خبير عقاري يبشر بتراجع حاد لاسعار السكن الخاص ...

[wa7dany]

عزيز وغالي يالوحداني
يالغالي لك مني كل احترام وتقدير
والله يوفق الجميع ​

الجاملي حبيبي أسف بس في نقطة وحدة نسيت أبينها حق نفسي ولك ولباقي الشباب.. وأوعدك ماراح أاذيك بمداخلاتي الثقيلة وراها

ألا وهي.. انت قلت انك فضلت انك تستثمر و تكوّن نفسك أحسن من انك تشتري بيت وتسكر على عيالك.. وانا قلتلك انا فضلت اني اشتري بيت وأامن في عيالي بعدين أستثمر.. حلو؟

الجاملي لنفرض اني مريتك بعد شوي وأخذتك بسيارتي أعزمك على العشاء اليوم.. وصارلنا حادث انا وياك والله أخذ أمانتنا اثنينا... طبعا الشي هذا جايز صح؟ ولا أحد فينا ضامن.. شنو راح يكون وضع زوجتي وعيالي .. وزوجتك وعيالك يالجاملي؟ خنكون صريحين..

مع احترامي حق أهلك وأهل زوجتك واخوانك واخوانها.. انشالله مو مقصرين فيهم.. بيتمون عند أحد منهم سنة سنتين؟ راح يرتاحون بالوضع؟ راح يتحملونهم بصورة كاملة؟ ماراح يتضايقون وتصير مشاكل؟ الأجابة في أحسن وأفضل الأحوال بتقولي ما أضمن.. يمكن اي ويمكن لا.. صح؟ اذا الفلوس اللي بيورثونها وراك بعد عمر طويل تييبلهم بيت بالأسعار الحالية راح يكونون محظوظين (طبعا احسب حساب شئون القصر وقوانينها اللي راح تبهدلهم ولا راح يقدرون يحطون فلوسهم كلهم مع بعض ويشترون بيت..)

أنا على الأقل زوجتي وعيالي راح يكونون قاعدين في بيت ملك لهم ومسكرين بابهم ولا في أي أحد له عندهم شي أو يقولهم ثلث الثلاثة كم... وينقنقون في معاشي التقاعدي وكم البيزة اللي ورثوها مني..

ساعات يالجاملي الأستقرار بحد ذاته له ثمن لازم تدفعه حتى لو انه راح في جيوب الجمبازية التجار على قولتك بصورة غلاء أسعار.. وهذا اللي أبي أوصله... أتمنى تكون وصلت المعلومة

 

[سوق التجار]

يظل قانون مقترح واتوقع صعب اقراره... لانه لن يخدم السواد الاعظم من الشعب..وبالتالي نواب الامة لن يسعوا لاقراره خوفا على اصوات ناخيبهيم.. سنشاهد خلال الشهرين القادمين انخفاض ملحوظ في اسعار السكن الخاص خصوصا بعد 19 فبراير وهو موعد طرح الحكومة لخطتها الاسكانية بالمجلس..ولاتنسون الرغبة الاميرية التي دعت الى نوزيع البيوت على الخريطه وقبل تجهيز البنية التحتية للمنطقه..

لعلمك القانون تم التصويت عليه بالمداولة الأولى.. وحصل على أصوات أغلب الأعضاء .. و من المتوقع التصويت عليه بالمداولة الثانية خلال هذا الشهر .. واذا حصل على أصوات الاغلبية هذه المرة فراح يكون القانون نافذ بعد التصديق عليه من الامير.

و في أعضاء متحمسين لأقرار هذا القانون منهم عادل الصرعاوي و أحمد شحومي ...

و من المعارضين له حسب ما أذكر عدنان عبدالصمد.

 

[بو سعود2003]

عزيزي

حدث العاقل بما يعقل

100% راح تنزل الاسعار الى مستويات معقوله
والسبب ان اسعار الاراضي جدا مرتفعه مما ادى الى قلة طلبات الشراء
ومثلك عارف ان العرض والطلب تحكم الأسعار
فاذا في عرض بأسعر عالية ومافي طلب عليها بسبب وجود عدم تناسب بسعر الارض مع دخول المواطنين!!!

