حصري موضوع كامل عن جهاز E-go مشاكله وحلوله .

[adelq8stock]

السلام عليكم

ماهي طريقة كونفقريشن للجهاز مع كمبيوتر فيه نظام التشغيل "فيستا"؟
ما يشتغل الا مع xp

وشكرا

 

[mxxy]

السلام عليكم

ماهي طريقة كونفقريشن للجهاز مع كمبيوتر فيه نظام التشغيل "فيستا"؟
ما يشتغل الا مع xp

وشكرا

اخي انت تتكلم بالضبط عن اي جهاز ... إيذا قصدك جهاز الايجو مع الفيستا فإن شاء الله راح يتم حل المشكلة غريبا أيام معدووده

 

[SMoOoKY]

قاروه اعترف
شكله قبل لا تضغط انتر تفتح الصفحه
وانا كل ما ادق عليهم
واير التلفون طويل ؟؟
ما يصير تشبك وايد يحتر الموديم
وطبعا شبه يومي عندهم خلل..!!



قاروه
تسلفني إشتراكك

الغالي بو علي اشتراك اخونا قاروه يفتح الصفحه على النيه قبل لاتسوي كلك

 

[adelq8stock]

اخي انت تتكلم بالضبط عن اي جهاز ... إيذا قصدك جهاز الايجو مع الفيستا فإن شاء الله راح يتم حل المشكلة غريبا أيام معدووده

نعم الايجو ، لكن وين المشكلة ؟وليش الامر يحتاج ايام ؟!

شكرا

 

[mxxy]

نعم الايجو ، لكن وين المشكلة ؟وليش الامر يحتاج ايام ؟!

شكرا

هههه اخي المشكلة شرحها بجملة وله بجملتين صعب وايد لكن بخترصها , اولا جهاز ايجو مايعتمد على السيدي يعتمد على استخدام منفذ بالجهاز ينقل ملفات التعريف من الايجو إلى الكمبيوتر وهذا ينفع لنظام 2000 و اكس بي لكن فيستا يمنعه لان نظام سكيرتي فيه متطور وعالي جدا جدا والحل شوي معقد لكن في واحد شاب احتمال ان يسوي شرح بالفيديو وتنزل بالاسواق لشرح الطريقة لكن قاعدين يحاولون انهم يطورون الشغله هذه ويختصرون الطريج اب برنامج ونشالله في حل عن قريب ولاتخافون في حل في حل وماراح يتعدى الشهر ان شاء الله لاحظ ان نظام الايجو هو الناجح تردون ليش لان يعتمد على صنع ملف اتصال مثل تليفون البيت لكن طبعا سرعه بآلف المرات افضل لذلك وندوز فيستا يفضل ان الواحد يشبك عن طريق صنع ملف كونيشكن مثل تليفون البيت لذلك مافي مشاكل وله يقطع إلخ لكن الوايرلس فيه مشاكل ومشاكلة حلها يكون بالفورمات مع الاسف . الحين يطلع واحد يطفر ويقول وندوز فيستا مو زين وفاشل اقوله ترى نسخة وندوز فيستا ب 75 دينار كويتي ويابان شرته من بلجيتس بملاين الدولارات بل وبل جيتس ثباته صار اقوى يعني قصدي بعد طرح وندوز فيستا زادو فلوسه 7 مليار بالرغم من ان دفع 37 مليار من جم شهر الله يجزيه خير . لوول مو جني دخلت أب مواضيع مالها اول وله تالي اقوول مع السلامه باجر عندي مدرسة

 

[وليد السعيدي]

شاكرلك اخوي على الموضوووع

؟؟ ياليتني قريت مشاركتك هذي قبل لا اشترك وياهم في هذي الخدعة على قولتك؟؟

وللحين سرعتها تقريبا مثل سرعة الاشتراكات العادية ( كيو ايت - فاست تلكو ) والظاهر اني راح اشتكي عليهم في حماية المستهلك ؟

 

[mxxy]

شاكرلك اخوي على الموضوووع

؟؟ ياليتني قريت مشاركتك هذي قبل لا اشترك وياهم في هذي الخدعة على قولتك؟؟

وللحين سرعتها تقريبا مثل سرعة الاشتراكات العادية ( كيو ايت - فاست تلكو ) والظاهر اني راح اشتكي عليهم في حماية المستهلك ؟

