أبشركم : بدأ النزول الفعلي للعقار السكني

[سايق الخير74]

ماعليكم امر ابي واحد يشرح لي اللي بل لون الأحمر

يعني اذا عندك مبلغ كاش + 70 ألف التسليف وبتشتري بيت تروح لإحدي الشركات اللي تمول العقار وتزيدك(مرابحه) والحين تم منع هذا التمويل من جميع الشركات يعني بقى لك كاشك و70 التسليف فقط لاغير.

 

[سايق الخير74]

امين اجمعين

بما انك صاحب مكتب 0 هل النزول ينطبق على الاستثماري00

أخوي بوعبدالمحسن أعتقد هالقرار من صالح العقار الاستثماري لأنه سيولة العقار بالكويت راح تتجه الى الاستثماري بعد منع الشركات من تملك السكن الخاص وإجبارها على بيع ماتملك بالسكن الخاص بمده لاتتجاوز 3 سنين بالاضافه الى انه قرار منع الرهن ينطبق عالسكني فقط.

 

[سايق الخير74]

اخواني امبركو وبومحمد شكرا عالكلام الطيب والله يجزاكم كل خير...إختي (حدي خسرانه) لاتشترين الحين والركاده زينه مو بس بالبورصه حتى بالعقار

 

[ياسر الروقي]

السلام عليكم ورحمة الله
انا اعتقد ان العقار السكني تعرض لضربات خلال فتره زمنيه قصيره بدأت من مشروع قانون يمنع الشركات الاستثماريه من المتاجره بالعقار السكني ثم قرار ازالة الدواوين وانا اعتبرها قصمة ظهر البعير كنا نسمع عن اسعار لمواقع بيوت على ثلاث جهات اسعار خياليه فعلآ واخر الضربات منع البنوك من القروض لاكثر من 50 بالمئه من الراتب وراح يكون الحد الاعلى 30 بالمئه فقط كل هالعوامل ساعدت بتصحيح اسعار العقار وان كان هو بنفسه متضخم لكن الغريب في الامر ان هالاجراءات ما جت الا لما صرفو الهوامير والشركات الاستثماريه الاراضي !!!!!!! سبحان الله وفعلآ ما يصح الا الصحيح والله اني كنت اقول ان اللي يشتري بهل الاسعار مغفل حتى لو مظطر يصبر افضل له لان الوضع ماكان طبيعي والحمد الله على كل حال وشكرآ سايق الخير على الموضوع ​

 

[BO-MUBARAK]

اي ياعمي تعبنا من الاجارات نبي بيوووووووووووووووووووت نسكن وعيالنا ياخذون راحتهم
بالتكسيررررر

 

[*بورصاوي_مبتدأ*]

الله يعطيكم العافية يا اخوان في احد عنده خبر عن سعر الارض في منطقه السره 756 م زاويه تقريبا جم يكون سعرها مع الشكر الجزيل

 

[بوكجلة]

اخوي ما عليك امر جم اسعار الاراضي بشرق القرين؟وشكرا

 

[bensh]

الله يبشرك بالخير

 

[التحليل الفني]

ماعليكم امر ابي واحد يشرح لي اللي بل لون الأحمر

تصدق حتى انا ودي افهم وياك

 

[سايق الخير74]

الله يعطيكم العافية يا اخوان في احد عنده خبر عن سعر الارض في منطقه السره 756 م زاويه تقريبا جم يكون سعرها مع الشكر الجزيل

بحدود 400 ألف أقل أو أكثر بشوي ويعتمد عالقطعه افضل قطعه بالسره 5 وبعدها 4 والباجي أقل.

 

[سايق الخير74]

اخوي ما عليك امر جم اسعار الاراضي بشرق القرين؟وشكرا

اكثر منطقه تضررت بهالقرارات واكثر منطقه انضربت اسعارها اهي شرق القرين وهي عباره عن 3 مناطق اغلاهم المسيله وبعدها الفنيطيس وارخصهم بوفطيره..اسعار بوفطيره أولت العام كانت تبدي من 65 الف وأواخر 2007 ( الذروه) وصلت 170 الف وحاليا معروضين 140 الف وماكو شرايه...هالاسعار المذكوره مساحه 400 متر شارع واحد بوفطيره وسبب ارتفاعها الشركات العقاريه دخلت بقوه عليها تشتري وتبيع (تضارب) وارتفاعها كان غير منطقي ابدا لأنها صحراء مافيها بناء ومحد يدري متى تخلص خدماتها حتى الذيب مايعيش فيها.

