أبشركم : بدأ النزول الفعلي للعقار السكني

[الراقي]

صعبة تنزل اسعار العقار في الوقت الحالي وسبب ارتفاع الأجار وعدم وجود بديل لأستثمار بعد صقوط البورصة وبقاء العقار كستثمار امن

 

[Trend Line_Q8]

صعبة تنزل اسعار العقار في الوقت الحالي وسبب ارتفاع الأجار وعدم وجود بديل لأستثمار بعد صقوط البورصة وبقاء العقار كستثمار امن

سهل الواحد يقنع نفسه
لكن دق سلف وروح لأقرب مكتب عقاري..
واسأل عن الأسعار وقتها راح تتغير قناعاتك
ممكن ترجع للمكتب نفس بعد فتره تجده مغلق لعدم قدرته للإستمرار في سوق يحتضر (مريض )!​

 

[الراقي]

سهل الواحد يقنع نفسه
لكن دق سلف وروح لأقرب مكتب عقاري..
واسأل عن الأسعار وقتها راح تتغير قناعاتك
ممكن ترجع للمكتب نفس بعد فتره تجده مغلق لعدم قدرته للإستمرار في سوق يحتضر (مريض )!​

تصدق انا صارلي سنة ادور بيت وفعلآ الأسعار تم تنزيلها ولكن ليس بلحجم الكبير ابي اعطيك مثل بيت في اشبيلية انا محصلة في 2006 بسعر 140الف في 2007 وصل 240 الف البيت الحين مسيوم 200الف ورعية رافض يبيعه
بيت ثاني في غرناطة راعية مشترية في 2006 ب170الف الحبيب الحين طالب فيه300الف قلت له غالي رد علي وقال البيت فيه اجار شهري 2500دينار جم تبيني ابيعه
وقالي تصدق ان عندي شقة في الدور الثالث بدون مصعد فقط درج مأجرها 375دينار

 

[gh00000st]

والله يا جماعة اللي قاعد يصير خيرة , التجار طغو وخلو الكويتي ما يحلم ببيت يظفه اهو ويا عياله , والورثه كذلك عمتهم الفلوس , جم قضية بالعدل رفعوها الورثه على بعض وعلى أمهاتهم والسبب أسعار البيوت اللي عمتهم ونستهم أبسط قواعد الاسلام والانسانية .

 

[rahaly]

صعبة تنزل اسعار العقار في الوقت الحالي وسبب ارتفاع الأجار وعدم وجود بديل لأستثمار بعد صقوط البورصة وبقاء العقار كستثمار امن

شكرا الراقي .. على الموضوع

فعلا اغلب العقارات الاستثمارية ما راح تنزل

ليش ؟؟

اللي مو محتاج ليش يبيع عقاره على 10% ويروح البنك يعطيه 4% ؟؟؟

اما اللي كانوا مدكنين على القسائم بقصد المضاربة وصعود الاسعار ... ممكن يبيعون

وبشكل عام .. اصحاب العقارات اللي قصدهم استثماري ... في السابق اذا شاف فرصة ... يقول ليش ما ابيع واشتري بفرصة ثانية ؟؟

اما اليوم ... يمسك بعقارة وبس يجمع الايجار اخر كل شهر ... وسلامات

 

[ابو سالم]

شكرا الراقي .. على الموضوع

فعلا اغلب العقارات الاستثمارية ما راح تنزل

ليش ؟؟

اللي مو محتاج ليش يبيع عقاره على 10% ويروح البنك يعطيه 4% ؟؟؟

اما اللي كانوا مدكنين على القسائم بقصد المضاربة وصعود الاسعار ... ممكن يبيعون

وبشكل عام .. اصحاب العقارات اللي قصدهم استثماري ... في السابق اذا شاف فرصة ... يقول ليش ما ابيع واشتري بفرصة ثانية ؟؟

اما اليوم ... يمسك بعقارة وبس يجمع الايجار اخر كل شهر ... وسلامات

إذا نزل العقار في دبي راح تشوف أهل الأستثماري إلي في الكويت كلهم عارضين عقارهم لأن السوق العقاري في دبي أفضل بكثير عن الكويت والسعر أقل والمردود أكثر