مع الاسف مادري منو الي نقل موضوعي الخاص وحطه بالقسم هذا الله يسامحه !!!؟؟؟

أخوي اي كيو ايت اي فاست تلكو خلي يولون زين - وربي جهاز إجو تاخذه وانت واقف سرعة توصل 200 ووصلت معا 375 كيلو بات بالثانيه يعني 3.7 مو 3.6 مثل ما مكتوب بالاتصال نفسه كل شهر 20 دينار والجهاز ب 60 دنار وعيش !!؟ وله الوطنية قمته 135 واكثر من واحد يشبك وهمه يوصلونه لك البت وكل شهر 28 دينار بس سرعة اقل من الايجو وشكرا لك

 

[mxxy]

[/COLOR]


اختلف معاك اخي العزيز في هل نقطه انا من سكان الروضه ما في اي مشاكل وحتى بالسرداب ما في مشاكل

أتصيب مره مرتين لكن انه وكل الي اعرفهم بالروضه يشتكوون واايد واايد من الوطنية والمهندسين جم مره يو الروضه

 

[mxxy]

المشاركة - تجديد

بسم الله الرحمن الرحيم​

الي يبي الموضوع الأصلي ولي فيه الشرح والمعلومات والبرامج الي تسرع أي أتصال ومراقبة سرعتها وبالاخص جهاز ال e-GO خلي يدخل على هذا الرابط

http://www.indexsignal.com/vb/showthread.php?t=65787&page=11

موضوع عن جهاز الايجو + الشرح + النصائح حول الاستخدام + تسريع برامج إضافيه

 

[mxxy]

السلام عليكم ............

ذهبت اليوم للأشتراك بهذة الخدعة ( الخدمة ) التي تطلق عليها الـ MTC خدمة الـ E-Go ... وبعد توقيع العقد الذي ينص على الزامي بدفع 20 دينار نظير هذة الخدعة التي يقال بأنها تصل الى قرابة 3.6 ميجا كسرعة رهيبة تغطي على أي سرعة معلومة في الكويت . فوجئت بأنها من أبطء اللأشتراكات و اليكم الأسباب :-


1) هذة الشبكة تعمل على تغطية الشركة لخدمة الـ 3G ففي حين ضعف هذة الشبكة أو الضغط عليها تتحول الى خدمة قديمة أسمها الـ EDGE

2) القطعة تحتاج الى مخرجين لل USB لكي تعمل وهي مصنوعة في الصين !
MADE IN CHINA وهنا يكمن سر رخص القطعة عند الشراء فهي تكلف 60 دينارا فقط .

3) كل ما سبق ذكرة والله مو هامني الي باط جبدي الحوار الي دار بيني وبين موظف 107 !

Chess: الو مساء الخير أخوي
107 : مساء الورد معاك فلان الفلاني وقال رقم مادري والله جم
Chess: عفوا أخوي أنا أشتركت وياكم في الخدمة اليديدة E-Go مادري ليش بس يعطيني Edge ما يشتغل 3G !
107 : عفوا أخوي أنتا في أي منطقة ؟
Chess: صباح السالم .
107 : غريبة أهناك فية تغطية حق الـ 3G
Chess: يعطيني 3G مو ما يعطيني بس حدها ضعيفة شخطة وحدة بس - وفي هذي الحالة ما يعطي أرسال ولا أستقبال !
107 : أيه أخوي خلها على الـ EDGE
Chess: الحين انا مشترك 3G اب 20 دينار عشان أشغلها EDGE !? جان أشتركت اب 9 دنانير أحسنلي !
107 : ايه خوي اليوم والله عندنا " لود "
Chess: " لود " ؟!
107 : اية خوي ظغط على الشبكة
Chess: انزين لي متى ظغط عالشبكة
107 : يعني خلة على ال AUTO يمكن يشبك معاك
Chess: على الـ AUTO - ايه خير ان شاء الله
107 : يعني جرب فوق الساعة 12
Chess: وكل يوم على هالحال بالله ؟ّ
107 : لا بس تدري ظغط الشبكة وجذية لو عند مشكلة ابتعريف القطعة أوشي كان ممكن انساعدك بس الشي مو بيدنا
Chess: ايه خوش عيل - مشكور
107 : تامر ابشي ثاني ؟
Chess: لا سلامتك - مشكور
107 : شاكرلك اتصالك .


