كيفية الاكتتاب في بنك الريان القطري

[المهذب2]

انا من وجهت نظري انك تروح تكتتب لأن لو فرضنا اعطوك علي كل جواز 200 سهم في 10 جوازات راح يطلعلك 2000 سهم وأقل بنك قيمة في بورصة قطر 130 ريال لو فرضنا ينزل قيمة البنك الريان 50 ريال .
50×2000= 100000 ريال




تحياتي

 

[mutiran]

الحياة تجارب

انا من وجهت نظري انك تروح تكتتب لأن لو فرضنا اعطوك علي كل جواز 200 سهم في 10 جوازات راح يطلعلك 2000 سهم وأقل بنك قيمة في بورصة قطر 130 ريال لو فرضنا ينزل قيمة البنك الريان 50 ريال .
50×2000= 100000 ريال




تحياتي

السلام عليكم وصبحكم الله بالخير ---اضم صوتى مع الاخ المهذب2 لانه كلامه منطقى وعقلانى --وياخوى ترى الدنيا تجارب وصدقنى ماكو خساره---الا اللهم التعب اذا ماعندك مقاقه--اما اذا انت شقردى راح تاخذها فسحه

 

[جرير]

انا من وجهت نظري انك تروح تكتتب لأن لو فرضنا اعطوك علي كل جواز 200 سهم في 10 جوازات راح يطلعلك 2000 سهم وأقل بنك قيمة في بورصة قطر 130 ريال لو فرضنا ينزل قيمة البنك الريان 50 ريال .
50×2000= 100000 ريال




تحياتي

يااعيني عليك جذي نورت الرجاال

عطااك الحسبه ميه ميه ماتخوورش الميه

شمقعدك ياا اخوي اعقلها وتوكل​

 

[مهندسجي اسهم]

بيع الجوازات على المكاتب اللي يشترون على 60 و راح اتكون ربحان 300 دينار+عناء السفر ومصاريفه و ريح بالك ربح 300 دينار بارده مبرده ولا تقعد اتحاتي واتفكر..............بعدين ترى كل الكويت رايحين قطر الكويتيين اللي مساهمين اكثر من القطريين:> يعني ما تسوى................مع ان 10 جوازات شغله مغريه ........بس تدري شلون روح يبه منت خسران شي ما تدري لو السهم يحلق في سماء البورصه القطريه:> نفس بيتك قبل

 

[q8 investor]

خل نحسب مصاريف السفر وشراء الاسهم والجوازات وبعدين نمشى على كلام المهدب 2 ونفترض تخصيص 200 سهم لكل جواز

سعر الاكتتاب بالحد الادنى 10*86=860دينار ( حسبه 200 سهم فقط)
مصاريف التدكره مع السكن مثل ما انت متوقع 400 دينار
شراء جوازات 300 دينار
المجموع=1560 دينار
بيع الاسهم 2000*4 دنانير لكل سهم (50 ريال)=8000دينار
اقولك شى تبيعنى تدكرتك على اللوفتهانزا

 

[Moshaks_777]

بموقع بنك الريان بصفحة تقديم الطلب في خيار صندوق البريد (( شحط ))

ماعندي صندوق بريد احط عنواني عادي ولا شحط

 

[ابوسالم]

الاخ Moshaks_777
يجب عليك ان تضع صندوق بريد حتى لو وضعت صندوق بريد احد اصدقائك , حيث ان شهادات التخصيص وشيك الفائض لن يتم توزيعها الا بواسطة صندوق البريد وسوف تضمن لك السرعة وعدم الدخول في توهان السفر مرة اخرى .
تقبل تحياتي

 

[faqeer]

زين يا جماعه شلون على الرمز البريدي؟؟!!!
هل يكون في نفس الخانه و الا لها مكان اخر ؟؟
و بالنسبه لو صار فيه اي خطأ و انا هناك .. هل لازم اكتب في طلب جديد و اهما يعدلون على نفس الطلب ؟؟

 

[bo_ahamad]

شباب جم ساعة من الكويت لي قطر بالسيارة؟ وتقريبا جم كيلو؟

 

[bu_nawaf]

662km من الحدود ودربك خضر ان شا الله

 

[Moshaks_777]

الاخ Moshaks_777
يجب عليك ان تضع صندوق بريد حتى لو وضعت صندوق بريد احد اصدقائك , حيث ان شهادات التخصيص وشيك الفائض لن يتم توزيعها الا بواسطة صندوق البريد وسوف تضمن لك السرعة وعدم الدخول في توهان السفر مرة اخرى .
تقبل تحياتي

عساك على القوه يا ابوسالم


تحياتي لك

 

[bu_nawaf]

زيدهم المسافه من الحدود القطريه للملعب ما انتبهت لها بس حوالى 80/90 كيلو اجمالى الرحله 7 ساعات بس مو خلال الويك اند؟؟؟؟

 

[Mohammadd]

زيدهم المسافه من الحدود القطريه للملعب ما انتبهت لها بس حوالى 80/90 كيلو اجمالى الرحله 7 ساعات بس مو خلال الويك اند؟؟؟؟

مشكور على المعلومه

 

[Mohammadd]

والدمج سئلت المسؤل بقاعه الاكتتاب وقالي جيب وكاله عن كل شخص ويدمجون الاسهم كلهم معاك