انته تدري ان اعلى دخل وظيفي غير قادر على شراء بيت؟؟
والقصد بالدخل الوظيفي هو 2500 الى 300 دينار؟
لأن اذا ياخذ قرض فأقصى شيء ياخذ 70 الف ومن التسليف 70 الف = 140 الف، والباقي من وين؟ الا اذا يكون بسن الاربعينات ومجمع شقى عمره ويبي يحطه كله بشراء بيت هذا شيء ثاني (طبعا وهذا يعتبر قمة الجنون)

عزيزي العملية كلها اجرام باجرام
لأن من مو منطق ان:
1- انا اخذ قرض من البنك واحمل الأسره فوق طاقتها واحرمها من العيشة الاعتيادية بس علشان بيت
2- واخذ قرض الاسكان وهذا باب ثاني من الاقساط
3- واقط شقى عمري فوق فلوس القرض علشان الأخ التاجر يصير مليونير من ورا ظهري ويعيش عيشة الترف وانا اكل حنايج
هذا اذا فعلا كان مجمع شيء علشان يخطي هالخطوه
فاذا ذوي الدخل العالي ما يقدر يشتري اذن من وين راح تيي طلبات الشراء؟؟ ومن الطبيعي ان الاسعار راح تنزل

صح؟

كلامك عين العقل

 

[caca]

السلام عليكم

الحسبة بسيطه....
بيت 250 الف....
قرض بنك التسليف 70 الف ....
باقى عليك 180 الف ....
قول امحوش 100 الف طبع هذه فأة قليله الى جامع المبلغ هذه باقى 80 الف...
رحت البنك مافيها كلام 80 الف قصد 800 دينار....
الى فقدتة من وراء شراء البيت....
الحكومه تعطيى بدل اجار 150 دينار هذه راح عليك....
خصم بنك التسليف من الراتب100 دينار راحت عليك...
قصد البنك 800 دينار ...
تحوشية العمر 100الف دينار لو وضعتهاا فى وديعه تعطيك اقل شئ500 دينار شهرى...
مجموع الخساره الشهريه من وراء الشراء البيت....
1550 دينار راح تفقده شهرى ...
طبعاا ما حسبت الاثاث وتعديل لما تسكن...
وماحسبة اذا طلع جيرانك المساكين مدبسين معاك كل شوى جايك واحد عندك سلف لى اخر الشهر....
تقول ابى اجر الطابق والله لو تعرفون مشاكل المستاحرين جان يتغير تفكيركم...

 

[بو محمود]

مداخلة بسيطة لو تسمحون لي


العقار السكني رح ينزل قريبا ورح نلمس هالشي خلال العام الحالي

أما الاستثماري والتجاري فما يزال في صعود ورح يبتدي في النزول مع بداية عام 2010 ان شاء الله

يعني الاسعار بعد سنتين رح ترجع تنزل علشان توصل لمستوها بنفس هذه السنة

باختصار ( كأنك يابو زيد ما غزيت )

تقبلوا مودتي ،،،​

 

[العوضى]

انت تريد , وانا اريد , والله يفعل ما يريد , كل الكلام اللى ذكروه الأخوان جميل , لكن الوضع مو بالبساطه و الصوره اللى متوقعها الكثيرين , انا اعتقد انخفاض قيمة العقار فى بعض الأماكن , مع بداية شهر يناير للعام الحالى , ليس بسبب الإرتفاع الكبير فى قيمة العقار , وانما هى فتره مؤقته , مرتبطه مع اسواق البورصه , والكل يعلم الفتره السابقه والركود الذى صاحبه ونتج عنه خمول اسواق البورصه و ارتفاع اسواق العقار , والتجارب السابقه اثبتت ذلك , وحاليا سوف يكون هناك ركود مؤقت لأسواق العقار و التوجه الى اسواق البورصه و الكل يلاحظ الإنتعاش الذى نعيش فى بورصة دولت الكويت , المسألة مسألة ( دوره عكسيه ) بين البورصه من ناحيه و العقار من ناحيه اخرى .
اما التفائل و الأحلام , تظل لحين تطبيق القرارات والعمل الجاد والملحوض , واذا دخلنا بباب ( الخطه الخمسيه ) والمسطلحات التى نسمعها من سنوات , دون العمل بها , فيبقى الوضع كما هو عليه ( مجرد رأى شخصى)

 

[بوفراس]

لعلمك القانون تم التصويت عليه بالمداولة الأولى.. وحصل على أصوات أغلب الأعضاء .. و من المتوقع التصويت عليه بالمداولة الثانية خلال هذا الشهر .. واذا حصل على أصوات الاغلبية هذه المرة فراح يكون القانون نافذ بعد التصديق عليه من الامير.

