شركة القرين لصناعة الكيماويات البترولية (القرين)

[alashum]

يعطيكم العافيه انا حاطه بالمبيت ماطلعه الا في شهر ابريل 2008

 

[وحش السوق]

وصلت خير لاكن في مجاميع شغاله ضد الثانيه وكل مجموعه بتلم اكثر على اقل سعر ممكن

+ من الكميات الي انباعت امس والي قبله كثير من المحافظ اقتنعت ان القط خفيف جدا على السهم

يسلم فمك (بالمصرى)

 

[bo fawaz]

احب اقولكم شئ..انتم غافلين عنه..ماسألتوو نفسك ليش نزل السهم على 360 فلس..عشان التجار يلمون براحتهم ليما يوصل السعر 600 واهم اكتفووو باللم..


طبعا هذا خططهم..لأنهم حاسبين حسابهم انهم ماراح يحصلون السهم بهالسعر..بس الناس راح يشوفون السهم كل يوم حد اعلى وعلى بالهم اذا وصل السعر انهم سحبوو التجار..والعكس صحيح..انا اقول السهم استثماري يا اخوان وخلونا احنا اللي نسحبهم لفووووق وماعندهم وقت شهر 11 وقت الكراسي..وهذا من صالحنا



ودمتم

بارك الله فيه اخوى سوالف هذا الكلام المضبوط

 

[قاروه]

يسلم فمك (بالمصرى)

تأبرني خيو

 

[q8ii]

السهم رايح فوق الدينار

بورصة الأخبار / طلب جنوني على «القرين»: الصراع اشتعل!
كتب علاء السمان: ارتفع سهم القرين للصناعات الكيماوية لليوم الثاني على التوالي بعد ادراجه في السوق اعتبارا من الاثنين الماضي. وتوجه جموع صغار المساهمين الى قاعات التداول من اجل بيع ما لديهم من كميات محدودة الا ان استمرار عمليات الشراء المكثفة جعل مئات المساهمين يتراجعون عن قراراتهم خاصة بعد ان ارتفع السهم الى الحد الاعلى عند مستوى 410 فلوس. ولفت الانتباه الطلب المكثف على السهم الذي بلغت كميته في بعض اوقات التداول الى حوالي 285 مليون سهم ذلك بالحد الاعلى. واكدت مصادر مطلعة في تصريح خاص لـ «الراي» ان مجموعتين استثماريتين قامتا بشراء غالبية الكمية المتداولة امس والتي تبلغ 4.260 مليون سهم فيما اشارت المصادر الى ان احدى المجموعتين استخدمت برنامجاً الكترونياً يكرر اوامر الشراء لاكثر من مرة خلال الثانية الواحدة لحصد اية كمية تعرض في سوق الكسور خلال لحظات . في الوقت نفسه حاولت العديد من الجهات اقتناص فرصة للشراء ولكن دون جدوى.
وقالت المصادر ان ما تشهده اسهم الشركة في السوق حاليا ما هو الا بوادر صراع واضح بين اكثر من طرف للاستحواذ على حصص مؤثرة من رأسمال «القرين».
وعلى صعيد متصل تحدثت مصادر مطلعة عن المشاريع المستقبلية للشركة حيث اكدت ان القرين تستعد لاطلاق عدد من المشاريع المهمة خلال المرحلة منوهة ان حجمها يقدر بالمليارات فيما توقعت المصادر ان تكشف الشركة عن الخطوط العريضة لهذه الفرص خلال فترة وجيزة.
ولفتت المصادر الى مساعي الشركة للتوسع خارج السوق الكويتي من خلال تأسيس شركات ومكاتب تمثيلية لها في اسواق عالمية فيما اشارت الى ان الشركة بصدد دراسة اكثر من فرصة حاليا.