 

[jamalll]

وينهم؟

وينه اللي كان يقول العقار ما راح ينزل))

وينه خل يشوف ويقرأ ، كنت اصرخ واقول الاسعار جدا خياليه ولابد من نزولها لكن لاء كانوا معاندين ويقولون راح تصعد اكثر)

 

[سايق الخير74]

تصدق حتى انا ودي افهم وياك

اخوي العزيز اللي بيشتري بيت أو ارض وماعنده فلوس يروح حق وحده من الشركات مثل بيت التمويل..دار الاستثمار..اعيان...او غيرها ويزيدونه فلوس ويشتري العقار بس صدر قرار يمنع الشركات المذكوره من تمويل المواطنين اللي يبون يشترون بيوت وبما إن اغلب المواطنين مايملكون الكاش الكافي لشراء عقار فبالتالي راح تقل السيوله للقطاع السكني وبقوه فبالتالي راح يقل الطلب فبالتالي راح تنزل الاسعار بنسب متفاوته حسب المناطق...يعني باختصار راح ترجع الى اسعار ما قبل 2003 او قريبه منها والله العالم.

 

[jamalll]

اخوي العزيز اللي بيشتري بيت أو ارض وماعنده فلوس يروح حق وحده من الشركات مثل بيت التمويل..دار الاستثمار..اعيان...او غيرها ويزيدونه فلوس ويشتري العقار بس صدر قرار يمنع الشركات المذكوره من تمويل المواطنين اللي يبون يشترون بيوت وبما إن اغلب المواطنين مايملكون الكاش الكافي لشراء عقار فبالتالي راح تقل السيوله للقطاع السكني وبقوه فبالتالي راح يقل الطلب فبالتالي راح تنزل الاسعار بنسب متفاوته حسب المناطق...يعني باختصار راح ترجع الى اسعار ما قبل 2003 او قريبه منها والله العالم.

يا سلام عليك
كلام عقلاني وسليم
تسلم أناملك على هالشرح الواقعي​

 

[ميكانيكي]

اذا انت صاحب مكتب ممكن تذكر لنا الاسعار فى المناطق الداخليه مثل النزهه واليرموك وضاحية عبد الله السالم وبكم اسعار القسائم 750 و1000 اذا مر عليك سعرهم !! وهل هذه الاراضى انزلت اسعارعها ؟؟؟
ايا ليت تجاوب على هذا السؤال
وشكرا ّّّّّ

الخالديه واقطع

اي ياعمي تعبنا من الاجارات نبي بيوووووووووووووووووووت نسكن وعيالنا ياخذون راحتهم
بالتكسيررررر

::verymad::

اخوي العزيز اللي بيشتري بيت أو ارض وماعنده فلوس يروح حق وحده من الشركات مثل بيت التمويل..دار الاستثمار..اعيان...او غيرها ويزيدونه فلوس ويشتري العقار بس صدر قرار يمنع الشركات المذكوره من تمويل المواطنين اللي يبون يشترون بيوت وبما إن اغلب المواطنين مايملكون الكاش الكافي لشراء عقار فبالتالي راح تقل السيوله للقطاع السكني وبقوه فبالتالي راح يقل الطلب فبالتالي راح تنزل الاسعار بنسب متفاوته حسب المناطق...يعني باختصار راح ترجع الى اسعار ما قبل 2003 او قريبه منها والله العالم.

جزاك الله الف خير

 

[ياقوت]

ان شاء الله ​

 

[ChanZeeN]

السلام عليكم


الحقيقه اليوم انا مكلم مسؤول ذات اهميه في بنك التسليف وقالي بالحرف الواحد الطلبات علي قرض ال 70 الف قلت بشكل كبير !
مما يدل علي انه الناس في حاله ترقب.

 

[سايق الخير74]

يا سلام عليك
كلام عقلاني وسليم
تسلم أناملك على هالشرح الواقعي​

الله يسلمك اخوي جمال

 

[سايق الخير74]

الخالديه واقطع

::verymad::



جزاك الله الف خير

ويجزاك مثله ميكانيكي ودامك تحب الخالديه احب اقولك انه الدعم مالها قوي بس ماعرف احط الجارت مالها

 

[سايق الخير74]

ان شاء الله ​

أخوي ياقوت احب ازيد على كلامك انه حالة الترقب موجوده من 4 شهور وانتهت والآن بدأت حالة العزوف والعزوف عن اي سلعه يؤدي الى النزول