و في أعضاء متحمسين لأقرار هذا القانون منهم عادل الصرعاوي و أحمد شحومي ...

و من المعارضين له حسب ما أذكر عدنان عبدالصمد.

ايضا وليد الطبطبائي معارض هلقانون


عدنان عبدالصمد عده محل لبيع وشراء العقار وشي طبيعي بعارض



انا عن نفسي كنت معطي صوتي لعدنان عبدالصمد بالمرة السابقة هلمرة قسما بالله مالك امل اعطيه صوت تحسفت اني عطيته صوت

شخص وجوده زي عدمه بالمجلس لا يهش ولا ينش بس يبي يتناجر ويتهاوش على اسخف الشغلات والشغلات الي فيها منفعه للعالم ما يخدمك فيها وتلقاه ضدك مثل هلقانون


بختصار عدنان عبدالصمد اكس وتوبة اصوتله

 

[kwt.to.kwt]

الحكومة ما اقدرت تنزل اسعار المواد الغذائية
فكيف تنزل اسعار الاراضي !!!!!!!!!!!!

 

[fawaz74]

عزيزي وحداني

اولا شاكرلك مشاركتك وتعليقك على كلامي بكل سعة صدر وترحيب.

مافي شك ان هالمنتدى وضع لأبداء الرأي الحر وكل شخص يقول ويشارك باللي يؤمن فيه ولكن تكون المشاركات والتعليق على اي مشاركة اخرى بأتزان واحترام

اما انك تعلق مثل ما اخونا فواز علق بذكر جمل وكلمات تستهزء بالرأي الأخر فهذا شيء غير مقبول على اي عضو

بالنسبه لرأيك ومقترحك اللي سويته انته كان في اوائل التسعينات واسعار ذاك الوقت غير الوضع الحالي لأن الأسعار صارت اكثر من اربع اضعاف مما يعني ان المسأله صارت مسخره وجمبزة من التجار على المواطنين وصارت العملية بوق عينك عينك!!

انته تدري ان كل اللي قاعد يحصل لعب بلعب؟
تدري ان المساحه المستغله من اجمالي ارض الكويت هو 5% فقط وهو الشريط الساحلي؟
تدري ان المسخرة وصلت الى ان قيمة العقار وصل الى ان اعلى دخل بالدولة ما يقدر يشتري بيت وذلك بسبب التسيب واللعب بهالديرة من قبل عدة اشخاص؟

انا اضربلك مثال بسيط:
جم بال% من الشعب يقدر يشتري بهالأسعار؟ جم 10% واللي هم اصلا اغنياء، اوكي وبعدين؟؟ منو راح يشتري؟
عزيزي انته قاعد تتكلم عن مسخرة غير قابله للنقاش وهو ان سعر العقار يفوق طاقة ودخل المواطن الكويتي؟

كل دول الخليج اسعار الاراضي وحتى بعد ارتفاعها تعتبر معقوله الا هالديره؟ ليش؟ لأنه فيها فطاحله الاجرام والنصب على كل مواطن مسكين

عزيزي وحداني
شلون ما تبيني انصح الشاب الكويتي وسعر العقار راح يدمر اسرته بالكامل خصوصا الاسعار الحاليه
انته ضربت مثال عن وقت مضى وهو اوائل التسعينات والقدرة الشرائية لا زالت معقوله والاثبات ان من خلال قرض البنك المصرح لك فيه تقدر تغطي قيمة الارض وب70 بنك التسليف تبني وكان الله غفور رحيم

ولكن الحين تحتاج الى 3 اضعاف قيمة القرض المصرح لك فيه بس علشان تشتري الارض بالله عليك هاذي مو مصخره لا يكون جنة الخلد وباقي دول الخليج الاراضي فيها تعتبر حضرموت؟؟؟؟

العقل هو الميزان ومن خلاله تقرر وتخطط والمثال هو:

انته في اوائل التسعينات قررت وخططت تشتري البيت والحمدلله توفقت (بأسعار معقوله اكرر بأسعار معقول) والله يبارك لك فيه ولعيالك، وكان مخططك ناجح حسب تخطيطاتك، صح؟