 

[أبو عمر]

يعطيك العافيه اخوى قاروه

يعنى توقعاتك الناس تبتدى تبيع اذا انخفس الطلب أكثر السبت ؟

عنى شخصياُ.. أنا شراى مو بايع أقل من دينار

 

[rakan_yes]

القرين ليست للبيع

حديد يا القرين

لليوم الثالث على التوالى

اللهم زيد وبارك




نعمممممم صح صح


حديد حديد والله يوفقنا وايااكم


ياجمااعه
ظهرت الرؤيااا اخير


المصادر وربي موثوووووووقه

راس كبير بالفحيحيل يلم بشكل مو طبيعي يبي يوصل لعدد معين واهو لحد الحين ماوصل 10 بالميه من الي يطمح له

والراااس الثااني الي على قولتهم يخوووف يبي السهم لو يوووصل لاي حد مايهمه


واكبر دليل تصريح اليوم بجريدة الوطن او الرئي العام والله اني ناسي من كثر الجرايد الي قريتها

المهم


اعتقادي
ان السهم راح ينزل ولاكن مو اكيد لان الناس ماصدقت لمت الي تلم ولايمكن انها تفرط فيه الا اذ اتفقوا
وانتوا تعرفون ان التجاار لايتفقوون بموضووع الفلوووس
والله اعلم


شعاارنا


القرين ليست للبيع


الى >>>>>>>>1kd



الصمود يعني رفع السهم لاعلى مستوايااته



اخوكم
ابو راشد​

 

[قاروه]

يعطيك العافيه اخوى قاروه

يعنى توقعاتك الناس تبتدى تبيع اذا انخفس الطلب أكثر السبت ؟

عنى شخصياُ.. أنا شراى مو بايع أقل من دينار

الناس راح تبدي تبيع اذا شافت السهم معروض

وهالشي المحافظ ودها فيه من اول يوم ادراج

لاكن بنفس الوقت هالكلام يضرب مصالح المحافظ والمجاميع

لان مثل ما ذكرت لك الشاطر منهم الي يجمع اكبر كميه على اقل سعر


كنا نسمع شركه او مجموعه تستحوذ على شركه ثانيه
فمابالك بكذا مجموعه يستحوذون بنفس الوقت على شركه وحده ؟

 

[أبو عمر]

مشرفنا العزيز قاروه
مشكور على التوضيح طال عمرك

 

[قاروه]

مشرفنا العزيز قاروه
مشكور على التوضيح طال عمرك

بالخدمه ياخوي

وعزيز وغالي

 

[al-abdli]

al-qurain

خلوكم متماسكين ومن صبر قدر ليمتى وأحنا قاعدين على رحمة التجار
علموهم ان الرحمه من رب العالمين
كفو يا ملاك القرين
الله الرازق وماغيره احد
وقول الشاعر :

شربك على ادين الرجال هماج

خلوا التجار يشربون من ادينكم ليمتى يتحكمون فينا



وسلام.............

نعم يقول الشاعر :

إن كان مالك من ذراعك نجده

شربك على ادين الرجال هماج

 

[Analyst]

بو راشد ؟

حديد يا القرين

لليوم الثالث على التوالى

اللهم زيد وبارك




نعمممممم صح صح


حديد حديد والله يوفقنا وايااكم


ياجمااعه
ظهرت الرؤيااا اخير


المصادر وربي موثوووووووقه

راس كبير بالفحيحيل يلم بشكل مو طبيعي يبي يوصل لعدد معين واهو لحد الحين ماوصل 10 بالميه من الي يطمح له

والراااس الثااني الي على قولتهم يخوووف يبي السهم لو يوووصل لاي حد مايهمه


واكبر دليل تصريح اليوم بجريدة الوطن او الرئي العام والله اني ناسي من كثر الجرايد الي قريتها

المهم


اعتقادي
ان السهم راح ينزل ولاكن مو اكيد لان الناس ماصدقت لمت الي تلم ولايمكن انها تفرط فيه الا اذ اتفقوا
وانتوا تعرفون ان التجاار لايتفقوون بموضووع الفلوووس
والله اعلم


شعاارنا


القرين ليست للبيع


الى >>>>>>>>1kd



الصمود يعني رفع السهم لاعلى مستوايااته



اخوكم
ابو راشد​

بو راشد بمناسبة الأرتفاع الجنوني للسهم عيل ياني السوبر بلاش

 

[على حمد]

السهم ذهبي ذهبي وكل المجاميع طمعانة فيه بس مو لاقين اللي يبيع واغلب عمليات البيع الحالية هي عمليات مضاربة يشترون امس ويبيعون اليوم ولذلك ما فيه عمليات استحواذ حاليا رغم الرغبة الكبيرة لدي المجاميع الاقتصادية .