و يكون ابعلمكم أخواني ان من بنود العقد انك ملزم تدفع هل 20 دينار لمدة سنة كاملة أو انك تلغي العقد عقب ما تدفع 55 دينار !!!

نصب في نصب !! و أترك لكم التعليق!!

تعليق - --- ---- اخوي اولا الوصلة تشتغل على منفذ واحد الواير الثاني أحتياط + انت كان يفترض عليك ماتحطها على أوتو لا لازم تخليها فقط 3g وشكرا

 

[Abdulazeez]

مع الاسف ماتحبون تقرون وايد - فوق اني سويت شرح كامل من البداية هم بعد مو مقتنعين ياجماعة الخير بختصار بختصار لو تبي تعرف ان المكان الي راح تقعد في شبكة ال 3g قويه سهله ومايبيلها شي - مطلوب منك أي جهاز نوكيا حديث شوي + خط أم تي سي _ غير اعداد الشبكة الي فيه وخله بدال gsm أو مزدوج = 3g يعني خله على شبكة ال 3g وراح يطلب منك إعادة تشغيل الجهاز أعد تشغيل الجهاز وشوف السيرفس عندك إيذا كان فل يعني كامل معناة راح تستخدم جهاز ego بشكل مممتاز وبله تعليق معارض على كلامي -- ويذا كان يعني اربع نقاط معناة جيد جدا - من المحتمل انك مافهمت كلامي مو مشكلة دق 107 وكلمهم وخلهم يعلمونك شلون تخلي شبكة جهازك على 3g او أستخدم خدمة ال فيديوكول وهي يعني الاثنين يتكلمون مع بعض لو نجحت معاك ومايقطع معناة اوكي .

خلني أعلق على كلامك أنت كلامك نوعا ما صح لكن في شغله لازم تعرفه انه اعتقد ان الريال ساكن في منطقه غير منطقة محل الام تيسي ؟ يعني احتمال يروح وتتطلع عند الام تي سي اوكي ونمه يرجع البيت يشوف ان السيرفس نقطه او نقطتين ويتهوج على رووحه .

خلني انا أعلق على كلامك أخوي

أعتقد كل المناطق السكنيه فيها تغطيه وأنا نصحته أنه يجرب بنفسه عندهم ويقرر ، وما أعتقد لو إشترك بالخدمه وما عجبه شي أن في أحد بالمنتدى الشركه راح يرد له فلوسه كلها ويدفع الـ 50 دينار بداله .

أنا ما ذميت ولا رفعت بالشركه موليه (( يقولون التجربه خير برهان )) وما اعتقد أن بأحد مباني وفروع الإتصالات ما فيها تغطيه او حتى المناطق .

أما سالفه 3G فأنا مجربها من زمان وبعض المرات ما تشتغل ومجبور ترد وتحول على شبكه الجي إس إم العاديه .. وأتصل عليهم وتأكد من كلامي .

والله أعلم

 

[bu3teeg72]

والله انا شرحت اللي صار ويجوز ان الرجال واصلته معلومات خطأ بس هو ما قال الكلام هذا الا وهو متأكد منه

بالتأكيد واصلته معلومة غلط مثل ما تفضلت و الأفضل إنه يتصل على ادارة الشبكات عنده بالشركة و يتأكد منهم لأني أنا متأكد من كلامي 100%.

 

[Robben]

سؤال مهم لو سمحت

موضوع عن جهاز الايجو + الشرح + النصائح حول الاستخدام + تسريع برامج إضافيه

عزيزي ، أنا مبتدئ وعندي سؤال معلش استحملني ، بخصوص الأيقو :
1- يصير يشتغل على كمبيوتر عادي مو لاب توب وهل له تأثير على السرعة.
2- اقدر استعمل برامج مثل ( Kazaa , frostwire ) يعني torrent or p2p ، وهل التنزيل يكون سريع ولا عادي على هذا النوع من البرامج .