انا في اوائل التسعينات قررت ادرس واجتهد واكافح واستثمر علشان من خلاله هالأجتهاد اكون جم بيزه وأأسس قاعده دخل قويه من خلالها اسوي كل اللي يحلالي بدون ضغط ولا التزام
والنتيجه ان انا واعوذ بالله من كلمة انا كونت اضعاف قيمة البيت الحالية في السوق ولكن الفرق ان انا فلوسي موجوده بأستثمارات وتكاثر و كاش بجيبي وانته فلوسك مجمده في بنيان غير قابل للتصرف فيه واذا صار راح تكون صعوبه فيها

هذا التوضيح لاختلاف قرارات الناس بينها وبين بعض ولكل رأي احترام ولكن انا بأعتقادي انك تأسس مصادر الدخل الأساسية ومن خلالها اشتري اكثر من بيت + الاستقرار في حياة الأسرة + وجود الاصول ورأس المال

ومع هذا ومع وجود الكاش لشراء البيت عندي الا اني ارفض اني ادفع فلس احمر على سلعه انا غير مقتنع فيها والسبب ان الكاش اللي تم تكوينه هو ناتج من تعب واللي يتعب بشيء ما يروح يقطه بالساهل على شيء اهو مو مقتنع فيه

عموما لكل انسان رأي وانا احترم كل الأراء وانته وحداني عزيز وغالي وان شاء الله الكل يكون سعيد وراضي بقراراته اللي يتخذها بحياته

ملاحظه للأخ فواز على مشاركته الأخيره:
محكر حمام مسميها ارض بسعر وهمي وغير قابل للتصرف فيها لأن اذا بعتها راح تنجل
ما سمعت ان الكاش قوة ؟ وانا حر لكن انت مو حر
اما بالنسبه لتعليقك ان تقدر تشتري فريجنا بالكامل فليش اخذت قرض
عزيزي اذا انا بوصقر فأعلم انك زرزور
انا قادر على اني ارد عليك ردود مماثله لأسلوبك وأفحمك لكن ما راح ارد لأن كل واحد يعرف وزنه
واخيرا ما اقول الا الله يهديك اللي خليتني ارد عليك هالرد



شكرا

اخوي جمال انت مشكلتك مثل ناس وايد نعرفها ونتعامل معاها بشكل يوم....لا تعرف ابسط معاني الاستثمار والنمو الاقتصادي والعرض والطلب ويتكلم لمجرد الكلام ومتناقض بالطرح....شنو محكر حمام الكويت كلها 400 متر من عشرين سنه لايكون الي يسمع بيعطونك 1000 متر...ثانيا انت تكلم عن نزول العقار وتقول نطرو التوزيع الحكومي قمه التناقض ولاتشترون شنو يهمك من نزول العقار او صعوده....وبعدين ترجع بالنهايه وتقول مابي افحمك اخي بشنو والناس تقرا قلت حيلتك...حبيبي في نوعين من الناس ناس تقرا المستقبل صح وتلعبها عدل وانت من النوع الثاني ماعنده القدره على خطوات محسوبه بدقه وتعطي افضل النتايج اما تقولي حر وعبد البنوك اسمحلي اقولك في شجاع وجبان دنيا...وفي الي يسوي الي يبيه....تقولي ليش تقترض اقولك انت بمنتدي اقتصادي واكبر التجار والشركات تمول مشاريعها بالقروض وتجني ارباحها وتدفع الاقساط وتحتفض بالفرق ارباح....بس انت من الناس الي ماتعرف الحسابات المعقده بالمختصر تستعمل ( + و - ) اما ( الضرب والقسمه والنسبه المؤيه ) مولك واشلون ادفع عشان احصل الي فبالي واسترد الي دفعته خلال سنوات راح ترتفع فيها الاسعار....وبعدين انت بنفسك قلت ارض بجيبوتي لا اخوي اشتري فريج كامل بجيبوتي بقيمه بيت بجنوب السره....الكاش قوه يكسرها التضخم الي انت قاعد تعيشه اليوم وبتشوف اكثر الايام اليايه...اما التملك والاستفاده من النمو اهو الي له فايده وفي ناس جاوبت عليك قبل شوي وقالت اكثر وشرحت وكلامي مو موجه لك للناس الي تقرا وتقارن....وتستفيد بالنهايه

