الاخ العزيز بوفيونه اتمنى تكون التوكيلات باسمك انت مو باسم الاخ بدر العجمي لانه جميع من في الموقع لايعرفون عنه شي مع احترامنا الشديد لشخصه الكريم
هذا الشخص لم يكن بيوم من الايام مدير عام الشركه ولكن كان موظف من قبل وزارة الشئون للتفتيش على شركة الابراج وتسليم الرواتب وفجأه تحول الى موظف في شركة الابراج ولما بدأت مشاكل الرواتب مع العمال كان هو من يتستر على الابراج ...... الكلام واجد ياجماعه وما ودي اخوض فيها لكن مهما كانت دوافع الاخ بدر ومشاكله اللي صارت في اخر الايام مع مجلس الاداره وتعارض المصالح معاهم وسكوته عن الرواتب الضخمه للحمادي وغيره وفجأه توه يتكلم....... انا ودي اتكلم عن المشاكل الحاليه والتجمع اللي صاير او اللي راح يصير لان المصلحة مشتركه للجميع لنا كصغار مستثمرين ولك يا اخ بدر مهما كانت اسبابك .... ولكن انا انصح الاخوان يعطون توكيل حق واحد منهم يتكلم باسمهم وتقدر يا اخ بدر توجهه على الطريق الصحيح اذا كنت عارفه وانا عن نفسي ارشح بوفيونه لقيادة هذا التجمع ويعلم الله اني ماعرف بوفيونه ولا شفته لكني اشوفه اكثر واحد يتحرك بهالموضوع........... تحياتي لكم جميعا ... وهذي اول مشاركه اشارك فيها ولكني متابع جيد لصفحة ابراج ............ صدقوني اللي المكتوب لازم نشوفه جميعا ولاراح نغير شي منه
كلام منطقي لازم اللي يمثلكم من بره الشركه وهذي للمصلحه العامه وعدم الانحياز لاي طرف ودمتم سالمين
الله يعطيك العافية يابوفيونة على مجهودك الواضح لخدمة المساهمين وراح نتواجد بالموعد المحدد بإذن الله تعالى ونتمنى من الاخ بدر العجمي احضار نسخة من الشكاوي المقدمة الى وزارة التجارة ومجلس الامة ووزارة الداخلية بالاضافة الى توكيل بسام المطوع للتصرف في اسهمه وتوكيلات المساهمين لاطلاع المساهمين عليها من باب الاطمئنان
الله يجيزكم خير ياأخوان على الثقة الكبيرة والكلام الطيب. ياجماعة الخير خلونا بالأول نجتمع مع بعض وأتمنى إن الأخ بدر العجمي يشاركنا الإجتماع, ونضع الآلية المناسبة لتحركاتنا وبعدها نقرر طريقة تمثيلنا أمام الجهات المعنية.