والشكر في كل الأحوال .

 

[mxxy]

عزيزي ، أنا مبتدئ وعندي سؤال معلش استحملني ، بخصوص الأيقو :
1- يصير يشتغل على كمبيوتر عادي مو لاب توب وهل له تأثير على السرعة.
2- اقدر استعمل برامج مثل ( Kazaa , frostwire ) يعني torrent or p2p ، وهل التنزيل يكون سريع ولا عادي على هذا النوع من البرامج .

والشكر في كل الأحوال .

اولا شاكر لك على مشاركتك ثانيا إليك الاجوبه

ج- اي نعم يصير تشغل الايجو على الكمبيوتر ونفس السرعة وبدون مشاكل لكن حق الاب توب وصلة وحده أما الكمبيوتر وصلتين وهمه طبعا يعطونك أياها بختصار يعني يصير ومثل الاب توب

ج2- اي تقدر تستعمل كل هذه البرامج لكن بطيئ !! لكن مو على كل جهاز بطيئ وجهاز الاجو ماله شغل بالطبئ هذا إليك أسباب بطئ برامج الكازا والدونكي والتورنت .. أخي كلما زادت حماية جهازك وكلما كانت نسختك أصلية والحماية شاملة والمنافذ عندك مسكرة زادت بطئ برامج التورنت والكازا وغيره -- لاحظ السرعة سريعه السرعه سريعه جدا جدا وبشكل محد يتخيله لكن بالبرامج هذه لا بطيئه بفرض ان انت توك مفرمت الجهاز وماحطيت حماية وله سكرت البورتات وجهازك متلخلخ يعني رايح فيها تلاحظ ان برامج الكازا والتورنت سريعه جدا وعلى فكرة هذه ماتتوقف على جهاز الاجو بل كل الاتصالات يعني حتى لو اشتركت من الكوالتي نت حتى لو رحت ستار كافيه كله نفس الشي مثلا عندك برامج ftp تعتمد على منفذ رقمه 21 انه عن نفسي جهازي محمي بشكل ماتتصوره المنافذ كلها مسكرة نسبة الحماية 100% علشان جذي السرعه تكون بطيئه بالرفع

ملاحظة انه اتكلم عن برامج الكازا والتورنت والدونكي وغيره , سرعة الانترنت بالدوانلود مالها شغل أبدا بالموضوع والمعلومة عامه وشكرا لك

 

[Robben]

مشكور عزيزي ماقصرت ، جوابك كافي وافي .

 

[mxxy]

مشكور عزيزي ماقصرت ، جوابك كافي وافي .

عــفــوا

 

[دينار كويتى]

السلام عليكم ورحمة الله وبركاته

اليوم اول مره أجرب الـ E-go ولقيتها ممتازه حتى الآن والسرعه 3.6 .

 

[mxxy]

السلام عليكم ورحمة الله وبركاته

اليوم اول مره أجرب الـ E-go ولقيتها ممتازه حتى الآن والسرعه 3.6 .

أسكت يامعود لا يقولون متفق وياك تقوول هالكلام بعد ههههه

ما شاء الله , والله تمام إيذا عندك ثابته 3.6 بس اخوي ممكن سؤال انت وين ساكن ؟؟

 

[دينار كويتى]

السلام عليكم ورحمة الله وبركاته

ساكن بالفردوس وأسأل الله ان يسكنا وياك واخواننا المسلمين بفردوس الجنه ان شاء الله .

وترى مافيه اى اتفاق انا انقل لكم تجربتى مع الخدمه .
والحمد لله اليوم الثانى ايضا ممتازه .

وبالتوفيق للجميع

 

[mxxy]

السلام عليكم ورحمة الله وبركاته

ساكن بالفردوس وأسأل الله ان يسكنا وياك واخواننا المسلمين بفردوس الجنه ان شاء الله .

وترى مافيه اى اتفاق انا انقل لكم تجربتى مع الخدمه .
والحمد لله اليوم الثانى ايضا ممتازه .

وبالتوفيق للجميع

آمين لجميع المسلمين

شكرا لردك