 

[المرشد1]

يا جماعة الخير الي معارض والي مؤيد لموضوع الشراء
كل شخص بالنهايه علي قدر استطاعته وفكره وتدبيره
ترا الامر مو غصيبه اشتري او ما اشتري
عط رأيك وفكنا في نجرتك واصرارك انك الصح والباقي غلط
انا اتكلم بشكل عام

الي شرار شرا واللله يبارك له ولا يتشمت بالاخرين فيبتليه الله ويعافيهم
والي ناطر ترا مهو مستانس غصب من ورا خشمه
عقارات نار والراتب حده حده
وزاد الطين بله غلاء المعيشه والزياده رايحه بنفس الطريق

الكل يدري ان الايجار خساره والمنه للمأجر ممكن بأي لحظه
يقولك بزيدك او حتي يقولك اطلع ما ابيك
محد يا اخواني يرضي بالمذله والايجار والله ثم والله مذله وعدم استقرار
منت قادر تطق مسمار وتستخسر تشتري شي عليه القيمه
وكل امور مؤقته

ولا نملك الا نقول لللحكومة عجلوا علينا الله يرضي عليكم
الامر زاد عن حده والتجار كلونا
كل شي متوفر والخير كثير
خصصوا الاراضي وابنوا المدن بالسرعة الممكنه
والله بيكون بعونكم

 

[jamalll]

تعجبني

اخوي جمال انت مشكلتك مثل ناس وايد نعرفها ونتعامل معاها بشكل يوم....لا تعرف ابسط معاني الاستثمار والنمو الاقتصادي والعرض والطلب ويتكلم لمجرد الكلام ومتناقض بالطرح....شنو محكر حمام الكويت كلها 400 متر من عشرين سنه لايكون الي يسمع بيعطونك 1000 متر...ثانيا انت تكلم عن نزول العقار وتقول نطرو التوزيع الحكومي قمه التناقض ولاتشترون شنو يهمك من نزول العقار او صعوده....وبعدين ترجع بالنهايه وتقول مابي افحمك اخي بشنو والناس تقرا قلت حيلتك...حبيبي في نوعين من الناس ناس تقرا المستقبل صح وتلعبها عدل وانت من النوع الثاني ماعنده القدره على خطوات محسوبه بدقه وتعطي افضل النتايج اما تقولي حر وعبد البنوك اسمحلي اقولك في شجاع وجبان دنيا...وفي الي يسوي الي يبيه....تقولي ليش تقترض اقولك انت بمنتدي اقتصادي واكبر التجار والشركات تمول مشاريعها بالقروض وتجني ارباحها وتدفع الاقساط وتحتفض بالفرق ارباح....بس انت من الناس الي ماتعرف الحسابات المعقده بالمختصر تستعمل ( + و - ) اما ( الضرب والقسمه والنسبه المؤيه ) مولك واشلون ادفع عشان احصل الي فبالي واسترد الي دفعته خلال سنوات راح ترتفع فيها الاسعار....وبعدين انت بنفسك قلت ارض بجيبوتي لا اخوي اشتري فريج كامل بجيبوتي بقيمه بيت بجنوب السره....الكاش قوه يكسرها التضخم الي انت قاعد تعيشه اليوم وبتشوف اكثر الايام اليايه...اما التملك والاستفاده من النمو اهو الي له فايده وفي ناس جاوبت عليك قبل شوي وقالت اكثر وشرحت وكلامي مو موجه لك للناس الي تقرا وتقارن....وتستفيد بالنهايه

تصدق من كثر ما تجادلني حبيتك
وتعجبني لمن تقول اني ما اعرف ابسط الامور وهي الضرب والقسمه

ارد اقولك اعوذ بالله من كلمة انا
اعلم ان احب شيء عندي هو احترام الناس ومحبتهم

واذا اللي يهدي من اعصابك اني اقولك اني غلط وانته الصح، فخلاص انته الصح

ويعجبني فيك انك مستانس انك انجزت شيء وهو بيت العمر بو 100 الف لأنك تذكرني بوايد اشياء

تحياتي لك

 

[jamalll]

يا جماعة الخير الي معارض والي مؤيد لموضوع الشراء
كل شخص بالنهايه علي قدر استطاعته وفكره وتدبيره
ترا الامر مو غصيبه اشتري او ما اشتري
عط رأيك وفكنا في نجرتك واصرارك انك الصح والباقي غلط
انا اتكلم بشكل عام