 

[Trend Line_Q8]

تصدق انا صارلي سنة ادور بيت وفعلآ الأسعار تم تنزيلها ولكن ليس بلحجم الكبير ابي اعطيك مثل بيت في اشبيلية انا محصلة في 2006 بسعر 140الف في 2007 وصل 240 الف البيت الحين مسيوم 200الف ورعية رافض يبيعه
بيت ثاني في غرناطة راعية مشترية في 2006 ب170الف الحبيب الحين طالب فيه300الف قلت له غالي رد علي وقال البيت فيه اجار شهري 2500دينار جم تبيني ابيعه
وقالي تصدق ان عندي شقة في الدور الثالث بدون مصعد فقط درج مأجرها 375دينار

شوف يالراقي إذا أنت معاشق بيت بعينه !
أكيد صاحبه بغليه عليك

لو متابع عدل راح تلقى بيوت بطن ظهر في اشبيلية إنباعوا بـ 150 و160 ألف حسب التشطيب طبعا
وقبل أقل من شهر بيتين كل واحد 375 م إنباعوا 128 و120 ألف .

في مضاربين كبار من اللي كانوا لهم دور في هالمنطقة يقولون لا تشترون الأسعار راح تنزل بعد .
ومثل ما تدري العقار نزوله مو نفس الأسهم يكون نزول تدريجي وبين بعد فترة من الوقت.

تذكر أيام صعود العقار أوائل الثمانينيات ووصوله للقمة وأخذ سنه بعد سنه ينزل لحد ما خسر تقريبا 70% من قيمتها .​

 

[اشتراكي]

البيوت قامت تنباع بال 150 الف تدرون شمعناته هالكلام؟

قيمة البنيان من 80 لي 100 الف دك يعني الارض راح توصل 50 الف بعد فتره

وانا اشوف التوجه العام جذي لان القانون 8 ضرب السكن الخاص بمقتل

بالنسبه للاستثماري احب انبهكم الى ان 90 % منه مطلوب للتمويل وغيره

يعني اذا حل الدين وماكو سيوله ماتقولي يبيع على منو او شلون المقرود

يكيش؟؟؟؟؟

 

[مستثمر من 1996]

البيوت قامت تنباع بال 150 الف تدرون شمعناته هالكلام؟

قيمة البنيان من 80 لي 100 الف دك يعني الارض راح توصل 50 الف بعد فتره

وانا اشوف التوجه العام جذي لان القانون 8 ضرب السكن الخاص بمقتل

بالنسبه للاستثماري احب انبهكم الى ان 90 % منه مطلوب للتمويل وغيره

يعني اذا حل الدين وماكو سيوله ماتقولي يبيع على منو او شلون المقرود

يكيش؟؟؟؟؟

انا توني حاط ايدي في بيعة عقار استثماري حديث التشطيب ، كان مسيوم 1.1 مليون في اول الصيف وصاحب العمارة ما باع ، العمارة انباعت الاسبوع يلي طاف بسعر 750 ألف دينار " بيعت مضطر " ويا كثر المضطرين في هالايام

يعني النزول قادم لا محالة

 

[ray]

راح يرجع العائد الي 12٪ او 13٪ في الديره للعقار الاستثماري ..وهذا اسوء شي وما اعتقد ان راح ينزل عن هل حد ....كما كان العائد بالسابق قبل الطفره

 

[anw-exchange]

شكثر بينزل يعني؟ ترى هم غالي ... وما اعتقد ان العقار إذا نزل راح يكون في تسهيلات للحصول عل قرض عقاري اعتقد راح يصعبونها على المواطنين

 

[سايق الخير74]

هلا بسايق الخير عساك تسوقه على الجمال وتوزعه وتاخذ اجره

يله عاد قول امين

واسلم على الشباب المشاركين بالموضوع واللي يدخلون على الموضوع

سايق الخير اتوقع والله اعلم بان حتى الاستثماري والتجاري راح يدخلون

بحسبة النزول بعد فتره عندي احساس قوي والله يرزق الجميع اللهم امين ​

آمين جزاك الله خير يا راكان...النزول راح يشمل الجميع لكن بالتدريج.