فيه احد يعرف صيغة التوكيل ؟

 

[pilot35]

تسواء اخوي توكل على الله

 

[yousifXP]

بس يا جماعه ما اعتقد يوزعون 200سهم, انا اعتقد بس 80 لان المكتتبين وايد وكل واحد يايب جوازات وايد معاه

 

[q8 investor]

بس يا جماعه ما اعتقد يوزعون 200سهم, انا اعتقد بس 80 لان المكتتبين وايد وكل واحد يايب جوازات وايد معاه

ماشى خلنا نقول 80 سهم وهدا اضعف الايمان ..نحسب ونشوف
سعر البطاقات 10*34 وربع=342ونصف دينار (80 سهم كل جواز)
مصاريف سكن وسفر وشراع جوازات 700 دينار
المجموع =1042ونص دينار
بيع الاسهم 800 *3 (على حسبه 40 ريال )=2400 دينار
تدرى شلون هم اقول تبيعنى تدكره اللوفتهانزا

 

[jassem777]

ازلقها اذا عطوك 50 سهم

ريح بالك

 

[stillhamad]

السلام عليكم


فعلا من استشار ما خاب

انشاء الله سوف أعمل بنصائحكم التي تكاد تكون شبه مجمعه علي أفضلية الأكتتاب وعدم تفويت الفرصه علي الرغم من كل المحبطات .. وسأعقلها وأتوكل والله الموفق


أما بالنسبه للأخ جاسم يا أخي ليش السوداويه .. وليش تضيقها وهي وسيعه .. ما سمعت اللي يقول أطش الفنجال وأشرب البياله طيبن وأحب سلوم الطيبييني وما سمعت سندريلا الشاشه العربيه وهي تنشد (( الدنيا ربيع والجو بديع ولحق علي اكتتاب الريان قبل لا يقفل ويضيع ))

قبلات بالجمله لوجنات المتداخلين جميعا و بلا استثناء

السلام ختام

 

[browser]

سلام عليكم ,,,

انا حاليا (الثلاثاء الفجر ) قاعد اكتب من غرفتي في الفندق وصلت اليوم و توجهت الى الملعب ( موقع الاكتتاب ) و للأسف الشديد انصدمت من حجم و اعداد البشر ( خاصه السعوديين ) , التنظيم أكثر من ممتاز لكن العدد يفوق أي قوة تنظيمية بالعالم ! و خذ طبعا عقليات الناس اللي ما تقرا و لا تسمع أي توجيهات , عادي تلقى ناس نايمة عند الباب عشان ارقام !!, وصلت عطوني رقم 21 ألف و شي ( طبعا تصف في دور طوله 50 متر عشان تاخذ رقم ) رقمي كان 21 ألف و مادري كم , و المنظمين ينادون أرقام 15 ألف يعني الفرق كان 6 آلاف !!! و الرقم وصل الى 16 ألف و تم اغلاق الباب اليوم الساعة 8 مساء . يعني باجر الله يستر و يمشون 6 الاف واحد قبلي ( اشكرى بشتري رقم باجر ) !! لا و توزيع الارقام وقف العصر ماقاموا يوزعون !!
طبعا رجعت الفندق و نمت و توني قاعد , احاتي باكر طيارتي امدد اخاف ما يمديني اكتتب , لكن الله كريم و يسهلها باذنه .
المنظمين يقولون ان اليوم كان ازحم يوم و الاعداد كلمالها و تتزايد , و الاكتتاب يخلص يوم الاحد الساعة 1 الظهر يعني الله يكون بعون اللي بيي العطلة الجاية !!
اما بالنسبة للشيك جيب معاك شيك مصدق واحد فقط كافي لكل الجوازات اللي معاك و تخلص اسرع , و جيب معاك 3495649876598347659843 جواز محد يقولك لا و من غير توكيل ! اليوم واحد سعودي دش عليهم معاه اكثر من 400 جواز مشوه بس قعد له 5 ساعات يدخل بيانات !!
الوضع بشكل عام متعب جدا و الجو العام مزدحم و قمته و لوعت جبد !

الصراحة لو اني مو دافع تذكرة و فندق جان رجعت الكويت ما تسوة العنوة ابدا , بعدين الناس قاعدة تتكلم عن سعر البنك وقت الادراج بسعر خيالي وايد عندنا بالكويت !! الكل في قطر يتكلم عن 25 او 20 ريال فقط وقت الادراج , انا قاعد اقرا ناس تقول 130 ريال عندنا بالكويت !!!!!!!!!!!

ما اتوقع ابدا !!


اما الوضع هني , و الله لو انهم يوزعون فلوس ببلاش على الناس جان ما صارت جذي زحمة !


و نصيحة اخو , اشتر ارقام لا تصف بالدور تنطر رقم !!


الارقام اسعارها ( طبعا اذا صادوك تشتري او تبيع تروح فيها ) من 500 الى 3000 ريال على حسب قرب الرقم !!


حتى الارقام اللي طايفة تنباع !!!!



المهم انا الحين على قمة جبل الاحباط ياجماعة ادعولي الله يسهل علي باجر لو حتى الله يكرمني بواحد و اشتري منه رقم قريب !!