الي شرار شرا واللله يبارك له ولا يتشمت بالاخرين فيبتليه الله ويعافيهم
والي ناطر ترا مهو مستانس غصب من ورا خشمه
عقارات نار والراتب حده حده
وزاد الطين بله غلاء المعيشه والزياده رايحه بنفس الطريق

الكل يدري ان الايجار خساره والمنه للمأجر ممكن بأي لحظه
يقولك بزيدك او حتي يقولك اطلع ما ابيك
محد يا اخواني يرضي بالمذله والايجار والله ثم والله مذله وعدم استقرار
منت قادر تطق مسمار وتستخسر تشتري شي عليه القيمه
وكل امور مؤقته

ولا نملك الا نقول لللحكومة عجلوا علينا الله يرضي عليكم
الامر زاد عن حده والتجار كلونا
كل شي متوفر والخير كثير
خصصوا الاراضي وابنوا المدن بالسرعة الممكنه
والله بيكون بعونكم

تعجبني على هالكلام الطيب​

 

[العوضى]

تصدق من كثر ما تجادلني حبيتك
وتعجبني لمن تقول اني ما اعرف ابسط الامور وهي الضرب والقسمه

ارد اقولك اعوذ بالله من كلمة انا
اعلم ان احب شيء عندي هو احترام الناس ومحبتهم

واذا اللي يهدي من اعصابك اني اقولك اني غلط وانته الصح، فخلاص انته الصح

ويعجبني فيك انك مستانس انك انجزت شيء وهو بيت العمر بو 100 الف لأنك تذكرني بوايد اشياء

تحياتي لك

كبير , و تظل دوم كبير اخوى جمال , بس صراحه حلوه جيبوتى

 

[ChanZeeN]

السلام عليكم

اتوقع العقار راح ينزل بمقدرا 20 الي 25 بالميه

 

[jamalll]

يبيله ارض بجيبوتي

كبير , و تظل دوم كبير اخوى جمال , بس صراحه حلوه جيبوتى :d

عزيز وغالي اخوي العوضي
الله الكبير
واحترامي لكل رأي انذكر بهالموضوع
وعلى طاري اراضي جيبوتي جنه يبيله نشتري جم قطعه ارض هناك

 

[jamalll]

انخفاض بقيمة العقار 25% واكثر

السلام عليكم

اتوقع العقار راح ينزل بمقدرا 20 الي 25 بالميه

نعم التقارير الاقتصاديه تشير الى ان العقار راح ينزل بالخليج من دبي الى الكويت بمعدل 25% واكثر في سنة 2008

اخوي فواز التقارير الاقتصاديه تقول مو انا علشان لا تجادلني

 

[fawaz74]

نعم التقارير الاقتصاديه تشير الى ان العقار راح ينزل بالخليج من دبي الى الكويت بمعدل 25% واكثر في سنة 2008

اخوي فواز التقارير الاقتصاديه تقول مو انا علشان لا تجادلني

وانا بعد حبيتك اكثر مع التقارير الاقتصاديه الي راح توزع على العالم بيوت وارضي ابلاش وتنزل طن الحديد وجيس السميت...الحكم للناس اهي الي راح تستفيد من حديثنا...وبالنهايه تقرر صالحها حسب الظروف بالمستقبل

 

[مضارب شجاع]

ها شباب انزلت الاراضى !!!!!!!!!
انا عندى 120 الف بشترى بيت على البحر !!!!!!!
مجرد حلم ,,,,,,,,,,!!!!!!
خلونا نحلم الحلم ببلاش ,,,,,,
قلت لكم لا تصدقون ان اراضى راح تنزل ...... ولازلت اكرر كلامى
وبعض الاخوه قال اننى تاجر عقار !!!! الله يسمع منك يا ليت اكون تاجر عقار
ولكن الناس ما يبون الواحد يقول الحقيقه ولو ان الحقيقه احيانا مره ,,,

 

[Q8 Stock]

الله يديم المحبه

 

[jamalll]

الله يديم المحبه

لا تحاتي يا مشرفنا العزيز
المحبه موجوده ولو اختلفنا بالأراء
كلنا اهل ديرة وحده وعلى قلب واحد
ولو نتجادل الكل يظل عزيز وغالي​