ممكن اسعار البيوت اللي مساحتها مابين 375 و 400 متر في منطقه السلام او حطين علي كم اسعارهم الان وشكرا

حياك الله اخوي...اسعار المواصفات اللي تفضلت فيها لا تقل عن 220ألف للشارع الواحد ولا تتعدى 250ألف.....بالنسبه للمواقع الجيده ( زاويه او بطن وظهر) لا تقل عن 260ألف ولا تتعدى 290 بأفضل الاحوال...هذي آخر الأسعار...لكن عقب اشهر قليله راح تنزل عالأقل 10% والعلم عن رب العالمين.

 

[تفائلوا بالخير]

لاحد يشتري اي شئ سواء اسهم او عقار او اي شئ اخر الا بالحدود الضيقه ولمدة سنه تقريبا اذا مو اكثر كل شئ بنزول حتى المواد الغذائية بدات بنزول قوي جدا

 

[rikan]

هلا بالشباب

من ايتذكر قبل فتره كانت النسبه للاستثماري اوصلت على 8 %

و 8.5 % والصيده على 9 % امس مر على كذا عرض للاستثماري

والنسبه 12% يعني حصل تغيير على النسبه وهذا انشاءالله يؤكد

على كلامي بان الاسعار بالنازل للقطاع العقاري بالاكمل ولكن

بالتدريج والنزول بالعقار راح ياخذ وقت ​

 

[مضارب عقاري]

صحيح يوجد نزول لكن لايوجد مشتري لان اصلا لايوجد تمويل من غير رهن واذا عاد الرهن سوف

تعود الاسعار ليس كالسابق يعني ترتفع بالمعقول واخر قلاع الاقتصاد هو العقار اذا انهار راح يكون

على الجميع لاتحسب التاجر بس يخسر راح يجر وراه عالم ويسقط قيمة الدينار يعني تضخم

عكسي انا ابي اعرف قانون 8/9 2008 شكو المواطن فية تمنعه ان يقترض ليشتري بيت

امنع المضاربة على الشركات فقط اما تسكر على الكل ما حد يقدر يشتري حتى لو العقار في

عبدالله السالم يوصل 150 الف دينار محد يقدر يشتري الا بتمويل من البنوك لان 70 الف ما تشتري

حتى ارض والله المستعان تخبط حكومي ونيابي دون دراسة لتبعات القوانين

 

[الراقي]

نزول مواد البناء لها تأثير على سعر العقار في خبر ايجابي اليوم وهو ان السعودية راح تسمح بتصدير الأسمنت الى خارج على شرط مايزيد سعره في السعودية عن 10ريال يعني راح يكون في الكويت اقل من دينار ان شاء الله

 

[العوضى]

نزول مواد البناء لها تأثير على سعر العقار في خبر ايجابي اليوم وهو ان السعودية راح تسمح بتصدير الأسمنت الى خارج على شرط مايزيد سعره في السعودية عن 10ريال يعني راح يكون في الكويت اقل من دينار ان شاء الله

ان شاء الله , بس خوفك ربعنا ياخذونه رخيص و يدوبلون السعر هنى

 

[الراقي]

ان شاء الله , بس خوفك ربعنا ياخذونه رخيص و يدوبلون السعر هنى

ودهم بس مايقدرون لأن الفائض راح يغرق السوق

 

[الخبير بوناصر]

بالفعل بدأ التصحيح والهبوط بالعقار والدليل سوق عقارات الكويت بحيث في السابق لايوجد مكتب فاضي للإيجار أما اليوم فمكاتب الصف الأول كم مكتب مقفل والصف الثاني النص مقفل أما الصف الثالث فكل المكاتب فاضية وتم إخلائها لعدم الجدوى من دفع الإيجار الشهري في ضل الركود وعدم وجود مشتري وللعلم العروض بالهبل بس التاجر لي الحين إستيعابة بطيء موراضي يفهم بأن أسعار الأمس لم تعد موجودة وعلى مايستوعب يبيلة وقت وبتشوفون النزول على أصولة​

 

[سياف]

بيت بمنطقتنا قبل فترد جابله 260 الف قبل اسبوع باعه 226 بالغصب قلت ليش بعته قال مافي شرايه