

 

[بومحمد٣٣]

انا نفس الطرقة زايديني 60 دينار وقالوا بشيلونها يوم الاحد ان شاء الله