اذا استمر صمود الملاك حتى نهاية الاسبوع القادم فالسهم رايح يوصح لل700 فلس وال 800 فلس وخصوصا مع نية شركة القرين الاعلان خلال الاسبوعين القادمين عن مشاريع استراتيجية ضخمة راح تشلع بالسهم لأسعار قياسية لن يتخيلها احد .....لكن بس الصبر والتحكم بالاعصاب وعدم الاستعجال في البيع على الاقل لنهاية الشهر .

وتقبلوا تحياتي وبالتوفيق للجميع

 

[kobr]

السلام عليكم الحمد لله الناس خلو التجار يبجون بهالشركه تعمدو نزوله بالصيف والناس حلوها وتعمدو نزوله بسعر نازل والناس ضبطوها انشاء الله دوم لي الدينار وتمسكو على طول الله يوفق الجميع.

 

[BMW2007]

انشالله نشوفه مو700 الا 1500
حتى 1500 شويه بحقه

(والصمووووووود الصموووود)

 

[*أبوعثمان2007*]

الوجه الآخر للتأمل :
السهم يحصله ترفيع في السعر وليس تجميع كما جاء في جريدة الوطن.
من يضمن السيناريو المخيف وهو قلة الطلبات ومن ثم تدافع الناس للبيع إلحق ما تلحق وهذه الطريقه تضمن للتجار الحصول على الكميات التي يريدونها بلا تعب .
والخوف من المضاربين اللي اجمعوا في سوق الجت وأول يوم. وباعتقادي إن التجار أذكياء ولا يرضون بالإهانة ولهم طرق في تصفية الحسابات .

 

[بو سليمان]

اذا المشاريع هي الي داشه حسب علمي ما راح توقف الشراء حتي تبلغ نسبة فوق 40%
لاحظو معظم ملكيات المشاريع بشركاتها دائما فوق 40% و السبب الجماعة ما يحبون يدشون الجمعة العمومية تحت رحمة الاخرين​

 

[ALSERHAN]

ما أعتقد !!

الصراحه لا أعتقد أن فقط تصعيد والنيه واضحه للتجميع والشراء ولكن الأمساك من الملاك هذا ما يوهم بذالك التصعيد على حسب رأيي ونشالله يكون كلامي صحيح...

وراح أنشوفله مرحلة تبدي الناس بالقناعه والبيع وبعدها يحدث الفيضان العكسي بالبيع ...


على قوله عادل إمام : أنـــــــــــــا لا أعــــــتــــــــــقــــــــــــــد..

 

[issa7952]

انشالله نشوفه مو700 الا 1500
حتى 1500 شويه بحقه

(والصمووووووود الصموووود)

تبون الصراحة والله غبي اللي يبيع حتى لو محتاج يتسلف احسن من انه يبيع لا تستبعدون ولا تستغربون انه سهم للقرين يوصل 3000 دنانير الاتصالات والهواتف مو احسن منه والشركة قاعده تشتغل صح بس تبي منكم الصبر عمر للعيلة والتسرع مافادو بشي لكن الصبر وطولة البال اهيه اللي بتطيب خاطركم يكفي ان القران الكريم وصانا بالصبر ومن صبر قدر اللي مفرحني ان الناس واعية حييييييل وشكرا

 

[kappa]

تحية كبيره الى ملاك القرين ..

انا شخصيا لا املك ولا سهم في هذه الشركه ..

لكن اتمنى منهم التمسك بالسهم ..

واتوقع ان السهم راح يوصل الى ال 600 فلس وماراح يتعدى ال 700 فلس

بعدها ربما تبدأ رحلة الهبوط ..

واتمنى من كل قلبي الخير لكل ملاك السهم وانه يوصل اكثر من هالاسعار

لكن كلنا نعرف لو تم بيع كمبيات كبيره راح يتسابق الكل على قط السهم

والله الموفق​